I Bena Kodinda 15:2 - KILOMBENO KIHYA KIA NFUMWETU YESU KIDISITU

² Nyi kwanubahandjila su anulamatshidila mu binyi binenulungwile, anka su nubakuminyine bisumanga.

I Bena Kodinda 15:2 ပူးပေါင်းရင်းမြစ်များ

Luka 8:13

Ya ha lubwebwe mbaba abahusha, batambula Mwanda na kusehela; ank’abo tabe na mishi, abakumina’nka kihindji kihela, na ha kihindji kia kutompibwa biabalamunuka.

Bikitshino 2:47

Abadi abatumbisha Efile Mukulu, abadi bakuminwe na bantu boso. Yehowa batentekyele abo ku Kikoñeno kikūlwe n’Efile, efuku n’efuku mwabadi akuhashībwa.

Bikitshino 8:13

Henyihaha Shimona e na mwinyi bakuminyine namu; hababatshishwe, baikadidile na Fidiha, baka’nyine, bibadi kwete kumona bilengeleshi bikata na bitundwilo bibakitshine.

Bena Loma 1:16

Mwanda ntshi na būfu’mi ku mukānduwibuwa wa Kidisitu, mwanda’wo ngia katshintshi k’Efile Mukulu ka kihanjilo kwi muntu oso akakumina, kubadila kwi Bayudea na kwi Bangidiki benyi kumune.

Bena Loma 11:22

Talangai binyibiabia bu-muntu n’eshimba dia bukome bw’Efile, kwi’ba babahonene bukome bubadi hanka; anka kodibe mbumuntu bw’Efile-Mukulu bwi hanka, su ekale mwanka bukyelebukyele mu bumuntu bwe, anka su ta mbino, biabia n’obe n’amu okabatulwa.

I Bena Kodinda 1:18

Mwanda bulungudi bwa (mwanda wa) nkulusu bwi bu mwanda ulotakane kwi’ba balwile, anka kwatudi’twe tubahashibwe, bwi bu bukome bw’Efile Mukulu.

I Bena Kodinda 1:21

Mwanda mwiyile kalolo k’Efile Mukulu, bahanohansenga tambeukye Efile Mukulu ku binangu, ooo, (biabia) Efile Mukulu bamwene buwa kuhashā’bo abakumina, ku bulotakane bwa bulungudi bw’Efile.

I Bena Kodinda 11:2

Anka bino namu nenutumbisha bakwetu mu Kidisitu’shi, nwantentekyesha mu bintu bioso, na kulama milangilo, hamune munenufishishe’yo.

I Bena Kodinda 15:14

na su Kidisitu tamusangulwe, biabia bulungudi bwetu bw’Efile mbwa bisumanga, na lukumino lwenu namu ndwa bisumanga.

Ii Bena Kodinda 2:15

Mwand’atwe twi mahembwe ebuwa a Kidisitu kw’Efile Mukulu mwi’ba bahande, na mu’ba abalwila.

Ii Bena Kodinda 6:1

Henyihaha atwe abafubā n’E hamune, tubenusendela’shi, tanutambulanga bu-muntu bw’Efile Mukulu bisumanga, ooo.

Bena Ngalatea 3:4

Nubafwambukile mu bia bintu bibungi bisumanga su? Su bikī bu bia bisumanga.

Bena Efisesa 2:8

Mwanda nyi ku bumuntu bw’Efile kwanuhandjilā ha lukumino; n’alo lwinyi lushī lwa kwinwe bana bene, ooo, (nyi) mbuntu bw’Efile Mukulu:

Bena Kolose 1:23

Su anwiyididila mu lukumino lubangibwe na lushimatshishibwe, tanukakashibwa namu ku lutengyelo lwa mukāndu-wibuwa wanubahushīshe, na ubalungwilwe ku bihangibwe bioso bi mushi mweilu, nyi anka ha winyī’uo nakitshinwe tandji mufubi.

Ii Bena Tesalonika 2:15

Binyibiabia bakwetu nushimate hoo, nukamine ndaa ku myanda ya mu kiftilo yanubalambukishwe, sunga nku mayi, sunga nku mukanda wetu.

Ii Temote 1:9

Betuhashishe, na kwitwitanyina na lwitamino luhatulwe-lwikishila; tampa mwanda wa bikitshino bietu, ooo, anka ha kut’una kw’e na mwinyi na bu-muntu, bubetuhelwe mu Kidisitu Yesu kwibedi hanohansenga tahahangilwe.

Bena Bahebelu 10:23

Tulamatei anka hoo ku kwisokola kwa lukumino lwetu lushī na kusuasua: mwanda, e betulayile nga kishima.

Bena Bahebelu 2:1

Binyibiabia tubadia kunyingila bikata kutee mashimba ku yinyi myanda yatubahushishe, tala twakayīsha kihindji yakakila.

Bena Bahebelu 3:14

Mwanda’twe tatudi bebungile na Kidisitu, su atulamata ku mbangilo ya kwiukidila kwetu hoo na ku nfudilo:

Bena Bahebelu 3:6

Anka Kidisitu nyi Mwana-mulume kunundu kwa nshibo ye; yinyi nshibonyin’atwe, su atulamata hoo ku kukankamana (kwetu) na kutumbisha kwa lutengyelo anka hoo mpaa na kunfudilo.

Bena Bahebelu 4:14

A binyibiabia biosobi twi na tshiite-mwakwidi-mukata, bahwile kutwela mwiilu, nyi Yesu Mwan’Efile-Mukulu, tushimate hoo lukumino lwetu.

Yakoba 2:14

Bakwetu, sunga muntu akula’shi: Nyi na lukuluhilo, alukamumwesha kinyi, su te na bikitshino? A lukuluhilo alwiuku kumuhasha su?

Yakoba 2:17

Anka biabia na lukuluhilo namu, su talwi na bikitshino, ndufwe, mwanda w’alo lu na mwinyi.

Yakoba 2:26

Mwanda anka mwikele mbidi yishī na kikudi ngifwe mpamunenka na lukuluhilo lushī na bikitshino ndufwe namu.