I Bena Kodinda 8:6 - KILOMBENO KIHYA KIA NFUMWETU YESU KIDISITU

⁶ Anka kwatudi’twe kwi Efile Mukulu umune, e nyi Yaiya, mwadi e nyi mutukye bintu bioso, n’atwe twi mwadi e, na Nfumu umune Yesu Kidisitu, mubatukile bintu bioso, n’atwe namu.

I Bena Kodinda 8:6 ပူးပေါင်းရင်းမြစ်များ

Mateo 11:27

Bintu bioso bibampelwe kwi Yaiya, takwi muntu euku Mwana, anka Yaiya; sunga muntu euku Yaiya, anka Mwana, na yawa kwi ese muntu Mwana akamufumbula.

Mateo 28:18

Henyihaha Yesu bafikile, bakwile n’abo’ shi: Katshintshi koso kampebwe mwiilu na ha nsenga.

Yoano 1:10

E na mwinyi badi hano ha nsenga, na hano ha nsenga namu habadi hahangwe kwadi; anka bahanohansenga tambamwiukye.

Yoano 1:3

Bintu bioso bibahangilwe kwadi, takwi kintu sunga nkimune kishī kihangibwe n’E.

Yoano 10:30

Ami na Yaiya twi umune.

Yoano 13:13

Anuntemuna’shi; Mulambukishi na Nfumu: anwamba bibuwa, mwanda’mi nyi anka biabia.

Yoano 14:20

Mu dia di’efuku anukeuku’ shi: Ami nyi munda mwa Yaiya, n’anwe nwi munda mwande, nami namu nyi munda mwenu.

Yoano 17:3

Na uno nyi muwa-wa-ikala-ika, abo kukuuk’obe Efile Mukulu, ’mune’nka a binyibinyi; na Yesu Kidisitu a botumine.

Yoano 20:17

Yesu bamwambile’shi: Tonkumanga, Mwanda nkimubandjile kukaminwa mwiilu kwa Shami: anka nda kwi bakwetu bande na kwibalungula’shi: Ami nakamina mwiilu kwi Shami, na Shyenu, kw’Efile Mukulu ande, n’Efile Mukulu enu.

Bikitshino 17:28

Mwanda mwadi e nyi mwatudi abatala, na kusana, na kwikala; mubesambīle namu bangi ba baludiki benu ba misāmbo, mwanda’twe namu twi bekulu be.

Bikitshino 2:36

Henyihaha boso ba ku nshibo ya Isalele beukye biya’shi, Efile Mukulu batule uno Yesu anubabambile ku mutshi uhingishene, bu Nfumu na bu Kidisitu.

Bikitshino 5:31

E Mwanabuwa, na bu Muhashi, Efile Mukulu bamukamishe ku mboko yibalume ye, ha mwanda wakuhabena Isalele lwilango lwa mashimba na lulekyelo lwa milwisho.

Bena Loma 11:36

Mwanda bintu biosobioso bianka ha mwanda we, kabidi bianka hadi e, n’anka kwadi e. Kwadi e kwanka ntumbo yikale mafuku oso ikala-ika. Amena.

I Bena Kodinda 1:2

Ku kikoñeno ki’Efile ki ku Kodinda, kwi’ba balamunwe-selelee-be kishila mu Kidisitu Yesu, abaitanyinwa (kwikala) bu balamunwe-selelee be kishila, hamunenka na boso abetanyina h’eshina dia Nfumwetu Yesu Kidisitu mu bihindji bioso, Nfumwabo n’a atwe namu;

I Bena Kodinda 12:3

Binyibiabia nenuha bia kushingula’shi, takwi muntu akuakula mu Kikudi-E-Selelee atemuna Yesu’shi, mwedibwe muloa; takwi muntu namu euku kwakula’shi, Yesu nyi Nfumu, anka mu Kikudi-E-Selelee.

I Bena Kodinda 6:13

Bidibwa mbia mwifu, efu namu ndia bidibwa, anka Efile Mukulu nyi akedilwisha, n’abio namu. Anka mbidi tangia lukyebanokyebano, ooo, nyi ngia Nfumwetu, na Nfumwetu namu nga mbidi.

I Bena Kodinda 8:4

Binyibiabia mwiyile kudia kw’abia bintu abilambulwa kwi mankishi, atwiuku’shi, nkishi tankintu hanohansenga, na takwi mungi Efile Mukulu, anka umunenka.

Bena Efisesa 1:3

Ahebwe mwabi Efile Mukulu Nshye a Nfumwetu Yesu Kidisitu, betuhele’twe mwabi wa miabi yoso ya Kikudi amwa mwiilu mu Kidisitu.

Bena Efisesa 3:14

Nyi mpa uno mwanda wankunaminā manwi ande kwi Nshye a Nfumwetu Yesu Kidisitu,

Bena Kolose 1:6

ubafikile kwanudi anka mwaubafikīle kosokoso hanohansenga, na kuha bikuba abienda abifwimanga, anka mulombene mwanudi’nwe, mpaa na ha dinyi efuku dianubahushishe’o, na kushingula biya bu-muntu bw’Efile Mukulu mu biabinyibinyi.

I Petelo 1:21

Nyi kwadi e nyi kwanukuminyinā Efile Mukulu, winyi bamusangwīle ku lufu, amuha ntumbo’shi, lukuluhilo na lutengyelo lwenu lwikale mw’Efile Mukulu.

Kibafumulwe 1:18

Nyi yawa atala, nadi mufwe; na talanga, tandji na muwa wa ikala-ika, Amena. Nyi na nfungulo ya kalunganyembo na ya lufu.