I Bena Kodinda 2:1 - KILOMBENO KIHYA KIA NFUMWETU YESU KIDISITU

¹ Binyibiabia anwe bakwetu ba mu Kidisitu, ami, hanafikile kwanudi, nkimufikye na buwa bwa mīsambo, sunga na binangu hakwinulungula bulungudi bw’Efile Mukulu.

I Bena Kodinda 2:1 ပူးပေါင်းရင်းမြစ်များ

Bikitshino 20:21

Nadi akula bu kamonyi kwi Bena Yuda na kwi Bena Ngidiki namu, kwilanga kw’eshimba kw’Efile Mukulu, na lukuluhilo kwi Nfumwetu Yesu Kidisitu.

Bikitshino 22:18

Namumwene andungula’shi: Nyisha bukidi, okatukye lubilo mu Yelusalema; mwanda tabakakumina bulungudi bobe bwa bu kamonyi bwa ha mwanda wande, ooo.

Bena Loma 16:18

Mwand’abo be biabia ta mbafubile Nfumwetu Yesu Kidisitu, ooo, anka ya mafu abo; na kwi mīsambo yabo ya kushīñanya yibuwa bwimoo, na ya ntumbo, yabadimbi mashimba a balotakane.

Bena Loma 16:25

Bino, kwadi e a katshintshi kwinukankamika anka mulombene mukānduwibuwa wande, na ha kulungula kwa Yesu Kidisitu mwikele kufumbulwa kwā’kia kifībwe kibadi kifībwe kalā kasha bahanohansenga hadi mubangile.

I Bena Kodinda 1:17

Mwanda Kidisitu tamuntume kubatshisha, anka mwanda wa kulungula mukānduwi-buwa; kushī na binangu bia bishima, tala nkulusu ya Kidisitu yakekala bu ya bisumanga.

I Bena Kodinda 1:6

bibakankamishwe bulungudi bwa Kidisitu mwanudi:

I Bena Kodinda 2:13

Yinyi myanda yiatwisamba namu, tayi mu bishima abilambukishwa mu binangu bia bantu, ooo, anka yinyi ayilambukishā Kikudi-E-Selelee, abangīla myanda ya Kikudi mu yinyi ya Kikudi.

I Bena Kodinda 2:4

Mīsambo yande namu, na bulungudi bwande bw’Efile, tabubadi na bishima bia kukonkwela bia mu binangu bia bantu, ooo, nganka bia mu bileshesho bia Kikudi-E-Selelee na bukome’shi:

I Bena Kodinda 2:7

ank’atwisambā binangu bi’Efile Mukulu mu kifībwe, nyi (mbinangu) bibadi bifwame, bibasangwile Efile Mukulu kwibedi kwa hanohansenga tahabandjile kuhangibwa bwa kwitwīkasha bu ntumbo:

Ii Bena Kodinda 10:10

Mwanda’bo abakulashi: Mikanda ye yi moo, na bukoho, anka ku mbidi ye su yi kuno kwatudi’twe ngitūba, na mīsambo (ye) ayibendjibwa.

Ii Bena Kodinda 11:6

Ankasunga nyi muhatakane mu misainbo, nki biabia mu kiukilo, ooo; anka tubafumbwilwe biya munkatshi mwenu mu bintu bioso.

Ii Bena Tesalonika 1:10

ahakafiki kutumbishibwa mu bahatulwe-bakishila, na kwikala bakanyibwe mwi’bo abakumina hā’di ’efuku (mwanda bulungudi bwetu kwanudi bubakuminyibwe) mu diadi’efuku.

I Temote 1:11

mulombene mukāndu-wibu-wa wa ntumbo y’Efile Mukulu ahebwe mwabi na mwabi, ubambikilwe.

Ii Temote 1:8

Biabia twekalanga na būfu bwa bulungudi bwa Nfumwetu, sunga mbw’ami mukwatwe e; ank’obe wekale mutambudi a kihindji a bishiotshi bia mukānduwibuwa mulombene bukome bw’Efile Mukulu.

I Yoano 4:14

N’atwe tubahu kumona, na kwakula bu kamonyi’shi, Yaiya batumine winyi Mwana kwikala Muhashi a bahanohansenga.

Kibafumulwe 1:2

E batemukile bu kamonyi ka Mwanda w’Efile Mukulu, na ka bulungudi bwa Yesu Kidisitu, na ka bintu bioso bibamwene.

Kibafumulwe 1:9

Ami Yoano, mukwenu, mubungilwe n’enu mu bishiotshi, na mu bufumu na mu kukankamana kwa Yesu Kidisitu, nadi mu kila akitemuna bu Patamosa ha mwanda wa Mwanda w’Efile Mukulu na ha bulungudi bwa Yesu.

Kibafumulwe 19:10

Biabia nahone hashi ku ngwa ye kumulangwila. Bandungwile’shi: Ooo, tokitanga biabia. Ami nyi mufubi n’obe, n’a bakwenu bulungudi bwa Yesu; langwila Efile Mukulu; mwanda bulungudi bwa Yesu nyi muwa wa kutemuka kwa myanda.