I Bena Kodinda 6:9 - KILOMBENO KIHYA KIA NFUMWETU YESU KIDISITU

⁹ Tanwiuku’shi: Bashībalulame tabakahyana bufumu bw’Efile Mukulu? Tanubembibwanga, sunga basha kukyebana-kyebana, sunga balangwidi ba mankishi sunga basha lusandji, sunga bakwilwisha abo bana bene bu bakashi, sunga bakwilwisha abo bana bene na balume,

I Bena Kodinda 6:9 ပူးပေါင်းရင်းမြစ်များ

Mateo 19:29

N’ese muntu akuleka mashibo e, su mbakwabo balume su mbakwabo bakashi, su nshye, su nyina, su mpian’e, su bana, su nsenga, ha mwanda w’eshina diande, akatambula bifwime misusa lukama, akahyana namu muwa wa ikala ika.

Mateo 25:34

Henyihaha Nfumu akalungula be ku mboko ye yibalume’shi: Fikai anwe basha mwabi kwi Shami, nuhyane bufumu bubenulumbulwilwe ku mbangilo kwa hanohansenga.

Luka 21:8

E bālulwile’shi: Dimukai tanubembulwanga: mwanda bebungi abakafiki mwishina diande’shi: N’ami Kidisitu; na kihindji takidi hehi; biabia tanwibalondanga.

Bikitshino 20:32

Binobino anwe bakwetu ba mu Kidisitu, nenulubula kw’Efile Mukulu, na ku mwanda wa bu-muntu bwe, awiuku kwinukunkusha, na kwinuha buhyanyi munkatshi mw’abo boso balamunwe-be-selelee.

Bikitshino 24:25

Biabia habadi ahatula mwanda wa kululama, na kwitonta, na hakitshibilo kia kimu kianakafikye, Filekise basushile moo, bālulwile’shi: Banda kwenda kino kihindji, anka liankamono kihindji kihwandjikile nankakwitanyina:

Bena Loma 1:18

Mwanda nsungu y’Efile-Mukulu ngifumbukye kwiilu ha bushī bwin’Efileboso, na ha yishīyilulame ya baniu abashikīla biabinyibinyi hanka mu yishiyilulame;

I Bena Kodinda 15:33

Tanudimbibwanga; kwitembeshena kwi bubi akunyangishā bihikwa bibuwa.

I Bena Kodinda 15:50

Binyibiabia kiañakula anwe bakwetu nkino’shi: Mwita na mase tabiuku kuhyana bufumu bw’Efile Mukulu; sunga kinvangyo takiuku kuhyana kishīkinyangye.

I Bena Kodinda 3:16

Tanwibeuke’shi, nwi bu ntempelo yishidikwe y’Efile Mukulu, Kikudi-E-Selelee namu abombela munda mwenu?

I Bena Kodinda 5:1

Ntumbu yibahalakana’shi: Kwi lukyebanokyebano munkatshi mwenu, na lwinyi lukyebanokyebano bushyabutemunwa sunga munkatshi mwa badjentaila’shi, umune ekale na mukashi a nshye.

I Bena Kodinda 5:10

Tankwamba’shi, bena kukyebana-kyebana ba hanohansenga, sunga mbasha malaka, sunga mbanyenanyi, sunga mbalangwidi ba mankishi; su mbiabia wanudi n’au ngwa kukatuka hano hansenga.

I Bena Kodinda 5:11

Anka nenufundjile’shi: Tanwikalanga bu kūku na muntu su atemunwa bu mukwenu mu Kidisitu, su bekala sha kukyebana-kyebana su nsha malaka, su mulangwidi a mankishi, su nkānyi a mulomo, su mukodi a mālwa, su munyenanyi; su ngiawa e biabia, tanudianga n’e, ooo.

I Bena Kodinda 6:10

sunga bangifi, sunga basha malaka, sunga bakodi ba malwa, sunga bankanyi ba mulomo, sunga banyenanyi, tabakahyana bufumu bw’Efile Mukulu, ooo.

I Bena Kodinda 6:18

Sukai lukyebanokyebano. Mulwisho woso aukitshi muntu tawi ku mbidi, anka e akitshi lukyebanokyebano alwisha ku mbidi ye yi na mwinyi.

I Bena Kodinda 6:19

Nkinyi? tanwiuku’shi, mbidi yenu nyi ntempelo yishidikwe ya Kikudi-E-Selelee e munda mwenu, anwibahebwe kw’Efile Mukulu su? n’anwe tanwi na yenu?

I Bena Kodinda 9:24

Tanwiuku’shi, aba abeshiena mu lubilo lwabo, abasuka ne? Anwe, biabia sukai, mwanudia kukatambwila.

Ii Bena Kodinda 12:21

Tala namu hankafiki dimonyi, Efile Mukulu ande akankwatshisha būfu munkatshi mwenu, n’ami nankekala na lukalo lwa bebungi abasolele myanda kwibedi; bashī belangye munda ku kushūla-kwa-bishila na lukyebanokye’bano, na mudioholo w’eshimba dibi wabakitshine.

Bena Ngalatea 6:7

Tanudimbibwanga; Efile Mukulu tabendjibwa, ooo, mwanda kioso akikunu muntu, su kinyi su kinyi, ñanka’kio kiakaumbula.

Bena Kolose 3:5

Biabia nwihei bia ku mbidi yenu bia hanohansenga; kukyebanakyebana, biko bi’eshimba, kifulo kia myanda yibūfu, kusuasua kwa yibubi, malaka namu, nyi anka lulangwilo lwa mankishi.

Bena Bahebelu 12:14

Londai bia kufukama na boso, na kuhatulwa kwa-kishila, bisumanga’bio takwi sunga ngumune akamono Nfumwetu.

Bena Bahebelu 12:16

Tala kwakekala sha lusandji, su sha kufutula bu Esau, winyi e ha mwanda wa kiseso kia mwita, bahēne buhyanyi bwe.

Bena Bahebelu 13:4

Ebambo dinemekwe kwi boso, na lusala lushī lwa kushula kishila, anka basha lusandji na bulalelale Efile Mukulu akebatshibila kimu.

Yakoba 1:16

Tanulubishibwanga bakwetu batomibwe kifulo.

I Yoano 3:7

A bana bakinga batomibwe kifulo, tanudimbibwanga ku muntu; yawa akitshi kululama e mululame, bu mwadi e na mwinyi ’mululame.

Kibafumulwe 21:8

Anka basha moo, na bashī bukumine, na be butete, na bantomboshi, na basha lukyebanokyebano, na basha masende, na balangwidi ba mankishi, na basha madimi boso, abakabungilwe mwishiba aditembe kālo na soufre; luno nyilufulwa kabidi.

Kibafumulwe 22:15

Hasha he mbwa, na basha masende, na basha lukyebanokyebano, na bantomboshi, na balangwidi ba mankishi, na boso abasehela na kudimba madimi.