Yoano 3:34 - KILOMBENO KIHYA KIA NFUMWETU YESU KIDISITU

³⁴ Mwanda yawa batuminwe n’Efile Mukulu akula misambo y’Efile Mukulu, mwanda Efile Mukulu tamumuhimine Kikudi ha kumuha.

Yoano 3:34 ပူးပေါင်းရင်းမြစ်များ

Mateo 12:18

Tala, mufubi ande anasangwile mukuminyibwe, nyi mwadi e mwandji mutokel’eshimba diande; nankatulu Kikudi-E-Selelee ande hadi, n’E akahatula kwi Mīlo mwiile kōloka.

Luka 4:18

Kikudi a-Yehowa e handji’mi, mwanda banshingile (mwimu) mu kulungula mukāndu-wibuwa kwi balanda; bantumine kusangulusha mashimba abenyengye; kulungula kuhosolwa kwa misungi, na kubūlwa kwa meso kwi bampofu, kuhosola bafwambukye.

Yoano 1:16

Atwe boso tubatambwile ku kukumbana kwe, bu-muntu ha bu-muntu.

Yoano 15:26

Anka ahakafiki Musambi ankenutumina kwi Yaiya, nyi Kikudi-E-Selelee kia binyibinyi, atuku kwi Yaiya, E akanakwila.

Yoano 16:7

Sunga biabia, nenulungula bia binyibinyi: Mbinuhwandjikile’mi kwenda, mwanda su tanyende, Musambi takafiki kwanudi; anka su nēnde, nankamutumu kwanudi.

Yoano 3:17

Mwanda Efile Mukulu tamutume Mwan’E hanohansenga mwadia kutshibila bahanohansenga, ooo, anka’shi, be ha nsenga bahashibwe mwadi E.

Yoano 5:26

Mwanda bu Yaiya E na muwa mwi na mwinyi, biabia, E bahele Mwana kwikala na muwa mwi na mwinyi.

Yoano 7:16

Yesu bebalulwile’shi: Lulambukisho lwande ta ndwande, ny’anka lwa bantumine.

Yoano 8:40

Anka binobino anukimbi mwa kuñihaila, ami muntu enulungula bia binyibinyi, binahushishe kw’Efile Mukulu; Abalama tamukite bino.

Yoano 8:47

Awa’Efile Mukulu ahushā misambo y’Efile Mukulu; biabia’nwe tanuhusha, mwanda tanwi b’Efile Mukulu.

Bikitshino 1:2

Mpaa na kwifuku diabatambwilwe mwiilu, habahwile kuha batumibwa babasangwile milangilo mu Kikudi-E-Selelee.

Bikitshino 10:38

mu Efile Mukulu abahongolwele Yesu a Nasaleta na Kikudi-E-Selelee na bukome; tēnde, akitanga bibuwa, kwete kuhasha boso abafwambwilwe na Satana; mwanda Efile Mukulu badi n’e.

Bena Loma 8:2

Mwanda wa kishila kia Kikudi-E-Selelee kia muwa mu Kidisitu Yesu kibandamūna ku kishila kia kulwisha na lufu.

Bena Efisesa 3:8

Kwandji’mi mukilekile buhela a mu balamunwebakishila boso, nyi kubahebwa buno bu-muntu’shi, alungule munkatshi mwa Badjentaila bulieta bwa Kidisitu bushyabumono mwa kulondolwela.

Bena Kolose 1:19

Mwanda ubatosheshe Yaiya mwishimba’shi biushibwe bioso bikale mwadi e;

Bena Kolose 2:9

Mwanda kikumbana kioso kia bw’Efile-Mukulu a mbidi yishima akibombelā mwadi e.

Kibafumulwe 21:6

E bandungwile’shi: Takuhwanga. Ami nyi Alefa na Omenga, mbangilo na nfudilo. Nankah’e na nyota ku nsulo ya mema a muwa buana.

Kibafumulwe 22:1

Binyibiabia bandesheshe mwela wa mema a muwa-autala wi soo, selelee bwitalatala, autuku mu luhun’a-nsulu lw’Efile Mukulu, na lwa Mwan’a-Mukoko.