Yoano 4:10 - KILOMBENO KIHYA KIA NFUMWETU YESU KIDISITU

¹⁰ Yesu bālulwile amwamba’shi: Su bodi ouku buntu bw’Efile Mukulu, na mwinyi akutekye’shi: Mpe a kutoma; obe bodia kumuteka, n’e namu badia kukuha mema a muwa.

Yoano 4:10 ပူးပေါင်းရင်းမြစ်များ

Luka 11:13

Biabia su anwe bebubi, anwiuku kuha bana benu bintu bibuwa: Nshyenu e mwiilu takakishakisha kuha kwi abamutekye Kikudi-E-Selelee su?

Yoano 16:3

Abakenukitshi yino myanda, ha mwanda tambeukye Yaiya, sunga nami.

Yoano 17:3

Na uno nyi muwa-wa-ikala-ika, abo kukuuk’obe Efile Mukulu, ’mune’nka a binyibinyi; na Yesu Kidisitu a botumine.

Yoano 3:16

Mwanda Efile Mukulu bakishekishe kifulo na be ha nsenga’shi, E bahe Mwan’E umunenka eleka’shi, ese akumina mwadi E, takalwika, ooo, anka akatambule muwa wa ikalaika.

Yoano 4:14

anka ese akatomo ku ā mema ankamuha, takahusha’nyi nyota dimo, ooo, sunga mpahelahela; anka ā mema ankamuha akekala munda mwe bu nsulu ya mema afifuka, mpaa na mu muwa-au-tala wa ikala-ika.

Yoano 6:35

Yesu bebalungwile’shi: Nyi biashi bia muwa; e afiki kwandji ta kamono nsala, n’e ankumina, ta kekala na nyota sunga ngihela.

Yoano 6:51

Ami nyi binyi biashi bia niuwa, bibal’ikile mwiilu: su muntu adi bino biashi, akekala na muwa wa ikala-ika: na binyi biashi biankebaha, nyi mbidi yande, biankahanyina ku muwa wa ba-hano-ha-nsenga.

Bikitshino 9:11

Nfumwetu bamulungwile’shi: Ebwe, wende mu luhata alutemunwa bu Lululame, wehushe mu nshibo ya Yudasa muntu eshina bu Saulu, mwina Tasuse, mwanda e kwete kuteka Efile Mukulu.

Bena Loma 8:32

E ta mulekyele Mwan’e na mwinyi, anka bamuhene kwatudi’twe boso, akutwe bi kunyi kwituha n’e bintu bioso, tambia-buntu anka hadi e?

I Bena Kodinda 1:30

Anka kwadi e nyi kwanudi mu Kidisitu Yesu, betwialulwidile bu binangu, na kululama kwi’shimba, na kulamunwa-kwi-selelee, na kikudilo’shi,

I Bena Kodinda 10:4

abo boso namu abatomene biakutoma bia mu Kikudi; mwanda abatomene ku iubwebwe lumune lwa mu Kikudi lubebalondanga, lwinyi lubwebwe namu lubadi Kidisitu.

Ii Bena Kodinda 9:15

Efile Mukulu atumbulwe ha mwanda wa buntu bwe bukutwe na mwa kwibwakwila.

Bena Efisesa 2:8

Mwanda nyi ku bumuntu bw’Efile kwanuhandjilā ha lukumino; n’alo lwinyi lushī lwa kwinwe bana bene, ooo, (nyi) mbuntu bw’Efile Mukulu:

Bena Bahebelu 6:4

Ha mwanda wa’ba abamunyikilwe kala, abatompele ku kia buntu kia mwiilu, abakitshinwe bu ba kwibungila ku Kikudi-E-Selelee,

I Yoano 5:20

Atwiuku namu’shi. Mwan’Efile Mukulu bafikile, betuhele kishingulwilo’shi, twiukye yawa sha binyibinyi, n’atwe twi mwandie nyi a binyibinyi, munda mwa Mwan’e Yesu Kidisitu. E nyi Efile Mukulu a binyibinyi na muwa wa ikala-ika.

Kibafumulwe 21:6

E bandungwile’shi: Takuhwanga. Ami nyi Alefa na Omenga, mbangilo na nfudilo. Nankah’e na nyota ku nsulo ya mema a muwa buana.

Kibafumulwe 22:17

Kikudi-E-Selelee na mukashi takyebe kutwela abakula’shi: Fika. Na yawa ahusha akule ’shi: Fika. Na yawa e na nyota afikye, yawa namu e n’eshimba dia kukyeba atambule mema a muwa buana.

Kibafumulwe 7:17

Mwanda Mwan’a Mukoko e munkatshi mwa luhun’a nsulu anakebamune, anakebakunkushe namu ku masulo a mema a muwa: n’Efile Mukulu anakebakumune mpolo yoso ku meso kwabo.