I Bena Kodinda 1:6 - KILOMBENO KIHYA KIA NFUMWETU YESU KIDISITU

⁶ bibakankamishwe bulungudi bwa Kidisitu mwanudi:

I Bena Kodinda 1:6 ပူးပေါင်းရင်းမြစ်များ

Mako 16:20

Binyibiabia babakatukile, babakalungwile mwanda w’Efile Mukulu kosokoso; winyi Nfumwetu namu kwete kwibafubisha hamune n’abo, kwete kunyisha mwanda namu ku bitundwilo abibelondena. Amena.

Bikitshino 11:17

A biabia, su Efile Mukulu bebahele kia būntu, kihwandjikile hamune n’akia betuhele’twe bakumine Nfumwetu Yesu Kidisitu, ami nadi’nyi a kushikila Efile Mukulu?

Bikitshino 11:21

Na mboko ya Nfumwetu yibadi n’abo, bantu be bungi abakuminyine, abealulwile kwi Nfumwetu.

Bikitshino 18:5

Habahwile Shilusa na Temote kufika ku Masedonya Paulu banemenenwe mwishimba, talungula Bena Yuda’shi: Yesu nyi Kidisitu.

Bikitshino 20:21

Nadi akula bu kamonyi kwi Bena Yuda na kwi Bena Ngidiki namu, kwilanga kw’eshimba kw’Efile Mukulu, na lukuluhilo kwi Nfumwetu Yesu Kidisitu.

Bikitshino 20:24

Anka takwi kintu kimune kia bino bintu akinsanyisha’mi munda, sunga namu nkuhwandjikisha muwa wande bu kintu kineme kwimi, mwandjia kuhudisha luendo lwande lwa muwa, na kusehela na mufubo wanatambwile kwi Nfumwetu Yesu, nyi nkulungula mukāndu-wibuwa wa bumuntu bw’Efile Mukulu.

Bikitshino 22:18

Namumwene andungula’shi: Nyisha bukidi, okatukye lubilo mu Yelusalema; mwanda tabakakumina bulungudi bobe bwa bu kamonyi bwa ha mwanda wande, ooo.

Bikitshino 23:11

Biabia bufuku bubalondele Nfumwetu baimene hehi kwadi, amba’shi: A Paulu nyish’eshimba diobe, mwandā’nka muboñakwilwanga bu kamonyi mu Yelusalema, anka hamune odi n’au ngwa kwakwila ku Loma.

Bikitshino 28:23

Binyibiabia habamusangwidile efuku, kubafikile bebungi kwadi, e bebahatulwidile na kwibalungula bu kamonyi ka bufumu bw’Efile Mukulu, na kwibakonkwela ha mwanda wa Yesu, ku namashika, mpaa na ku kiolwa, mu mukanda-wa-bishila bia Mosesa na mu a Batemuki.

Bena Loma 15:19

kwanka mu katshintshi ka bitundwilo na bilengyeleshi bikata bi moo, ku katshintshi ka Kikudi-E-Selele; hakukita’shi, kubangila ha Yelusalema, na kwifunya, mpaa na kufisha ha Ididikuma, nahu kwakudidila mukāndu-wibuwa wa Kidisitu.

Ii Bena Kodinda 12:12

Mbinyibinyi bitundwilo bia butumibwa bibakitshinwe munkatshi mwenu mu mufwaka, mu bitundwilo, na mu biakukanya, na mu bikitshino bia ntshitshiba.

Bena Ngalatea 3:5

Binyibiabia, e enuheya Kikudi-E-Selelee, n’akitā bilengyeleshi munkatshi mwenu, ebikitshina ku bikitshino bia mukanda-wa-bishila, su nyi nku kuhusha kwa lukumino?

Ii Bena Tesalonika 1:10

ahakafiki kutumbishibwa mu bahatulwe-bakishila, na kwikala bakanyibwe mwi’bo abakumina hā’di ’efuku (mwanda bulungudi bwetu kwanudi bubakuminyibwe) mu diadi’efuku.

I Temote 2:6

E behanyin’e na mwinyi ta nkikulo kia boso, kia kulungulwa ha bihindji bia’bio bi na mwinyi bilombane.

Ii Temote 1:8

Biabia twekalanga na būfu bwa bulungudi bwa Nfumwetu, sunga mbw’ami mukwatwe e; ank’obe wekale mutambudi a kihindji a bishiotshi bia mukānduwibuwa mulombene bukome bw’Efile Mukulu.

Kibafumulwe 1:2

E batemukile bu kamonyi ka Mwanda w’Efile Mukulu, na ka bulungudi bwa Yesu Kidisitu, na ka bintu bioso bibamwene.

Kibafumulwe 1:9

Ami Yoano, mukwenu, mubungilwe n’enu mu bishiotshi, na mu bufumu na mu kukankamana kwa Yesu Kidisitu, nadi mu kila akitemuna bu Patamosa ha mwanda wa Mwanda w’Efile Mukulu na ha bulungudi bwa Yesu.

Kibafumulwe 12:11

N’abo abamukambile na mase a Mwan’a-Mukoko, na ha mwanda wa bulungudi bwabo bw’Efile; abo tababadi na miuwa yabo kifulo, mpaa na ku lufu, ooo.

Kibafumulwe 12:17

Biabia kinyoka badi na nsungu na mwana-mukashi, bayile kulwa ngoshi na bashale ku lubio lwe, benyi abalama milangilo y’Et’ile Mukulu, n’abalamata ku bulungudi bwa Yesu Kidisitu.

Kibafumulwe 19:10

Biabia nahone hashi ku ngwa ye kumulangwila. Bandungwile’shi: Ooo, tokitanga biabia. Ami nyi mufubi n’obe, n’a bakwenu bulungudi bwa Yesu; langwila Efile Mukulu; mwanda bulungudi bwa Yesu nyi muwa wa kutemuka kwa myanda.

Kibafumulwe 6:9

Habalamwine kiukilo kia katano, namwene mushi mwa kitala (kia bitahilo) bikudi bia’ba abehayibwe ha mwanda wa Mwanda w’Efile Mukulu, na ha mwanda wa bulungudi bwabadi na’bu.