Luka 18:12 - KILOMBENO KIHYA KIA NFUMWETU YESU KIDISITU

¹² Ami nashila biakudia misusa yibidi ku lubingu, nalambula ki’ekumi kia bioso biandji nabio.

Luka 18:12 ပူးပေါင်းရင်းမြစ်များ

Mateo 5:20

Mwanda nenulungula’shi, su kululama kw’eshimba kwenu ta nkukile kwa bafundji-ba-mikanda na Bafadiseo, tanukatwele mu bufumu bwa mwiilu.

Mateo 6:1

Nudimuke, tanukitanga biabuntu bienu kumpala kwa bantu’shi, benumone, ooo; mwanda su mbiabia tanwi na bwedi kwi Shyenu E mwiilu.

Mateo 6:16

Dimonyi, hanushidi biakudia namu, tanwikalanga bongame bu bansesa, mwanda’bo abanyengye nkyebo yabo bebamone’shi mbashile biakudia. Binyibinyi, nenulungula’shi, abakwete kutambula bwedi bwabo.

Mateo 6:5

Hōtekye, twekalanga bu bansesa; mwanda abasehela kwimana mu bitumbwilo na ku masank’a mpata mwa kumwekibwa kwi bantu. Nankulungula, binyibinyi abakwete kutambula bwedi bwabo.

Mateo 9:14

Henyihaha bana-ba-bukishi ba Yoano babafikile kwadi’shi, atwe na Bafadiseo atushila biakudia misusa na misusa, anka bana-ba-bukishi bobe tabashilā, a nkinyi?

Luka 11:42

Anka mpombo kwanudi Bafadiseo! mwanda anulambula ki ki’ekumi kia luenyi na kikotshi, na bihaso bioso bia midioko, anka anulekā mwa kutshibila kimu, na kifulo ki’Efile Mukulu: yino nyi yibadi yilumbulukye’nwe kukita, na kukutwa kuleka yikwabo yishī yikitwe.

Luka 17:10

Anwe namu hamune, hanukahudisha kukita aya myanda yoso, yianubalangikishwe, nuakule’shi: Twi bahika ba bisumanga: tubahwile kukita kiakia kia tubadi nakio mwanda kukita.

Bena Loma 3:27

A biabia’nyi kwitumbika kwi kunyi? ta kwi kwanka, A mpa kishila kinyi? a nkia ha bikitshino su? ooo, ñanka ku kia lukumino.

I Bena Kodinda 1:29

tala muntu, sunga ngumune akelungula ku mpala kwe, ooo.

Bena Ngalatea 1:14

Namwena mu lulangwilo lwa bena Yuda, nakukila balongo n’ami bebungibamu kisaka kiande, nadi mukilekile kinsukunsuku kia lulungulusho lwa bashyami-kulu.

Bena Efisesa 2:9

kushī ha bikitshino, ooo, tala (muntu) akelungula.

I Temote 4:8

Mwanda lwinyisho lwa ku mbidi kumwena kwa’to nkuhela, anka bwin’Efile abumwenwa mu bintu bioso, bwi na mulayilo wa muwa wa binobino na wa ukafiki.