I Bena Kodinda 3:5 - KILOMBENO KIHYA KIA NFUMWETU YESU KIDISITU

⁵ A Paulu e nanyi? Apolosa’nyi nanyi? abo ñanka bafubi nyi kwanubakuminyine, bu mubebahelele Nfumwetu muntu na we, muntu na we.

I Bena Kodinda 3:5 ပူးပေါင်းရင်းမြစ်များ

Mateo 25:15

Bahele umune ntalenta yitano, kwi mungi yibidi, umo’nyi yimune; kwi muntu ese bu muhunda kalolo ke; kahindji n’aka bayile luendo lwe.

Luka 1:2

Anka mwa betufwishishe’yo kwi’bo abadi bu tumonyi na balungudi ba mwanda w’Efile ku mbangilo.

Yoano 3:27

Yoano bālulwile’shi: Muntu teuku kwiatshila su nkinyi su nkinyi, anka su nkimuhebwe kwiilu.

Bikitshino 18:24

Biabia Mwina Yuda umune, batemwinwe bu Apolose, batandjilwe mu Alekesanda, Muludiki a bishima ebuwa, muntu mukata mu Bifundwe bi’Efile, bafikile ku Efesesa.

Bikitshino 19:1

Bitabibakitshine, habadi Apolose ku Kodinda, Paulu namu, habadi muhwe kukila mpese ya ku miēngye, bafikile ku Efesesa; basañene bangi balondji b’Efile,

Bena Loma 15:16

Eshi, nyikale mufubi a Kidisitu Yesu ku Mīlo, kufubila mukāndu-wibuwa w’Efile-Mkulu’shi; milambu ya Mīlo yikale yikuminwe, ha kulamunwa kikishila ku Kikudi-E-Selele.

I Bena Kodinda 12:28

Efile Mukulu namu batudile bamo mu kikoñeno (ki’E); kwibedi batumibwa, diakabidi batemuki, diakasatu balambukishi, kumongo ta mbilengyeleshi, kumongo’nyi biabuntu bia kuhwisha masungu, kumongo’nyi biakukwashia, na basha kulumbula, na bihaso bihaso bia ndjimi.

I Bena Kodinda 16:12

Ha mwanda wa mukwetu Apolosa, namulangile bikata kufika kwanudi, na bakwetu ba mu Kidisitu, anka eshimba die tandjikumine, sunga mpahela kufika ha kino kihindji; anka e akafiki hakamono mwa kukitshina biabia.

I Bena Kodinda 3:10

Mulombene bu-muntu bw’Efile Mukulu bubampebwa, ami natudile kibangilo bu mwibaki mukulu a bukalabwino, mungi namu baibakile hanka. Anka ese muntu adimukye mwaibakila hanka.

I Bena Kodinda 3:22

Sunga Paulu, sunga Apolosa, su Kefasa, su mpanohansenga, su nkutala, su ndufu, su mbintu bihadi, su mbintu abikafiki; bioso mbienu,

I Bena Kodinda 3:7

Biabia yawa akunā te kintu, sunga ngyawa amaminā mema, ank’Efile Mukulu nyi e yikudishā.

I Bena Kodinda 9:17

Mwanda su nankitshi uno’u na musanku, nyi na bwedi, anka su tawi mwishimba diande, nyi na bulami (bwa mukandu-wibuwa) bwandji muhēbwe.

Ii Bena Kodinda 11:23

Abo’bo nyi mbafubi ba Kidisitu su? (Nēsamba bu mulekane.) Ami nyi mukile; mu mifubo ya kutuhwita yibakilakila bungi, mu mikombela yikishekishe, mu mashibo a nkano kukisha misusa na misusa, mu nfu yibungi.

Ii Bena Kodinda 3:3

Anwe anumwekyela hatoka’shi, nwi mukanda wa Kidisitu ubafubilwe kwatudi, ushī ufundjibwe na mema-a-mukanda, anka na Kikudi-E-Selelee e Efile Mukulu atala; tawi ha mesa a mabwe, ooo, anka ha mashimba a bia mbidi.

Ii Bena Kodinda 3:6

winyi betwikeshe bu bafubi balombane ba kilombeno kihya; ta mba ku mukanda, anka ba ku Kikudi-E-Selelee; mwanda mukanda auihā, anka Kikudi-E-Selelee ahanā muwa.

Ii Bena Kodinda 4:1

Binyibiabia mwanda twi mu uno mufubo, mwatubafwilwa lusa, tatwi ndekelo ooo.

Ii Bena Kodinda 4:5

Mwanda tatwilungwilā mwanda atwe bana bene, ooo, anka wa Kidisitu Yesu Nfumwetu; n’atwe benyi twi bahika benu ha mwanda wa Yesu.

Ii Bena Kodinda 4:7

Anka twi na kino kineme mu bintu bibumbe bia nsenga’shi, buwa bukilekile bwa bukome bwikale bw’Efile Mukulu, ta mbw’etu, ooo.

Ii Bena Kodinda 5:18

Bintu bioso mbi’Efile Mukulu, e betulombasha kwadi e na mwinyi, mu Yesu Kidisitu; betuhele’twe namu mufubo wa kilombeno.

Ii Bena Kodinda 6:1

Henyihaha atwe abafubā n’E hamune, tubenusendela’shi, tanutambulanga bu-muntu bw’Efile Mukulu bisumanga, ooo.

Ii Bena Kodinda 6:4

Anka mu myanda yoso tutumbishibwe atwe bana bene bu bafubi b’Efile Mukulu, mu lwishinko lukata, mu bia malwa, mu nkalo ya bintu, mu bishiotshi,

Bena Efisesa 3:7

Nyi mwanālulwa tandji bu mufubi mulombene buntu bwa bumuntu bw’Efile Mukulu, bwanahelwe ku kutuhwita kwa mufubo wa bukome bwe.

Bena Kolose 1:23

Su anwiyididila mu lukumino lubangibwe na lushimatshishibwe, tanukakashibwa namu ku lutengyelo lwa mukāndu-wibuwa wanubahushīshe, na ubalungwilwe ku bihangibwe bioso bi mushi mweilu, nyi anka ha winyī’uo nakitshinwe tandji mufubi.

Bena Kolose 1:25

Anka ha kinyiī’kio nyi mwikashwe mufubi, mulombene lulumbulwilo lw’Efile Mukulu lubampelwe ha mwanda wenu, kukumbasha mwanda w’Efile-Mukulu;

I Temote 1:12

Natumbula Kidisitu Yesu Nfumwetu bankitshishe bukome, mwanda e bantemwine bu a kishima, na kumula mu bulungudi bw’Efile;

I Petelo 4:10

Anka bu bianubatambwile kwi ese muntu biabuntu, nwiheleshene’ bio bu bamendaku bebuwa ba bu-muntu bwa bihaso na bihaso bw’Efile Mukulu.