I Bena Kodinda 2:8 - KILOMBENO KIHYA KIA NFUMWETU YESU KIDISITU

⁸ Bishī biukibwe kwi bamunyi ba bahanohansenga, sunga ngumune; mwanda su abadi beukye (bianka,) biabia tababadia kubamba Nfumwetu a ntumbo ha nkulusu.

I Bena Kodinda 2:8 ပူးပေါင်းရင်းမြစ်များ

Mateo 11:25

Ha’kia kihindji, batandabwile mwanda’shi, A! Nakutumbula Yaiya, Nfum’ēilu na nsenga, mwanda obe bofyile yino myanda kwi basha binangu na kwi badimukye, bweifumbwila kwi bana bakinga.

Mateo 13:22

E namu batambwile mbio munkatshi mwa milobo, nyi e bahushishe Mwanda, anka binyengo bia hanohansenga, na kōngolwa kwa mono, akwinyengyela Mwanda, n’e akutshikwa kuha bikuba.

Luka 23:34

Henyihaha Yesu bakwile’shi: A Yaiya, ebalekye le, mwanda tabeuku kiabakitshi. N’abo abābanene bifwalwa bie, bebita bubale.

Yoano 16:3

Abakenukitshi yino myanda, ha mwanda tambeukye Yaiya, sunga nami.

Yoano 7:48

Bamo ba mu batontshi betu, na ba Bafadiseo babamukumina su?

Yoano 8:19

Biabia babamwihwishe’shi: Shobe E kwi kunyi? Yesu bebalulwile’shi: Tanwibanukye, sunga Shami; su nubadi a kunuka, nubadi a kwiuka Yaiya namu.

Bikitshino 13:27

Mwanda’bo ababombela ku Yelusalema, na batontshi babo, mwanda’bo tambamwiuke, sunga mayi a batemuki abadibwa ku Sabado ku Sabado yoso, abeikumbasha ha mwanda wa kumuhisha.

Bikitshino 7:2

Bamwambile’shi: Anwe bakwetu balume na bayaiya, hushai: Winyi Efile Mukulu a ntumbo bamwekyele kwi nshyetu-kulu Abalahama habadi mu Mesopotamie, kwibedi kwa kubombela mu Halana,

I Bena Kodinda 1:20

A sha binangu e kwi kunyi? Mufundji (namu) e kwi kunyi? Muhakanyi a bahanohansenga e kwi kunyi? Efile Mukulu tamwalule binangu bia bahanohansenga, tambulotakane su?

I Bena Kodinda 2:6

Sunga mbiabia, atwakulā binangu munkatshi mwa baba ba tabahwile kukula, anka tambinangu bia bahanohansenga, sunga mbwa bamunyi ba bahanohansenga abakekashwa bu ba bisumanga;

Ii Bena Kodinda 3:14

anka binangu biabo bibadi bikome anka hoo. Mwanda mpaa na ku lelo uno, kino kihūto kinyi ki kwanka, tankikashwe ha kubala kwa mukanda wa kilombeno kikulu, ooo; kinyi kihūto nyi nkikashwe mu Kidisitu.

Bena Efisesa 1:17

eshi, Efile Mukulu a Nfumwetu Yesu Kidisitu, winyi Yaiya a ntumbo, enuhe Kikudi kia binangu, na kia kufumbula mu kiukilo kikumbane kiakuukibwakwe,

Bena Efisesa 4:18

abo, mbafitshishwe ku nangunanga yabo, mbalamunwe ku muwa w’Efile Mukulu ha mwanda wa luhatamino lwi mwabadi, ha kukomesha mashimb’abo hoo;

I Temote 1:13

biosobi ami kala nadi musabudi’Efile, na mubingibingi (abantu) na mukanyi; anka naleshwa lusa, ha mwanda nekikitshine nki mwiukye mu shīlukumino.

Yakoba 2:1

Bakwetu, mu lukumino lwenu lwa Nfumwetu Yesu Kidisitu a ntumbo, tanunemekanga bantu au bie au bie, ooo,