Yoano 7:39 - KILOMBENO KIHYA KIA NFUMWETU YESU KIDISITU

³⁹ (Anka uno E badi akula wa Kikudi-E-Selele, badi akikyebwa kuhebwa kwi bakumukumina, mwanda Kikudi-E-Selele badi tabandjile kufika, mwanda Yesu tabadi mutumbishibwe.)

Yoano 7:39 ပူးပေါင်းရင်းမြစ်များ

Mateo 16:14

Abamwālulwile’shi: Bamo’shi, we Yoano Mubatshishi; bamo’shi; Elaidja, bangi’nyi: we Yelemiya, su we umune a ku batemuki.

Mateo 21:11

Kibumbu kibakwile’shi: Uno nyi Yesu, mutemuki a ku Nasaleta mu Ngadilea.

Luka 24:49

Talai, nenutumina hanudi mulayilo wa Yaiya’nde; anka nushale mu kibalo kia Yelusalema mpaa n’ahanukekala bafwadikwe na bukome bwa mwiilu.

Luka 3:16

Yoano bālulwile kwi boso’shi: Binyibinyi ami nenubatshisha mu mema; anka umune munkile’mi bukome afiki, nkimuhwandjikile kwangula mioshi ya bikondo bie: E akenubatshisha mu Kikudi-E-Selelee na kālo.

Luka 7:16

Boso abakwatshibwe na moo; abatumbishe Efile Mukulu’shi: Mutemuki mukata bamweka munkatshi mwetu; dimonyi’shi: Efile Mukulu basamba bantu be.

Yoano 1:21

Biabia tabamukokōla’shi: A na minyi? We Elaidja su? E namu’shi: Ooo. Obe we (winyi) mutemuki su? Bālulwile’shi: A a.

Yoano 1:25

Biabia tabamwihusha’shi: A henyihaha nkinyi kiobatshishā su twe (winyi) Kidisitu, sunga mbu Elaidja, sunga mbu (winyi) mutemuki?

Yoano 1:33

Tanadi mumushingule: anka winyi bantumine kubatshisha mu mema, nyi bandungwile’shi: Ha yawa okamono Kikudi-E-Selelee ayiki na kushala ha mbidi he, yawa nyi akabatshishā mu Kikudi-E-Selelee.

Yoano 12:16

Bana be-ba-bukishi tababadi beukye yino myanda kwibedi: anka habadi Yesu batumbishibwa, henyihaha nyi hababatentekeshe, na bia binyi bibamufundjilwe na bia babamukitshine.

Yoano 12:23

Yesu babalulwile’shi: Kihindji kibafiki, kia Mwan’a muntu atumbishibwe.

Yoano 14:13

Anka kioso kianukatekye mwishina diande, su nkinyi, su nkinyi, nankenukitshina kianka’shi, Yaiya atumbishwe mu Mwana.

Yoano 14:26

Anka Musambi nyi Kikudi-E-Selelee, akatumu Yaiya mwishina diande, E akenulambukisha bintu bioso, na kwinutentekesha bioso binenulungula’bi.

Yoano 16:14

Akantumbisha: mwanda akatambula biande, akenulungula’bio.

Yoano 16:7

Sunga biabia, nenulungula bia binyibinyi: Mbinuhwandjikile’mi kwenda, mwanda su tanyende, Musambi takafiki kwanudi; anka su nēnde, nankamutumu kwanudi.

Yoano 17:1

Habakwile Yesu yino myanda babandulwile meso E mwiilu, eshi: A! Yaiya, kihindji kibafiki, tumbisha Mwan’obe’shi Mwan’obe namu akakutumbisha.

Yoano 17:5

Binobino, Obe Yaiya ontumbishe’mi, hamune n’obe na mwinyi na ntumbo yatubadi nayo n’obe kwibedi kwa nsenga tayayikele hanka:

Yoano 20:22

Habahwile kwakula uno (mwanda), e bebahwile muwa habadi, bebesambile’shi: Tambulai Kikudi-E-Selelee.

Yoano 6:14

Binyibiabia, baba bana balume, hababamwene kino kilengeleshe kibakitshine Yesu, babambile’shi: Binyibinyi, uno’u ngi’awa mutemukye akafikye hano-ha-nsenga.

Yoano 7:12

Kubadi bangi be bungi babadi abaununa ha mwanda we. Bangi’shi: E muntu ebuwa: bangi namu’ ’shi: Ooo, ’ōngola bantu bisumanga.

Yoano 8:54

Yesu balulwile’shi: Su netumbisha ami na mwinyi, ntumbo yande ngia bisumanga: antumbishā n’Shami; winyi anutemuna’shi: ’Efile Mukulu etu.

Bikitshino 19:2

bebehwishe’shi: Kasha nubakuminyine tanubatambwile Kikudi-E-Selelee su? Biabia, abamwālulwile’shi: Tatw’i bahushe su ngu mwanda winyi’shi, kwi Kikudi-E-Selelee.

Bikitshino 2:17

Efile Mukulu bakwile’shi: Akikekala mu mafuku a kunfudilo, Nankahongolwela Kikudi-E-Selelee ande, Na bana benu balume na bakashi abakatemuka myanda, Na basongwalume benu abakamono bimonwa bia bilengileshi, Na balume benu banunu abakaloto bilotwa;

Bikitshino 2:33

Binyibiabia tadi mukamishibwe ku mboko yibalume y’Efile Mukulu, na habatambwile kwi Shye mulayilo wa Kikudi-E-Selelee, e bahongwele kino kianumono na kianuhusha binobino.

Bikitshino 2:38

Binyibiabia Petelo bebālulwile’shi: Elangei ’māshimba, nubatshishibwe boso bwenu mwishina dia Yesu Kidisitu, mwanda wa kulekyelwa kwa milwisho, biabia anukatambula buntu bwa Kikudi-E-Selelee.

Bikitshino 2:4

N’abo boso abadi baūlwe na Kikudi-E-Selelee, ababangile kwakula na ndjimi yingi mu bebahelele Kikudi-E-Selelee kwakula’yo.

Bikitshino 3:13

Efile Mukulu a Abalahama n’ā Isaka, n’ā Yakoba, Efile Mukulu a bashyetu batumbishe Mwan’e Yesu; winyi anubatule ku kimu, nubamutūne namu ku mpala kwa Pilata, habadi n’eshimba dia kumuhosola.

Bikitshino 4:31

Henyihaha habādi abatekye Efile Mukula, amwa mwābadi bakumbene hamune mubasushile, boso bwabo abadi baule ndā na Kikudi-E-Sele-lee, abakwile mwanda w’Efile Mukulu na kunyinga kushī na moo.

Bena Loma 8:9

Ank’anwe ta nwi mu bia mbidi, anka mu Kikudi-E-Selelee, su Kikudi-E-Selelee ki’Efile-Mukulu ki mwanudi’nwe. Su kwi muntu, su nanyi su nanyi, ashī na Kikudi-E-Selelee kia Kidisitu, biabia, ta ngee, sunga mpakotokoto henyi.

Ii Bena Kodinda 3:8

A mufubo wa Kikudi-E-Selelee taukekala wi na ntumbo yikilekile su?

Bena Efisesa 4:30

Tanufitshishanga eshimba dia Kikudi-E-Selelee e Efile Mukulu, kwadinyi kwanubakayikwa mpaana kwifuku dia kikūdilo.