Yoano 1:18 - KILOMBENO KIHYA KIA NFUMWETU YESU KIDISITU

¹⁸ Takwi muntu sunga ngumune bamwene Efile Mukulu sunga mpahelahela, winyi Mwan’umun’enka eleka E mu kiadi kia nshye; ñanka E bamutemwine.

Yoano 1:18 ပူးပေါင်းရင်းမြစ်များ

Mateo 11:27

Bintu bioso bibampelwe kwi Yaiya, takwi muntu euku Mwana, anka Yaiya; sunga muntu euku Yaiya, anka Mwana, na yawa kwi ese muntu Mwana akamufumbula.

Luka 10:22

Bintu bioso bibamfishishwa kwi Nshyami, anka takwi sunga ngumune euku Mwana, anka Yaiya; na Yaiya namu takwi sunga ngumune amwiuku anka Mwana; na yawa, Mwana akamusokwela kwadi.

Yoano 1:14

Biabia winyi Mwanda ubalulukile taudi bu muntu, abombela munkatshi mwetu, (twabandjila ntumbo ye, ntumbo yinyi bu ya mwan’eleka kwi nshye,) muule bu muntu na biabinyibinyi.

Yoano 12:41

Yino myanda yibakwile Eseasa habamwene ntumbo ye, na bamwakwidile.

Yoano 13:23

Kubadi mwan’a bukishi umune badi mufudibwe na Yesu, badi mweme ha kiadi kia Yesu.

Yoano 14:9

Yesu bamwihwishe’ shi: Kihindji kikata kinashala nenu bino’ki, biosobi tanwibanukye obe Fidiha? akunmona’mi bahu kumona Yaiya; biabia obe tombashi: Etuleshe Shobe?

Yoano 17:26

Ami nebaukisha eshina diobe, nankediukisha dimonyi’shi, kifulo kio bomfule nakio kikekale munda mwabo, n’ami namu munda mwabo.

Yoano 17:6

Namwekeshe’shina diobe kwi’ba bantu baha-nsenga babompele; babadi bobe, n’obe bwebampele n’abo abalamine mwanda wobe n’abo abalamine mwanda wobe.

Yoano 3:11

Binyibinyi binyibinyi nakulungula’mi’shi: Kiatwibeukye ftank’akio kiatwakula, na kutemuna’kia tudi bamone; anwe tanwibakumine mitemo yetu, ooo.

Yoano 6:46

Takwi muntu bamwene Yaiya anka E bafikile kw’Efile Mukulu, E nyibawene Yaiya.

Ii Bena Kodinda 4:4

mwabadi efile-a-bahanohansenga bēle mufito ku binangu bia’ba bashī bakumine, tala etata dia mukāndu-wibuwa wa ntumbo ya Kidisitu, E nyi nkyebukilo y’Efile Mukulu, diakebamunyika.

Bena Kolose 1:15

E nkyebukilo y’Efile Mukulu shyamonyibwa, mbedi a bihangibwe bioso.

I Temote 1:17

Binobino kwi Nfumu a ikala-ika, shyafwiyā, shyamweka, nyi ñanka Efile Mukulu sha binangu buhenka bwe, ekale na kinemo, na ntumbo mpaa na kwikala-ika. Amena.

I Temote 6:16

Ank’e buhenka bwe shyafwiyā, nyi abombela mu mbadibadi yishyayifikika; shyamwenwe na muntu, sunga ngumune, sunga ngakukamona; kwadi kwikale kinemo na bukome bwa ikala-ika. Amena.

I Yoano 4:12

Takwi muntu, sunga ngumune bamwene Efile Mukulu sunga mpa kihindji kinyi, ooo. Su atwifulena kifulo, (biabia) Efile Mukulu ’mwikadidile munda mwetu, na kifulo kie nkikumbashwe munda mwetu.

I Yoano 4:20

Su muntu amba’shi: Nyi n’Efile Mukulu kifulo, a kunyi ashikwa mukwabo, (biabia) e nsha madimi: mwanda yawa shi na kifulo na mukwabo abamwene, akafula Efile Mukulu kifulo na minyi ashī mumone?

I Yoano 4:9

Mu uno nyi mubamwekyele kifulo ki’Efile Mukulu kwatudi’twe, mwanda’shi, Efile Mukulu batumine Mwan’e eleka mutandwe hanohansenga, mwatudia kwikala na muwa hadie.

I Yoano 5:20

Atwiuku namu’shi. Mwan’Efile Mukulu bafikile, betuhele kishingulwilo’shi, twiukye yawa sha binyibinyi, n’atwe twi mwandie nyi a binyibinyi, munda mwa Mwan’e Yesu Kidisitu. E nyi Efile Mukulu a binyibinyi na muwa wa ikala-ika.