Yoano 4:34 - KILOMBENO KIHYA KIA NFUMWETU YESU KIDISITU

³⁴ Yesu bebālulwile’shi: Bidibwa biande nyi mbino’shi: Nkite akikyeb’eshimba di’awa bantumine, na kuhudisha mufubo we.

Yoano 4:34 ပူးပေါင်းရင်းမြစ်များ

Mateo 26:39

Binyibiabia bayile ku mpala kihindji kihi, babandamine mpala ye hashi, tatekye’shi: A Yaiy’ande, su nkilombane, kihulu kino kinkile’mi, anka bishī bu mwankyebela, ooo, anka mokyebela’be.

Mateo 3:15

Biabia Yesu bamwalulwile’shi: Kumina’, nka biabia binobino; mwanda ubetuhwandjikile’twe kukumbasha kululama kwishimba koso. Henyihaha bamukuminyine.

Mateo 9:19

Yesu bēbwele, tamulondo, na bana be-ba-bukishi.

Luka 15:10

Nenulungula’shi: Anka biabia, kwi kusehela ku mpala kwa bamwikeilu b’Efile Mukulu ahelanga mulwishi umune mwishimba.

Luka 19:10

Mwanda mwan’a muntu bafiki kukimba na kuhasha abadi bashimine.

Luka 2:49

E, bebālulwile’shi: A nunkimbilanga kinyi? tanwibeukye’shi, nkihwandjikile’mi kufuba mufubo wa Shami.

Yoano 17:4

Nahu kukutumbisha hano-hansenga: nahu kuobesha mufubo ubompele kukita.

Yoano 19:28

Kumongo kwa yino, Yesu hakwiuka’shi, bintu bioso bibakitshinwe’shi, kifundwe kikumbanyinyine, bakwile’shi: Nyi na nyota.

Yoano 19:30

Yesu habatambwile nfinyo yisase, bambile’shi: Kubahu. Henyihaha banyekyele mutwe we, batūle eshimba.

Yoano 4:32

Anka E bebalungwile’shi: Nyi na bidibwa biankwete kudia bianushyanuuku.

Yoano 5:30

Ami na mwinyi tañuku kukita kintu, bi nahusha biabia natshibi (mwanda) na kutshiba kwande nkululame; mwanda nki mukimbe (kukita) eshimba diande, anka’kikyebe eshimba dia Yaiya bantumine.

Yoano 5:36

Ank’ami nyi na misambo yikile ya Yoano: mwanda bikitshino biba mpele Yaiya bia kuhudisha, bino bikitshino binakitshi, abintemusha’shi ng’Yaiya bantumine.

Yoano 6:33

Mwanda bidibwa bi’Efile Mukulu, nyi ngyawa baikile mwiilu, aha be ha nsenga muwa.

Yoano 6:38

Mwanda nkimufikile mwiilu kukita bu mwankyebela, anka amukyebela bantumine.

Yoano 8:29

Bantumine winyi E n’ami: Shami tamundekyele buhenka bwande, mwanda mafuku oso nakitā abio bioso abimusangulusha.

Bikitshino 20:35

Mu bintu bioso nenulesheshe’shi, hakutuhwita mufubo wanudi n’au mbihwandjikile’nwe kukankamishā’bo batūba, na kunangushena bishima bia Nfumwetu Yesu, bibākwile’shi: Mwabi wa kuhana, ngukile wa kuhebwa.

Bena Bahebelu 12:2

twikyebulei kwi Yesu, kimankinda na mukumbashi a lukumino, winyi e ha mwanda wa kusehela kubatudilwe ku mpala kwe, bañyinamene (ku) nkulusu, basabulwile būfu, tadi mushale ku mboko yibalume ya luhun’a nsulu lw’Efile Mukulu.