Yoano 3:16 - KILOMBENO KIHYA KIA NFUMWETU YESU KIDISITU

¹⁶ Mwanda Efile Mukulu bakishekishe kifulo na be ha nsenga’shi, E bahe Mwan’E umunenka eleka’shi, ese akumina mwadi E, takalwika, ooo, anka akatambule muwa wa ikalaika.

Yoano 3:16 ပူးပေါင်းရင်းမြစ်များ

Bena Loma 5:8

Anka Efile-Mukulu atumbisha kifulo kie na mwinyi kwi’twe’shi, hatubadi balwishi Kidisitu betufwidile.

Yoano 3:15

Ese akumina mwadi E, takalwika, ooo, anka akekale na muwa wa ikala-ika.

Bena Loma 8:32

E ta mulekyele Mwan’e na mwinyi, anka bamuhene kwatudi’twe boso, akutwe bi kunyi kwituha n’e bintu bioso, tambia-buntu anka hadi e?

Yoano 6:40

Bino nyi abikyebe eshimba dia bantumine’shi; muntu ese atala Mwana, amukumina, akekala na muwa wa ikala-ika; n’ami nankamubusha kwifuku dia nkonko.

Yoano 3:36

E akumina mwi Mwana e na muwa wa ikala-ika; yawa shīmukumine Mwana takamono muwa; anka nsungu y’Efile Mukulu yi n’e hadi.

I Yoano 4:19

Twi n’e kifulo, mwand’e babadidile n’etu kifulo.

Yoano 10:28

Neyiha muwa wa-ikala-ika; tayifu sunga mpahelahela, sunga muntu kwiyinyenga kwiasa diande.

Bena Loma 5:10

Mwanda, sunga hatubadi tukibamushikwe, tubalombeshwe n’Efile-Mukulu ku lufu lwa Mwan’e, biabia kukila, hatulo mbeshwe atukahashibwa ku muwa we.

Yoano 1:29

Biabia habubatokyele Yoano bamwene Yesu afiki kwadi, bambile’shi: Talangai Mwan’a mukoko ’Efile Mukulu, akashā milwisho ya bahanohansenga.

Ii Bena Tesalonika 2:16

Binobino Nfumwetu Yesu Kidisitu na mwinyi, n’Efile Mukulu, nyi Nshyetu, betufule kifulo, betuhele namu kisengyelo kia ikala-ika, na lutengyelo lwibuwa ku bu-muntu bw’Efile;

Bena Efisesa 2:4

Anka Efile Mukulu e na buheta mu lusa, ha mwanda wa kifulo kie kikata ki moo, kiabetufūle n’akio,

Mateo 9:13

Anka nuendei, nwambulei kishingulwilo kia uno. Nankyebe lusa, tankyebe kitahilo, mwanda nki mufikye kwitanyina balulame ba mashimba, ooo, anka, balwishi belangye mwishimba.

Kibafumulwe 1:5

na kwi Yesu Kidisitu, kamonyi ka kishima, mwan’a mbedi musangukye ku bafwe, mutontshi a banfumu ba hanohansenga. Kwi yawa betufule kifulo, na kwitusula ku milwisho yetu mu mase e;

Yoano 1:14

Biabia winyi Mwanda ubalulukile taudi bu muntu, abombela munkatshi mwetu, (twabandjila ntumbo ye, ntumbo yinyi bu ya mwan’eleka kwi nshye,) muule bu muntu na biabinyibinyi.

Tetusa 3:4

Anka habamwekyele kanya k’Efile Mukulu Muhashi etu, na kalolo (ke) kwi bantu,

Yoano 1:18

Takwi muntu sunga ngumune bamwene Efile Mukulu sunga mpahelahela, winyi Mwan’umun’enka eleka E mu kiadi kia nshye; ñanka E bamutemwine.

Mako 12:6

Anka mwan’e kushala abatandjile, mwan’e mukuminyibwe na kifulo, bamutumine kwabadi kunfudilo, bambile’shi: Abakandemekyela mwan’ande.

Luka 2:14

Ntumbo kw’Efile Mukulu mwiilu mukile, na hanohansenga kufukama, n’eshimba dibuwa dikale kwi bantu.

Yoano 3:18

Yawa akumina hadi E tatshibilwa, ooo, anka yawa shī mukumine, tahwanga kutshibilwa, mwanda e tamukumine mwishina dia Mwan’eleka ’Efile Mukulu.

Bena Bahebelu 2:9

ank’atumono Yesu, badi mwishibwe bihela he bamwikeilu ha mwanda wa kulwambuka kwa lufu, babikeshwe na ntumbo na kinemo’shi; e, ku bu-muntu bw’Efile Mukulu atompele bantu boso lufu.

I Yoano 3:1

Talangai mwiyile kihaso kia kifulo kibetuhele Yaiya’shi, tutemunwe bu bana b’Efile Mukulu, biabia bahanohensenga tabetwiuku, mwanda tababadi bamwiukye.