I Bena Kodinda 8:1 - KILOMBENO KIHYA KIA NFUMWETU YESU KIDISITU

¹ Ha mwanda wa bintu abilambulwa mankishi atwe boso twi na kiukilo. Kiukilo akitatulā, anka kifulo akikankamisha.

I Bena Kodinda 8:1 ပူးပေါင်းရင်းမြစ်များ

Bikitshino 15:10

Binyibiabia a kianutompela Efile Mukulu nkinyi? Anukyebe kutula kikumbo ha mashingo a balondji, kibakutshilwe bashyetu-kulu sunga n’atwe kwikitwala?

Bikitshino 15:29

eshi, nushīle bidibwa abilambulwa mankishi, na mase, na ku bintu bifinyibwe nkono, na ku bukyebekyebe; ku bino’bi, su anwilama anwe bana bene, anukekala balumbudibwe. Shalai bibuwa.

Bikitshino 21:25

Ha mwanda wa Badjentaila abakuminyine, tubahwile kwibafundjila mukanda kwibatshibila’shi: Tanulama’kio, anka nwihengyei kwi’bio abihebwa kwi mankishi, na mase, na ku’bia bifinyibwe nkono, na ku bukyebekyebe.

Bena Loma 11:25

Nyi henyihāha anwe bakwetu, ha nshī mukyebe’shi, nwikale bahatamine ku kino kifībwe, mwanda wa kutshina’shi, nuaketumbika binangu bi’anwe bana bene’shi, kukoma kweshimba nkwa luhese lumune, kubahonene bena Isalele’shi, mpaa na ahakakumbana bihwa bia Badjentaila.

Bena Loma 12:16

Nwikale n’eshimba dimune di au nyi bi diau anwe boso. Tanutang’eshimba mu bia kwitumbika, anka nutule mashimba kwi bi shī bia ntumbo. Tanwikalanga na binangu bia mwinwe bana bene.

Bena Loma 14:10

Ahenyihaha ankinyi kiotshibila mukwenu mwanda? A nkinyi namu kiobendela mukwenu? Mwanda atukemana’twe boso ku meso kwa kimu kia Kidisitu.

Bena Loma 14:14

Ami neuku, nyi musumīne namu mu Nfumwetu Yesu’shi, ta kwi kintu, sunga nkimune, akiyikēla butete akio ki na mwinyi; anka kwi e atemuna kintu’shi, ki butete, kwadi e akimwikēla bu butete.

Bena Loma 14:19

Binyibiabia tulondei bikufisha kufukama, n’abia kwītamisha atwe bana bene.

Bena Loma 14:22

Lukuluhilo lodi n’alo, wekale n’alo obe na mwinyi ku mpala kw’Efile-Mukulu. E na mwabi ngiawa shī ehīsha e na mwinyi mu kia kibakumina.

Bena Loma 14:3

Awa’di uo ta bendelanga shī adi anka, awa namu shī adi anka ta tshibilanga awa’di uo, mwanda e mutambulwe n’Efile.

Bena Loma 15:14

Anka’mi winyi nyi musumīne hanudi anwe bakwetu, bianubaulu bumuntu, bianuushibwa na kiyukilo kioso, nwiukye na mwa kwilañena malango anwe bana bene.

I Bena Kodinda 1:5

Eshi, mu bintu bioso nubaheteshibwa mwadi’e, mu mīsāmbo yoso, na (mu) kiyukilo kioso;

I Bena Kodinda 10:15

Nākula kwibo be bu basha binangu; tshibai yinyi yinesamba.

I Bena Kodinda 10:28

Anka su muntu akenulungula’shi, kino nkitahilwe mankishi, biabia tanudianga kianka, ha mwanda wa yawa benulesha’kio, na ha mwanda wa muntu e munda namu.

I Bena Kodinda 14:20

Bakwetu tanwikalanga bu bana mu nangunangu ooo, anka mu kifita nwikale bana; mu nangunangu nwikale bakulu.

I Bena Kodinda 15:34

Hasukilai ku kululama kweshimba, tanusolanga namu mwanda, mwanda bamo tabe na kiukilo ki’Efile Mukulu; nākula uno mwanda kwinukwatshisha būfu.

I Bena Kodinda 4:10

Twi balotakane ha mwanda wa Kidisitu, ank’anwe nwi basha binangu mu Kidisitu; atwe twi batūba, ank’anwe nwi bukome; anwe nwi baneme, ank’atwe atubendjibwa.

I Bena Kodinda 4:18

Anka bamo abetatula’shi: Takafiki’nyi kwatudi.

I Bena Kodinda 4:6

Anwe bakwetu ba mu Kiditisu, yino myanda nahwandjikisha’yo mu lukindji kwandji’mi, na kwi Apolosa ha mwanda wenu’shi: nwikale anwambula kwatudi, tanukambanga kutentekyesha’nka yibafundjibwe, mwanda wa kwamba’shi, tala muntu, sunga ngumune akekala na kwitatwila mungi muntu.

I Bena Kodinda 5:2

Anwe namu mwi betatule, tanwi na lukalo (munda) ’shi, e bakitshi kino kikitshino akashībwe munkatshi mwenu.

I Bena Kodinda 5:6

Kwitumbisha kwenu kushī buwa, ooo. Tanwiuku’shi, kitatusho kihela, akitatusha mutanda woso.

I Bena Kodinda 8:2

Su muntu ese anangushena’shi, neuku kintu, e tabandjile kwiuku kintu mwakidi kihwandjikile kwiuka, ooo.

I Bena Kodinda 8:4

Binyibiabia mwiyile kudia kw’abia bintu abilambulwa kwi mankishi, atwiuku’shi, nkishi tankintu hanohansenga, na takwi mungi Efile Mukulu, anka umunenka.

I Bena Kodinda 8:7

Sunga mbiabia kiukilo kino taki mu muntu ese, ooo; mwanda bangi hakuubila ku mankishi, abadi biakudia bibahu kulambulwa kwi nkishi, na biabia muntu e munda mwabo e ’mutuba balwishibwa.

Bena Efisesa 4:16

Kwadi e mbidi yoso ngilungishenwe na kutombashenwa hamune. Nakwikumena ku kiakia akiheya binyingwa bioso, anka mwabifubila aki mwakihunda aki mwakio, akienda akitamishanga mbidi mpaa na kukushibwa kw’ayo mu kifulo.

Bena Kolose 2:18

Tanukuminanga muntu, sunga ngumune kwinunyenga bwedi bwenu, ku kwihelesha kwa kuladila na lulangwilo lwa bamwikeilu, kwete kwihatshika mū ’ya myanda yiashī mumone, na kwitatula kwa bisumanga kwa ku nangunangu ya ku mbidi.

Kibafumulwe 2:14

Anka nyi na myanda yibadidye kodi, mwanda kwakwa kodi we na bamo balamate ku lulambukisho lwa Balāma, winyi balambukishe Balaka kutula kia kukokosha ku mpala kwa Bena Isalele; na kudia bintu bitahilwe mankishi, nakukita lukyebanokyebano.

Kibafumulwe 2:20

Sunga mbiabia nyi n’obe uno mwanda’shi, bolekyela (yawa) mwana mukashi Yesebela, etemuna na mwinyi bu mutemuki; kwete kulambukisha na kubembula bafubi bandebakite lukyebanokyebano, na kudia bintu bitahilwe mankishi.