Luka 11:9 - KILOMBENO KIHYA KIA NFUMWETU YESU KIDISITU

⁹ N’ami nenulungula’shi: Tekai, akikenuhebwa; Kimbai anukamono; kukulai, akikenushitwilwa.

Luka 11:9 ပူးပေါင်းရင်းမြစ်များ

Mateo 21:22

Bintu bioso namu bianukatekye na lukuluhilo, anukebitambula.

Mateo 21:31

anka tamwende, oooshye? Abamwambile’shi, Ank’awa a kwibedi. Yesu bebalungwile’shi Binyibinyi nenulungula’shi: Basangishi-ba-milambu na basha masandji bana bakashi, abenubadidilā’nka kutwela mbufumu bw’Efile-Mukulu.

Mateo 6:29

Anka ’mi nenulungula’shi: Sunga Solomone mu ntombo ye yoso tabadi mufwadikwe bu kimune kia bino, ooo.

Mako 11:24

Nyi ha mwanda uno nenulungula’shi: Bioso bianukyebe ha kuteka, kuminai’shi, tubahu kwibitambula, biabia anukebitambula.

Mako 13:37

Anka bino binenulungul’anwe, nebilungula mpaa kwi boso’shi; Nutengyelai.

Luka 11:10

Mwanda muntu ese atekye atambula; na yawa akimbi amono; na kwi yawa akukula akashitwilwa.

Yoano 14:13

Anka kioso kianukatekye mwishina diande, su nkinyi, su nkinyi, nankenukitshina kianka’shi, Yaiya atumbishwe mu Mwana.

Yoano 15:16

Anwe tanwibansangule’mi, anka’mi benusangwile, benutulu’shi nwende, nufishe bikuba, na bikuba bienu abikekala: eshi bioso bianukatekye Yaiya mwishina diande, akenuha’ bio.

Yoano 15:7

Anwe, su anwikekala mwimi, na myanda yande ngikale munda mwenu, nutekye kioso kia nutekye, akenukitshina bianka.

Yoano 4:10

Yesu bālulwile amwamba’shi: Su bodi ouku buntu bw’Efile Mukulu, na mwinyi akutekye’shi: Mpe a kutoma; obe bodia kumuteka, n’e namu badia kukuha mema a muwa.

Bena Loma 2:7

Kwi baba be na kwishtnka mu mufwaka mu bikitshino bibuwa abakimbi ntumbo na kinemo, na kukutwa lufu, abakahebwa mawa wa ikala-ika;

Ii Bena Kodinda 6:2

(Mwanda bākwile’shi: Nankuhushishe ha kihindji kiltuminyibwe, na mwifuku dia kihandjilo na kukwashishe. Talai, binobino nyi nkihindji kikuminyibwe kibuwa, talai, lelo nyi efuku dia kihandjilo.)

Bena Bahebelu 11:6

Anka kushī lukuluhilo nkukutshidilwe kutosh’eshimba (die,) mwanda yawa akwifubula kw’Efile Mukulu wadi n’ao ngwa kukumina’shi, e kwanka, atushā bwedi kwi’bo abamukimbā na kusasakata.

Bena Bahebelu 4:16

Biabia tusumine kwifubula hehi ku luhun’a-nsulu lwa bu-muntu bw’Efile’shi; tutambule lusa na kumona bukwashi mu kihindji kia lukalo.

Yakoba 1:5

Anka su kwi umune ’ēnu mulobeshe binangu, atekye Efile Mukulu nyi aheyā boso na mpango, tekusulā, ooo, n’akio akikamuhebwa.

Yakoba 5:15

Na luteko lwa lukuluhilo alukahasha abakumbu, na Nfumwetu akamubusha; su basole myanda ayikamulekyelwa.

I Yoano 3:22

na bioso biatutekye atwibitembula kwadi, mwanda atulama milangilo ye, na kukita bintu abisehesha eshimba die.

Kibafumulwe 2:24

Anka kwi’nwe, bakwabo ba mu Tyatire kwi baba boso bashī na luno lulambukisho, bashyabeuku myanda yifwame ya Satana bu biabākula, namba’mi’shi: Tankenutenteka kingi kita,