Tetusa 3:13 - KILOMBENO KIHYA KIA NFUMWETU YESU KIDISITU

¹³ Fisha Senasa, muhatudia bishila n’Aholosa ha luendo lwabo lubilo, ’shi, tabekalanga na lukalo lwa kintu, ooo;

Tetusa 3:13 ပူးပေါင်းရင်းမြစ်များ

Mateo 22:35

Biabia, umune abo, muhatudi a bishila, bamwihwishe (lwihusho) lwa kumutompa’shi:

Luka 10:25

Binyibiabia talai, muhatudi-a bishila bemene, bamutompele’shi: A Mulambukishi, nkite na minyi kuhyana muwa wa ikala-ika?

Luka 11:45

Henyihaha umune a ku bahatudi-ba-bishila bamwālulwile’shi: A Mnlambukishi, hobōkula biabia bwetufukula n’atwe namu.

Luka 11:52

Mpombo kwanudi bahatudi-ba-bishila! mwanda nubakashishe lufungulo lwa kiukilo: anwe bana bene tanwi batwele, n’abo bakwete kutwela anwibakutshishwa.

Luka 14:3

Biabia Yesu hakwibālula behwishe (bahatudi ba bishila) na Bafadiseo, ’shi, mbihwandjikile kuhwisha muntu h’efuku dia Sabado su?

Luka 7:30

Anka Bafadiseo na bahatudi-ba-bishila, abo ba na bene abatune binangu bi’Efile Mukulu, mwanda tababadi babatshishibwe (kwi Yoano).

Bikitshino 15:3

Na hakwibashindjikila kwi beba kikoñeno ki’Efile, abakasambukile Fenesea na mu Samadia, abenda, abalungulanga kwaluluka kwa mashimba kwa Badjentaila, biabia abatosheshe mashimba a bakwabo be mu Kidisitu bikata.

Bikitshino 18:24

Biabia Mwina Yuda umune, batemwinwe bu Apolose, batandjilwe mu Alekesanda, Muludiki a bishima ebuwa, muntu mukata mu Bifundwe bi’Efile, bafikile ku Efesesa.

Bikitshino 19:1

Bitabibakitshine, habadi Apolose ku Kodinda, Paulu namu, habadi muhwe kukila mpese ya ku miēngye, bafikile ku Efesesa; basañene bangi balondji b’Efile,

Bikitshino 21:5

Hatubahwile aa mafuku tubakatukile twenda lwendo lwetu; n’abo boso abetushindjikile na bampiana babo, na bana babo, mpaa n’ahatubakatukile ku kibalo; biabia hatubakunamine hashi ku bukunkula kwa mema, tubatekyele Efile Mukulu.

Bikitshino 28:10

Abo namu abetunemekyele na bineno bibungi; hatubakatukile, abetutentekyele na bintu biatushī badi n’abio.

Bena Loma 15:24

anka hankebwela lwendo lwande lwa ku Esepainye, su mpa kinyi, su mpa kinyi, nkafikye kwanudi. Mwanda hankahikula, natengyela kwinumona, na kwanudi’nwe nukantule kwanka, su mpa kubadila kihindji, natoshibwa kwishimba kwanudi’nwe.

I Bena Kodinda 16:11

Binyibiabia takukekalanga muntu akumubendela, anka numushindjikile ha luendo lwe na kufukama, mwadia kufikila kwandji, mwanda’mi nkwete kumutengyela na bakwetu hamune.

I Bena Kodinda 16:12

Ha mwanda wa mukwetu Apolosa, namulangile bikata kufika kwanudi, na bakwetu ba mu Kidisitu, anka eshimba die tandjikumine, sunga mpahela kufika ha kino kihindji; anka e akafiki hakamono mwa kukitshina biabia.