I Bena Tesalonika 4:4 - KILOMBENO KIHYA KIA NFUMWETU YESU KIDISITU

⁴ eshi, anwe boso ku muntu na muntu, eukye mwa kwikela na mwina kwe mu kulamunwa-kwiselelee, na kinemo;

I Bena Tesalonika 4:4 ပူးပေါင်းရင်းမြစ်များ

Bikitshino 9:15

Anka Nfumwetu bamulungwil’eshi: Banda kwenda, mwanda e musangulwe n’ami kutwala eshina diande ku mpala kwa mīlo na banfumu, na kwi bana ba Isalele.

Bena Loma 1:24

Binyibiabia Efile-Mukulu bebalekyelele mu kushūla kwa bishila, tabekitshi ku mbidi yabo abo bana bene bia būfu.

Bena Loma 12:1

Binyibiabia anwe bakwetu nenusendela ha lusa lw’Efile-Mukulu’shi, nulubule mbidi yenu bu mulambu autala, uhatulukye, autosh’eshimba di’Efile-Mukulu, wawa nyi mwanda awiuku mashimb’enu kukita.

Bena Loma 6:19

Nākula bu-muntu mwanda wa lotolo lwa mbidi yenu; anka mwanubehanyine biambidi bienu tambihika biabio binyi bia ku biko bi’eshimba, na bia kushulashula kwa bishila mpaa na ku bia kushulashula kwa bishila; hamunenka na bino binyi, hanai biambidi bienu bu bihika bia kululama kwa kilamunwe, kikishila.

I Bena Kodinda 6:15

Tanwiuku’shi, mbidi yenu nyi mbiakumbidi ya Kidisitu? A henyihaha nate biakumbidi bia mwana mukashi sha lusandji su? Aa, leka, leka.

I Bena Kodinda 7:2

Anka, ha mwanda wa (kwihetiga) lukyebanokyebano, ese mulume ekale na mpian’e, n’ese mukashi ekale na mulunda e.

I Bena Kodinda 7:9

Anka su abakutwa mwa kwikela bisumanga, beibakishene, mwanda kwibakila nkukila kusuasua buwa.

Ii Bena Kodinda 4:7

Anka twi na kino kineme mu bintu bibumbe bia nsenga’shi, buwa bukilekile bwa bukome bwikale bw’Efile Mukulu, ta mbw’etu, ooo.

Bena Fidihai 4:8

Kunfudilo, (anwe) bakwetu abia bintu bioso mbia binyibinyi bioso binemekwe kinemo, bioso bilulame, bioso biselelee, bioso bilumbulukye, bioso bitumbishibwe bibuwa, su kwi buwa bukambe, su kwi ntumbo, nangushenai yino myanda.

Bena Bahebelu 13:4

Ebambo dinemekwe kwi boso, na lusala lushī lwa kushula kishila, anka basha lusandji na bulalelale Efile Mukulu akebatshibila kimu.

I Petelo 3:7

Anwe balume namu mpamune, nubombele n’abo mulombene kiukilo, na hutula kinemo kwi mukashi, biadi bu sha bukome buhela, na biabadi bampianyi n’enu ba bu-muntu bwa muwa’shi; nteko yenu tayibambibwa.