Luka 16:24 - KILOMBENO KIHYA KIA NFUMWETU YESU KIDISITU

²⁴ Bēle musase bikata’shi: A Yaiya Abalahama onfwile lusa, otume Lasalasa asabikye nsongo ya munwe mu mema, atalash’edimi diande; mwanda nyi na malwa akata mu dino edimi dia kālo.

Luka 16:24 ပူးပေါင်းရင်းမြစ်များ

Mateo 25:41

Henyihaha akalungula be ku mboko yibakashi’shi: Katukai kwandji’mi, anwe bēlwe muloa, mpaa na mu kālo ka ikala-ika, kabalumbulwilwe diabola na bamwikeilu be;

Mateo 3:9

Tanutentekyeshanga kwakula munda mwenu’shi: Twi na Abalahama bu shyetu, mwanda nenulungula’shi: Efile Mukulu euka kubusha mabwe ku bana ba Abalahama.

Mateo 5:22

Anka’mi nenulungula’shi: Muntu ese e na mukwabo nsungu bisumanga, tadi ha kwelwa mu kiniu, anka muntu ese akatemune mukwabo Laka, tadi hehi ha kutushwa ku kilumbeno kia bakulu, anka muntu ese akākula’shi: Obe we mulubi, tadi hehi ha kwelwa mu kālo ka Ngehena.

Luka 16:30

E bakwile’shi: Ooo, Yaiya Abalahama, anka su umune afu ku bafwe biabia abakelanga.

Luka 19:9

Yesu bamulungwile’shi: Lelo uno kihandjilo kibafiki ku yino nshibo, mwanda e namu ’mwan’a Abalahama.

Luka 3:8

Nuhei biabia bikuba bihwandjikile kwilanga kwishimba; tanubanganga kwakula munda mwenu’shi: Twi na Abalahama bu shyetu, ooo, mwanda’mi nenulungula’shi: Efile Mukulu euku kubushisha Abalahama bana ku ano mabwe.

Yoano 4:10

Yesu bālulwile amwamba’shi: Su bodi ouku buntu bw’Efile Mukulu, na mwinyi akutekye’shi: Mpe a kutoma; obe bodia kumuteka, n’e namu badia kukuha mema a muwa.

Yoano 4:14

anka ese akatomo ku ā mema ankamuha, takahusha’nyi nyota dimo, ooo, sunga mpahelahela; anka ā mema ankamuha akekala munda mwe bu nsulu ya mema afifuka, mpaa na mu muwa-au-tala wa ikala-ika.

Yoano 7:37

Kwifuku dia kunfudilo, adia dikata dia Bidibwa bia Kusehela; Yesu baimene bēlele musase’shi: Su muntu e na nyota, afikye kwandjimi, atome.

Bena Loma 4:12

Ekale shyabo-kulu a basale, kwi’bo ta be na kusala ank’abo bana bene, anka kwi abalondo mu ngwa ya lukumino lwa shyetu-kulu Abalahama lubadi n’alo habadi shīmusale.

Ii Bena Tesalonika 1:8

mu kālo k’edimi aditembe hyuu, kwibōbolā’ba bashyabeuku Efile Mukulu, na kushi kukokyela mukānduwibuwa wa Nfumwetu Yesu Kidisitu.

Yakoba 2:13

Mwanda kitshibilo kia kimu kishī na lusa kwi yawa shī balesheshe lusa; lusa namu alwitumbisha, alushindā kitshibilo kia kimu.

Yakoba 3:6

N’edimi (namu) nyi nkālo, di bu nsenga yishima ya bubi munkatshi mwa biambidiyetu, adilwisha mbidi yishima, adiokyesha kālo moso muyile muwa, dibaoshwa kālo ku Ngehena.

Kibafumulwe 19:20

Biabia nyamae-bukyelo bakwatshilwe, na winyi mutemuki amadimi bakitshine bitundwilo ku mpala kwe, nyi bibōngwele n’abio baba abatambwile kitundwilo kia nyama-e-bukyelo, n’aba abalangudile kihwandjikisho kie. Bano babidi abedibwe abatala mwishiba dia kālo aditembe na soufre.

Kibafumulwe 20:15

Na muntu oso shī musananwe (eshina die) difundjibwe mu mukanda wa muwa, ēlwa mwishiba dia kālo.

Kibafumulwe 22:1

Binyibiabia bandesheshe mwela wa mema a muwa-autala wi soo, selelee bwitalatala, autuku mu luhun’a-nsulu lw’Efile Mukulu, na lwa Mwan’a-Mukoko.