Luka 11:41 - KILOMBENO KIHYA KIA NFUMWETU YESU KIDISITU

⁴¹ Anka mbikile buwa nuhane bia buntu ku bintu bianudi na’bio; biabia bi mu bioso mbitokye kwanudi.

Luka 11:41 ပူးပေါင်းရင်းမြစ်များ

Mateo 26:11

Mwanda’nwe nwi na balanda n’enu mafuku oso, anka’mi nki n’enu mafuku oso.

Mateo 5:42

Au akutekye kintu, omuhe; na kwi’wa akyebe kukwashima tomufutalanga.

Mako 7:19

Mwanda ta kiiya mwishimba, anka akienda mwifu, mpaa na ku nkumba, (Nyi muyile yino myanda kuhatula’shi) ku biakudia bioso bi selelee.

Luka 12:33

Nuhanei bia nudi n’abio, nuhane bia-buntu; nwifishishe kwi’ nwe bana bene madimba ashyakakulu, kintu kineme mwiilu kishī na nfudilo, amo (namu) sunga ngifi takefubula hehi, sunga nkēshi kakulwisha kianka.

Luka 16:9

N’ami nenulungula’shi: Nwiatshilei bukūku bwa buheta bwa bishībilulame’shi: hanukatudila, abakenutambula mu mashibo a ikala-ika.

Luka 18:22

Binyibiabia hahushishe Yesu yino myanda, bamulungwile’shi: Bolobesha kintu kimune: hana biodi nabio bioso, webiabile balanda, n’obe okekala na bineme mwiilu, biabia ofikye, ondonde.

Luka 19:8

Binyibiabia Sakadiasa bemene, belungwile Nfumwetu’shi, Tala Mwanana, naheya balanda kihindji kia hankatshi kia mono yande, su nātshile kintu ku madimi kwi muntu, su nkinyi, su nkinyi, nankamwalwisha misusa yinanka.

Bikitshino 10:15

N’eyi dibākwile kwadi diakabidi’shi: Kiakia kibatosheshe n’Efile Mukulu, tokwikilumba bu kia bisumanga.

Bikitshino 11:29

Henyihaha balondji b’Efile, muntu ese muhunda buheta bwe, abafunyine’shi: Tutume bia kukwashia bakwetu babombele mu Yudea.

Bikitshino 24:17

Binyibiabia habakile bihwa bibungi nafikile kufisha biabuntu na milambu ku mwilo wande.

Ii Bena Kodinda 8:12

Mwanda su eshimba ndjimene kwanka, biabia kikuminyibwe mulombene bintu bi n’abio muntu, kushī kulombene muntu shi n’abio, ooo.

Bena Efisesa 4:28

Yawa baihanga takumanga kwiba dimonyi; anka atuhwite mu mifubo ya maas’e mu kiakia kitumbulukye’shi, amone bia kuha yawa e na lukalo.

Tetusa 1:15

Kwi’ba basha mashimba-E-Selelee bintu bioso bi selelee; anka kwi’ba abashula bishila, bashī bakumine, takwi kintu selelee ooo; anka binangu biabo n’eshimba dia munda ndishule.

Bena Bahebelu 13:16

Anka kukita bibuwa na kuhana biabuntu, binwilwanga’bio; mwanda mu bitahilo bi biabia nyi amusehela Efile Mukulu.

Bena Bahebelu 6:10

Mwanda Efile Mukulu te na kushīkululama kwa kwilwa mifubo yenu na kutuwita kwa kifulo kianubalesha kwishina die, nyi kianubafubila balamunwe-bakishila, na hano henyi nukianufubu.

Yakoba 1:27

Bwin’Efile bwi selelee na bushī kushūlwa kishila ku mpala kw’Efile Mukulu Yaiya nyi mbuno: Kutembela bana-ba-nshiye na bakashi-ba-bafwe mu bishiotshi biabo na kwilama e na mwinyi kushī n’ebashi dia bubi dia hanohansenga.