I Bena Kodinda 14:2 - KILOMBENO KIHYA KIA NFUMWETU YESU KIDISITU

² Mwanda yawa ākula na dingi edimi, tākula kwi bantu, ooo, anka kw’Efile Mukulu; mwanda takwi muntu eushingula; anka mu Kikudi e ākula yifībwe.

I Bena Kodinda 14:2 ပူးပေါင်းရင်းမြစ်များ

Mateo 13:11

E bebālulwile’shi: Mwanda kwanudi ubahebwa kushingula yifībwe ya bufumu bw’Efile-Mukulu, anka kwibo kushī bahebwe.

Mako 16:17

Bino bitundwilo abikelondena na benyi abakakumina; mwishina diande abakabingi mikishi; abakākula’nyi na ndjimi yihia.

Mako 4:11

E bebalungwile’shi, Kwanudi nubahebwa kushingula bifibwe bia bufumu bw’Efile Mukulu, anka kwi’ba be hasha, bintu bioso abikitshibwa mu nkindji’shi.

Bikitshino 10:46

Mwanda abebahushishe bakwete kwakula (yingi) ndjimi, na kutumbisha Efile Mukulu. Binyibiabia Petelo bālulwile’shi:

Bikitshino 19:6

Biabia Paulu habahwile kutenteka maasa e habadi, Kikudi-E-Selelee bebayikile; biabia abakwile na yingi ndjimi, na kutemuka, abatemukile myanda.

Bikitshino 22:9

N’aba badi n’ami abamwene etata binyibinyi, mō ubebakwete, anka tambahush’eyi dia winyi badi akula n’ami.

Bena Loma 16:25

Bino, kwadi e a katshintshi kwinukankamika anka mulombene mukānduwibuwa wande, na ha kulungula kwa Yesu Kidisitu mwikele kufumbulwa kwā’kia kifībwe kibadi kifībwe kalā kasha bahanohansenga hadi mubangile.

I Bena Kodinda 12:10

Kwi mungi namu (muhebwe) mwa kukitshina bilengyeleshi; mungi’nyi namu mwa kutemukila bitemu; kwi mungi’nyi namu (muhebwe) lushingulo lwa kushingula bikudi; mungi (muhebwe) bihaso na bihaso bia ndjimi; na kwi mungi’nyi kuhatula kwa ndjimi;

I Bena Kodinda 12:28

Efile Mukulu namu batudile bamo mu kikoñeno (ki’E); kwibedi batumibwa, diakabidi batemuki, diakasatu balambukishi, kumongo ta mbilengyeleshi, kumongo’nyi biabuntu bia kuhwisha masungu, kumongo’nyi biakukwashia, na basha kulumbula, na bihaso bihaso bia ndjimi.

I Bena Kodinda 13:1

Sunga nākulā na ndjimi ya bantu na ya bamwikeilu, n’ami nki na kifulo, (biabia) nyi mwalulwe bu kilonda kia lembela ki ñono, su mbu kwakula kwa lubembo.

I Bena Kodinda 13:2

Na su nyi na kiabuntu kia lutemuko lwa myanda, na kushingula bifībwe na biyukilo bioso; sunga nyi na lukuluhilo loso namu lwa kukasha mangulu, n’ami nki na kifulo, (biabia) nyi bu bisumanga.

I Bena Kodinda 14:16

Hangi namu h’okelwa mwabi na kikudi, yawa shī na kalolo akakumina’shi: Amena ku lutumbu lobe, mwanda tashingula kiōkula?

I Bena Kodinda 14:26

A bino bi na minyi bakwetu? Hanwikoñena hamune, anwe boso, au na lono, au na lulambukisho, au namu na dingi edimi, mungi namu e na lufumbwilo. N’au mo ’nyi e na luhatulwilo. Bioso bino bikitshibwe ha mwanda wa kwitamisha.

I Bena Kodinda 15:51

Talangai, nenulesha kifībwe: Atwe boso tatukalala tulo (twa lufu) ooo, anka atukālulwū’twe boso.

I Bena Kodinda 2:10

Anka Efile Mukulu betufumbwila’ (yo) mu Kikudi e e Selelee; mwanda Kikudi-E-Selelee akokōlā myanda yoso, ee, yinyi myanda yibukoho y’Efile Mukulu.

I Bena Kodinda 2:7

ank’atwisambā binangu bi’Efile Mukulu mu kifībwe, nyi (mbinangu) bibadi bifwame, bibasangwile Efile Mukulu kwibedi kwa hanohansenga tahabandjile kuhangibwa bwa kwitwīkasha bu ntumbo:

Bena Efisesa 6:19

na kwandjimi’shi, eyi dia kwakula adikampebwa biandjia kubūla mukanwa mwande na kwikankamika, ha mwanda wa kwiukisha kifībwe kia mukāndu wibuwa,

Bena Kolose 2:2

ami’shi, mashimb’abo asengibwe, na kwiluñena hamune mu kifulo, mpaa na ku mono yoso ya lushingulwilo lukumbane lwa nangunangu, mpaa na ku kiukilo kikumbane kia kifībwe ki’Efile-Mukulu, na kia Yaiya na Kidisitu.

I Temote 3:16

Kinyi kifibwe kia bwin’Efile Mukulu nkikata kishī kia mpaka, ooo; E bafumbwilwe mu bia mbidi, babangishwe mu Kikudi-E-Selelee, bamwenwe na bamwikeilu, balungulwa munkatshi mwa milo (ya bantu) bakuminyibwe hanohansenga, batambwilwe mwiilu mu ntumbo.

I Temote 3:9

Balamate ku’kla kifībwe kia lukumino n’eshimba dia munda selelee.

Kibafumulwe 10:7

anka mu mafuku a eyi dia mwikeilu a musambobidi, hakabanga kōmba, nyi ahakahwibwa kifībwe ki’Efile Mukulu, anka mubakudile kwi bahika be batemuki.