Ii Bena Kodinda 7:1 - KILOMBENO KIHYA KIA NFUMWETU YESU KIDISITU

¹ Binyibiabia anwe bakuminyibwe hatudi na yino milayilo, twitoshei atwe bana bene ku biabutete bioso bia ku mbidi, na bia ku kikudi tukumbashidilei kuhatulwa-kwa-kishila mu kutshina kw’Efile Mukulu moo.

Ii Bena Kodinda 7:1 ပူးပေါင်းရင်းမြစ်များ

Mateo 12:33

Lumbulusha mutshi wibuwa, na bikuba biao bibuwa, sunga lwisha mutshi na bikuba biao namu; mwanda mutshi aushingulwa ku bikuba bie.

Mateo 5:48

Binyibiabia nwikale bakumbane, bu bi Shyenu E mwiilu E mukumbane.

Mateo 5:8

Mwabi kwi’bo be selelee ku mashimba, mwand’abakamono Efile Mukulu.

Bikitshino 9:31

Henyihaha bikoñeno bi’Efile moso mu Yudea na mu Ngadilea na mu Samadia, bibahohelele biya; babadi bakankamane; na ha kutambuka mu moo wa Nfumwetu na mu lusengyelo lwa Kikudi-E-Selelee, abafwimine na kufwima.

Bena Loma 5:20

Biabia mukanda-wa-milangilo ubafikile’shi, kusola kwa mwanda kutame; anka ha-ku-batamine kulwisha, buntu bwa bisumanga namu bubakididile kutama bi moo;

I Bena Kodinda 6:20

Mwand’anwe nwibaudibwe na mulo (ukata): binyibiabia nutumbishe Efile Mukulu ntumbo mu mbidi yenu, na mu kikudi kienu, abio mbi’Efile Mukulu.

Ii Bena Kodinda 1:20

Mwanda milayilo yoso y’Efile Mukulu mwadi e yi’ anka ee, ayo, ngia Amena, ’shi, Efile Mukulu atumbishibwe ha mwanda w’atwe.

Bena Efisesa 2:3

nyi mwatubādi bekele namu, atwe boso kwibedi mu nyikashi ya ngabiābi yetu, nubadi anulondo mwamukyebelā bia mbidi, na bia binangu; tubadi ku butandjilo namu bana ba nsungu, hamune na bangi.

I Bena Tesalonika 3:13

Ha mwanda wa kwinukankamisha mashimb’enu (ekala) ashī atohekwe mu kulamunwa-kukishila ku mpala kw’Efile Mukulu, winyi Yaiya, hakufika kwa Nfumwetu Yesu hamune na boso be balamunwe-bakishila.

I Bena Tesalonika 4:7

Mwanda Efile Mukulu tamwitwitanyine ku bia kushulakwa-bishila, ooo, anka ku bia kulamunwa kwa kishila.

I Bena Tesalonika 5:23

N’Efile Mukulu a kufukama e na mwinyi enulamuna selelee bushima; na kikudi kienu, n’eshimba dienu na mbidi yenu bikale bibambībwe bishima bishyabitohekwa mpaa na ku kufika kwa Nfumwetu Yesu Kidisitu.

Bena Bahebelu 12:23

ku kikumbeno kia kikoñeno ki Efile kia bana babedi, babafundjilwe mwiilu, kwi Efile Mukulu nsushi a boso, na kw’i bikudi bia balulame bibakumbeshwe;

Bena Bahebelu 12:28

Binyibiabia atwe hakutambula bufumu bushyabuuku kutenkakana, twikale na bu-muntu, mu bwinyi’bo, nyi mwatufubil’Efile Mukulu ya kusangash’eshimba na kinemo, na mutshinyīsha kw’Efile.

Bena Bahebelu 4:1

Biabia atwe twikale na moo tala mulayilo ubetulekyeiwe wa kutwela mu kikīsho, umun’anwe su akalobela mwanka.

Bena Bahebelu 6:9

Anka sunga atwisamba bino, bafudibwe kifulo, twibeukidile biya myanda yikile yaya buwa hanudi’nwe, na myanda ayikunkushena na kihandjilo.

Yakoba 4:8

Nwifubulei kw’Efile Mukulu n’E akenwifubula. Sulai maas’enu anwe balwishi, toshai mashimb’enu anwe ba mashimba abidi.

I Petelo 1:15

Anka mwikyele e benwitanyine ’muhatulwe-a-kishila, biabia anwe namu nwikale bahatulwe-ba-kishila mu nyikashi yenu yoso;

I Petelo 1:17

Na su anumwitanyina dia bu Yaiya, e atshibā kimu mulombene bikitshino bia muntu ese, bisumanga’shi, au nyi’ū, au nyi’ū, ooo, (biabia) nwikale na moo hanukisha kihindji hanukī hano ha nsenga;

I Petelo 1:22

Anka hanubatosha mashimb’enu mu kukokyela kwa biabinyibinyi, ku Kikudi E-Selelee mpaa na ku kifulo kishī na bulamalama kia kwi bakwenu, mwitomeshenei kifulo anwe bana bene n’eshimba di selelee dia kibobo.

I Petelo 2:11

Anwe batomibwe kifulo nenusendela bianudi bu benyi na bu balukilo, nushila ku bia ngabiabi bia ku mbidi, abilwiyā ngoshi na kikudi;

I Petelo 5:10

Anka winyi Efile Mukulu sha bu-muntu boso, winyi e betwitanyine ku ntumbo ye ya ikala-ika kwi Kidisitu Yesu, hanukahu kufwambuka kihindji, enulombashe biya, na kwinukankamisha, na kwinunyisha, na kwinushadisha.

I Yoano 1:7

anka su atutambuka mwitata, mwadi mwikele mwitata, twi na kilombeno muntu na mukwabo, na mase a Yesu Mwan’e aetutosha ku milwisho yoso.

I Yoano 1:9

Su atukumina milwisho yetu, e na kishima na kululama kwitulekyela milwisho yetu, na kwitutosha ku yishīyilulame yoso.

I Yoano 3:3

Ese (muntu) e na luno lukuluhilo mwadi etosha na mwinyi, bu mwadi mutokyel’e.