Tetusa 3:1 - KILOMBENO KIHYA KIA NFUMWETU YESU KIDISITU

¹ Webatentekyeshanga kukokyela babikale, na basha matalwa; bakokyele na kutula mashimba ku mifubo yoso yilumbulukye;

Tetusa 3:1 ပူးပေါင်းရင်းမြစ်များ

Mateo 22:21

Abamulungwile’shi: Nyi mbia Kesala. Henyihaha bebālulwile’shi: Lambulai biabia kwi Kesala bintu bia Kesala; na kw’Efile-Mukulu namu lubwilai bintu bi’Efile-Mukulu.

I Bena Kodinda 15:58

Biabia, anwe bakwetu bakuminyibwe, nwikale bakankamane, kushī kusanasana, nukishekishe bikata bukyelebukyele mu mufubo wa Nfumwetu, mwanda anwiuku’shi, kutuhwita kwa mifubo yenu tankwa bisumanga mu Nfumwetu, ooo.

Bena Efisesa 2:10

Mwanda’twe twi bifubwanga, bihangibwe mu Kidisitu Yesu ku bikitshino bilumbulukye bibalumbulwile Efile Mukulu kwibedi’shi, tutambukile mwanka.

Bena Fidihai 1:11

Na kuushibwa na bikuba bia kululama bi kwi Yesu Kidisitu, bia ku ntumbo na ku lulangwilo lw’Efile Mukulu.

Bena Kolose 1:10

na kutambuka muhwandjikile Nfumwetu mpaa na kusehela koso kw’eshimba, bianudia kuha bikuba bia mu mifubo yoso yilumbulukye, na kwenda akukulanga mpaa na ku kushingula koso kw’Efile Mukulu;

I Temote 2:2

Ha mwanda wa banfumu na ha boso be na matalwa; mwatudia kwikela na muwa wetu nyaa na kufukama mu bwin’Efile Mukulu boso na kinemo.

I Temote 4:6

S’otentekyeshā bakwetu yino myanda, (biabia) okekala mufubi ebuwa a Kidisitu Yesu, mudishibwe na myanda ya lukumino na ya lulambukisho lwibuwa, yiotobolamatshile hehi.

I Temote 5:10

mutumbishibwe ku bikitshino bilumbulukye; muhwe kukusha bana, na kulela benyi, na kutumpa ngwa ya balumunwe-bakishila, na kukwashia basha bishiotshi na kusasakata mu mifubo yoso yilumbulukye.

Ii Temote 1:6

Binyibiabia nyi hankutentekyesha’shi, oshisakane bwinyi buntu bw’Efile Mukulu bwi munda mobe hakutentekwa kwa maas’ande.

Ii Temote 2:14

Webatentekyeshe yino myanda, na kwibalungula biya ku mpala kwa Nfumwetu’shi, tabelanga mpaka ku myanda yishyaikwashya, ayilamunusha abeyihusha.

Ii Temote 2:21

Twambengye su nanyi su nanyi akētosha selelee ku bino, akekala bu kintu kineme, mulamunwe-selelee na mulombene kukitshibwa kwi Nfumu, mulumbulwe ku mifubo yoso yilumbulukye.

Tetusa 1:16

Abo abakumina’shi; Atwiuku Efile Mukulu; anka mu bikitshino abamutunu, basha butete na bashyabakokyela, na ku mifubo yoso yibuwa mbatombokye.

Tetusa 2:14

Betwihanyine e na mwinyi mwadia kwitukūdila ku bubi boso, na kutosha (atwe) bantu tatudi b’e kwadi e na mwinyi, ba kinsukunsuku kia bikitshino bilumbulukye.

Tetusa 3:14

na (bantu) betu namu bāmbule mwa kwikela na bikitshino bilumbulukye mwa kumwena bioso biabadi n’abio lukalo, tala bakekala bu ba bisumanga.

Tetusa 3:8

(Uno) Mwanda ngwa binyibinyi, na yino myanda (namu) nankyebe’shi, okankamane na’yo bikata’shi, baba abakuminyine mw’Efile Mukulu, beshinkye kukishakisha mu bikitshino bilumbulukye. Yino myanda ngilumbulukye, na bia kumwena kwi bantu.

Bena Bahebelu 13:21

enukumbashe mu myanda yoso yibuwa ya kukita amukyebela eshimba die, na kukita mwanudi’nwe akia kia kusangulusha meso e, mu Yesu Kidisitu; kwadi e, nyi kwa kwikala ntumbo ya ikala-ika. Amena.

Ii Petelo 1:12

Ha uno mwanda ami tankahuftanya kwinutentekyesha bukyelebukyele mu yino myanda sunga anwiyiuku, na kukankamikwa mu biabinyibinyi bia bino.

Yuda 1:5

Binobino nankyebe kwinutentekyesha sunga nwiuku kala myanda yoso’shi, Nfumwetu habahashishe bantu mu nsenga y’Edjihitu, ku monge balwishishe baba bashyabakumina.