Tetusa 2:2 - KILOMBENO KIHYA KIA NFUMWETU YESU KIDISITU

² eshi, bana-balume bakulu bekale bampila, basha mudingo, basha lwitongo, mulombane mu lukumino, mu kifulo, na mu lwishinko.

Tetusa 2:2 ပူးပေါင်းရင်းမြစ်များ

Mako 5:15

Abafikile kwi Yesu, abamwene awa badi na mikishi mushāle tadi mufwadikwe bilamba, tadi namu na binangu bia bu muntu, biabia babakwete moo.

Luka 8:35

Henyihaha abatukile mu kumona bibakitshibwa; abafikile kwi Yesu, abasañene winyi muntu batushishwe bikudi bibi, mushale ku ngwā ya Yesu, mufwadikwe, badi na binangu bibuwa; n’abo abatshine moo.

Bikitshino 24:25

Biabia habadi ahatula mwanda wa kululama, na kwitonta, na hakitshibilo kia kimu kianakafikye, Filekise basushile moo, bālulwile’shi: Banda kwenda kino kihindji, anka liankamono kihindji kihwandjikile nankakwitanyina:

Bena Loma 12:3

Mwanda nakula’shi, hanka ha buntu bubampelwe, kwi muntu ese e munkatshi mwenu, ami’shi; Tanwilungulanga’nwe bana bene kukila mwa kulombana kwilungula ooo, anka kwilungula, nwikal’anwilungwila n’eshimba ditūle anka mubenuabidile Efile-Mukulu anwe boso kwi muntu ese, kihimo kia lukuluhilo.

I Bena Kodinda 15:34

Hasukilai ku kululama kweshimba, tanusolanga namu mwanda, mwanda bamo tabe na kiukilo ki’Efile Mukulu; nākula uno mwanda kwinukwatshisha būfu.

I Bena Kodinda 9:25

Boso, anka atambula bwedi ngumu-Muntu ese kwete kunyisha (biabia) e na kwitonga mu bintu bioso. N’abo abeukitshi, abakitshi’shi: Tutambule kilongo akilwilā, ank’atwe atukitshi mwakutambwila kishiakilwilā.

Ii Bena Kodinda 5:13

Mwanda su twi bu balotakane nyi kw’Efile Mukulu; su twi na binangu bishinkame nyi nkwanudi.

Bena Ngalatea 5:23

kuhohela, butontshi bwa mbidi; ku yino yi bino takwi kishila ooo.

Bena Fidihai 4:8

Kunfudilo, (anwe) bakwetu abia bintu bioso mbia binyibinyi bioso binemekwe kinemo, bioso bilulame, bioso biselelee, bioso bilumbulukye, bioso bitumbishibwe bibuwa, su kwi buwa bukambe, su kwi ntumbo, nangushenai yino myanda.

I Bena Tesalonika 5:6

Binyibiabia tatulalanga tulo bu bangi, ooo, anka twikale abatala na bāmpila.

I Bena Tesalonika 5:8

Anka’twe ba kwifuku twikale bāmpila, na kufwala ngabo-ya-kiadi ya lukuluhilo na ya kifulo, na kilama kia mutwe, (lwinyi) lutengyelo lwa kihandjilo.

I Temote 1:10

na basha lusandji, n’abelwisha abo ba na bene, bana-balume na bana balume, na babombodi ba bantu, na basha madimi, na batshihi ba madimi, na su kwi kingi kintu, su nkinyi su nkinyi akilekena na lulambukisho lushima:

I Temote 1:14

Na bu-muntu bwa Nfumwetu bubakilakila bungi na lukuluhilo na kifulo bi mu Kidisitu Yesu.

I Temote 1:2

Kwi Temote mwan’ande a kishima mu lukumino: Bu-muntu bw’Efile na lusa na kufukama (bifikye) kw’Efile Mukulu Yaiy’etu, na Kidisitu Yesu Nfumwetu.

I Temote 1:5

Anka kunfudilo kwa mulangilo nyi nkifulo kia kwishimba diselelee, n’eshimba di munda dibuwa, dianka na lukumino lushī lwa kudimba,

I Temote 3:11

Anka biabia namu bakashi (bekale) na kinemo bashī na twihu, bampila, be kishima mu bintu bioso.

I Temote 3:2

Mukulu-a-bikoñeno bi’Efile wadi n’au ngwa kwikala shyatohekwa sunga mpahela, mulunda a mukashi umune, mwilam’ē na mwinyi, mpila, a mwikelo wibuwa, musangashi a benyi, mwiukye kulambukisha.

I Temote 3:4

A kutonta ba ku nshibo ye bibuwa, na bana be mu bukokyeshi bwe na kinemo.

I Temote 3:8

Bibuwa bamendaku-ba-kikoñeno ki’Efile bekal’anka hamune, (bakale) baneme, bashī na ndjimi yibidi, bashī bakambe kunemena ku nfinyo, ooo, sunga nkwikala na lwiso ku buheta abubendjibwa.

I Temote 5:1

Tosashilanga mukulu (a bikoñeno bi’Efile), ooo, anka omusendele bu nshyobe; na bansongwalume namu (anka) bu bakwenu.

Tetusa 1:13

Uno mwanda mbinyibinyi. Biabia webasashile bikata, bekale balombene mu lukumino;

Tetusa 1:8

anka ekale musehedi a kulela benyi; sha kifulo kia balumbulukye, mpila, mululame, muhatulwe-akishila, mutontshi a ku mbidi,

Tetusa 2:7

Mu bintu bioso weleshe bu kiliwandjikisho kia bikitshino bilumbulukye; mu lulambukisho (mwikale) mushī mufundakane, wedingye;

Filemone 1:9

(anka) ha mwanda wa kinyi kifulo nakilakila kwiyaya, biandji mwikale’mi uno Paulu mununu, na binobino namu (nyi) musungi wa Kidisitu Yesu.

I Petelo 1:13

Binyibiabia mwanye nshiho mu bifuka bia nangunangu yenu, nuhile, nutengyele biya mpaa na ku nfudilo mwanda wa bumuntu abukenufishishwa ha kufumbulwa kwa Yesu Kidisitu;

I Petelo 4:7

Anka nfudilo ya bintu bioso tayidi hehi; binyibiabia nwikale n’eshimba dia bu mpila, nwikale na lubasu lwa kuteka nteko.

I Petelo 5:8

Nuhilei, nutengyelei, mwanda mwituhishyanyi n’obe diabola, akindakana bu ntambwe kwete kukumba na kukimba adia kukokota:

Ii Petelo 1:6

na ha kiukilo butontshi bwa mbidi, na ha butontshi bwa mbidi mufwaka, na ha mufwaka bwin’Efile;