I Bena Kodinda 2:7 - KILOMBENO KIHYA KIA NFUMWETU YESU KIDISITU

⁷ ank’atwisambā binangu bi’Efile Mukulu mu kifībwe, nyi (mbinangu) bibadi bifwame, bibasangwile Efile Mukulu kwibedi kwa hanohansenga tahabandjile kuhangibwa bwa kwitwīkasha bu ntumbo:

I Bena Kodinda 2:7 ပူးပေါင်းရင်းမြစ်များ

Mateo 11:25

Ha’kia kihindji, batandabwile mwanda’shi, A! Nakutumbula Yaiya, Nfum’ēilu na nsenga, mwanda obe bofyile yino myanda kwi basha binangu na kwi badimukye, bweifumbwila kwi bana bakinga.

Mateo 13:35

Biaudia kukumbashwa ubakwile mutemuki eshi; Nankabula mukanwa mwande na miele; nankatusha myanda yibadi yifībwe mpaa na ku mbangilo ya hanohansenga.

Bena Loma 11:25

Nyi henyihāha anwe bakwetu, ha nshī mukyebe’shi, nwikale bahatamine ku kino kifībwe, mwanda wa kutshina’shi, nuaketumbika binangu bi’anwe bana bene’shi, kukoma kweshimba nkwa luhese lumune, kubahonene bena Isalele’shi, mpaa na ahakakumbana bihwa bia Badjentaila.

Bena Loma 8:29

Mwanda bantu bababangile kwiuka kwibedi, e namu bebasangwile kwibedi mwa kwibalombasha bu kihwandjikisho kia Mwan’e, biadi akwikala bu mwan’a mbedi munkatshi mwa bakwabo be bungi.

Bena Loma 8:30

Anka hangi namu, aba benyi babasangwile kala, ñanka’bo betanyine; n’abo babaitanyine, bebabingishe; aba bababingishe ñanka’bo namu babatumbishe ntumbo.

I Bena Kodinda 2:1

Binyibiabia anwe bakwetu ba mu Kidisitu, ami, hanafikile kwanudi, nkimufikye na buwa bwa mīsambo, sunga na binangu hakwinulungula bulungudi bw’Efile Mukulu.

Bena Efisesa 1:4

Anka mubetusangwidile mwadi e kwibedi kwa kibangilo kia hanohansenga, mwatudia kwikela balamunwe-bakishila na kushi matohe ku mpala kwe mu kifulo.

Bena Efisesa 3:10

Ha mwanda wa kwamba’shi, bakata bakilekile na basha matalwa be’mwa mwiilu beukye binangu bi bihaso na bihaso bi’Efile Mukulu ku kikoñeno ki’Efile.

Ii Temote 1:9

Betuhashishe, na kwitwitanyina na lwitamino luhatulwe-lwikishila; tampa mwanda wa bikitshino bietu, ooo, anka ha kut’una kw’e na mwinyi na bu-muntu, bubetuhelwe mu Kidisitu Yesu kwibedi hanohansenga tahahangilwe.

Bena Bahebelu 1:2

e mu ano mafuku a kunfudilo bākwile kwatudi mu Mwan’e, winyi abasangwile bu mpyanyi a bintu bioso, kwadi e namu nyi kubahangilwe hanohansenga hoso,

Bena Bahebelu 11:3

Ha lukuluhilo atushingula’shi, hanohansenga hoso habalumbulwilwe ku Mwanda ubakwilwe kw’Efile, biabia bintu abimonwa tabibakitshinwe ku bintu abimweka, ooo.

I Petelo 1:11

abakimbanga kihindji kinyi, su kihaso kia kihindji kibafunkile Kikudi-kia-Kidisitu (kibadi) munda mwabo, hakibatemukile kwibedi kufwambuka kwa Kidisitu, na ntumbo yibakyebanga kulonda kunyima.

I Petelo 5:1

Binyibiabia nalanga bakulu (ba bikoñeno bi’Efile) be munkatshi mwenu, ami mukulu n’abo, na bu kamonyi ka bia kufwambuka kwa Kidisitu, mubungilwe namu ku yinyi ntumbo yianakafumbulwe.

I Petelo 5:10

Anka winyi Efile Mukulu sha bu-muntu boso, winyi e betwitanyine ku ntumbo ye ya ikala-ika kwi Kidisitu Yesu, hanukahu kufwambuka kihindji, enulombashe biya, na kwinukankamisha, na kwinunyisha, na kwinushadisha.

Ii Petelo 1:3

Bu bukome bwa bwifile bwe bubetuhele bintu bioso (binemene) ku muwa na ku bwin’Efile Mukulu, ha kiukidilo kia yawa betwitanyine ku ntumbo na buwa bukalabale,

Kibafumulwe 13:8

Na boso babombele hanohansenga banakamulangwile, boso bashī na mashina’bo abafundjilwe mu mukanda wa muwa wa Mwan’a-Mukoko, mwihayibwe mpaa na ku mbangilo ya hanohansenga.