Yoano 15:2 - KILOMBENO KIHYA KIA NFUMWETU YESU KIDISITU

² Lutabi lwoso lwi kwandjimi lushi aluha bikubankalolo, akelukasha: anka lutabi lwoso aluha bikuba, akelusoswela’shi, aluhe bikuba bihwimi.

Yoano 15:2 ပူးပေါင်းရင်းမြစ်များ

Mateo 13:12

Mwanda kwi ese e n’akio, akikamuhebwa, e namu akekala n’abio bikambe; anka kwi ese te n’akio, akikatshibwa sunga’kia kiadi n’akio.

Mateo 13:33

Ungi mwele bebambile’shi: Bufumu bwa mwiilu bubahwandjikile na kitatusho kibātshile mwana-mukashi, bekifīle mu bihimo bisatu bia bukula mpaa n’ahakibatatukile kioso kishima.

Mateo 15:13

Anka e bebālulwile’shi; Mutshi woso ushī ukunwe na Shami a mwiilu aukashudibwa.

Mateo 21:19

Habamwene mutshi wa kikūku mwishinda, behengyele kwaudi, beusañene bisumanga, anka mabishi; beulungwile’shi: Tokaha bikuba mpaa na kwikala-ika; anka henyiha mutshi wa kikūku ubaumine’nka hoo.

Mateo 25:29

Mwanda kwi muntu ese e n’abio akahebwa (bingi), e namu akekala na bifwimi; anka kwi’wa shī n’akio, akamañunwa’kia kiadi n’akio.

Mateo 3:10

Binobino kabengyele kabatudibwa ku mashina a mitshi, biabia mutshi woso aushyauha bikuba, aukatshibībwa, welwe mu kālo.

Mateo 3:12

Kihehwilo kie ki mwiasa die, akatosha selelee ha mutāla he, akaumbula misekye ye mu mutala, anka akashikye mpaha mu kālo kashyakashimibwa.

Mateo 7:19

Mutshi woso ushī auha bikuba bibuwa aushindjibwa hashi, welwe mu kālo.

Mako 4:20

Aba namu nyi benyi abaminwe ha nsenga yilumbulukye, nyi benyi abahusha winyi mwanda, na kwiutambula na kuha bikuba, au makumi asatu, au makumi asamombo, mungi namu lukama.

Luka 8:13

Ya ha lubwebwe mbaba abahusha, batambula Mwanda na kusehela; ank’abo tabe na mishi, abakumina’nka kihindji kihela, na ha kihindji kia kutompibwa biabalamunuka.

Yoano 15:1

Ami nyi mulundo wa nfinyo wa binyibinyi; Shami nyi mudimi au.

Yoano 15:16

Anwe tanwibansangule’mi, anka’mi benusangwile, benutulu’shi nwende, nufishe bikuba, na bikuba bienu abikekala: eshi bioso bianukatekye Yaiya mwishina diande, akenuha’ bio.

Yoano 15:3

Binobino anwe nwibatoshibwe, ha mwanda wa mwisambo unenulungwile.

Yoano 15:6

Su muntu tekala mwandjimi, biabia asumbulwa bu lutabi luume: bantu abakeyikongola, abak’ele mu kalo, yihie fututu.

Yoano 15:8

Su anukaha bikuba bi bungi, nyi anka muno Yaiya mntumbishibwe, biabia anwe anukekala bana-bande-ba-bukishi.

Yoano 17:12

Ha nadi n’abo hano ha-nsenga, nebalamine mwishina diobe; abo babompele nebalamine, takwi sungangumune mushimine, anka yawa mwana wa kilwididilo, eshi bifundwe bibakumbashwe.

Bena Loma 11:17

Anka su: ntabi yinyi yibabatwilwe, n’obe, mutshi wa mpafu a mahia, ubalamikilwe munkatshi mwayo, tautambula ku winyi mushi wa kununa mwimu, hamunenka na winyi mpafu;

Bena Loma 11:22

Talangai binyibiabia bu-muntu n’eshimba dia bukome bw’Efile, kwi’ba babahonene bukome bubadi hanka; anka kodibe mbumuntu bw’Efile-Mukulu bwi hanka, su ekale mwanka bukyelebukyele mu bumuntu bwe, anka su ta mbino, biabia n’obe n’amu okabatulwa.

Bena Loma 8:28

Ank’atwiuku’shi, bintu biosobioso abikwashena hamune mwa kukitshina bantu be n’Efile Mukulu kifulo myanda yibuwa, anka kwi-ba bakwitanyinwa mulombene kiakyebe kie.

I Bena Kodinda 13:1

Sunga nākulā na ndjimi ya bantu na ya bamwikeilu, n’ami nki na kifulo, (biabia) nyi mwalulwe bu kilonda kia lembela ki ñono, su mbu kwakula kwa lubembo.

Tetusa 2:14

Betwihanyine e na mwinyi mwadia kwitukūdila ku bubi boso, na kutosha (atwe) bantu tatudi b’e kwadi e na mwinyi, ba kinsukunsuku kia bikitshino bilumbulukye.

Bena Bahebelu 12:15

Nutale kalolo kuhela muntu akalobela ku bu-muntu bw’Efile Mukulu, tala kibangilo kia lwima kiakebwā kwinukalakasha, biabia bebungi bakashūlwa kishila ha lwinyi’lo.

I Yoano 2:19

Abo abakatukile kwatudi, anka tababadi b’atwe, ooo; mwanda su’bo bubadi b’ātwe, babadia kwikadidilu n’etu, anka’nyi (abakatukile) mwabadia kwifumbwila’shi, boso tababadi b’ātwe, eoo.

Kibafumulwe 3:19

Be bungi boso bandji n’abo kifulo, nebakalashena, na kwibahasha; binyibiabia nwikale na kinsukunsuku na kwilanga mwishimba.