Ii Bena Kodinda 2:3 - KILOMBENO KIHYA KIA NFUMWETU YESU KIDISITU

³ Nafundjile uno kwanudi, tala hankafiki, nankafitshishwa eshimba kwi baba bahwandjikile kunsangulusha, na ha mwanda wa kwinukuluhila’nwe boso’shi, kusanguluka kwande nkw’anwe boso.

Ii Bena Kodinda 2:3 ပူးပေါင်းရင်းမြစ်များ

I Bena Kodinda 4:21

A kianukyebe nkinyi? nfikye kwanudi na kanongye, su mu kifulo, n’eshimba dia kuhohela?

Ii Bena Kodinda 1:15

Mwanda mu luno lukuluhilo nadi n’eshimba dia kufika kwanudi kwibedi’shi, nutambule kiabuntu kia kabidi;

Ii Bena Kodinda 1:23

Dimonyi naitanyina Efile Mukulu e nkamonyi k’eshimba diande’shiha mwanda wa kwinufwila lusa, nyi wa sisī mufikile ku Kodinda ooo.

Ii Bena Kodinda 12:11

Hakwitumbisha nyi mwalulukye tandji mulotakane; anwe nubambusha; mwanda nadia kwikala mutumbishibwe kwanudi; mwanda nki kunyima kwa batumibwa bakile bukata, su mu kinyi su mu kinyi, sunga’ami nyi bu bisumanga.

Ii Bena Kodinda 12:21

Tala namu hankafiki dimonyi, Efile Mukulu ande akankwatshisha būfu munkatshi mwenu, n’ami nankekala na lukalo lwa bebungi abasolele myanda kwibedi; bashī belangye munda ku kushūla-kwa-bishila na lukyebanokye’bano, na mudioholo w’eshimba dibi wabakitshine.

Ii Bena Kodinda 13:10

Binyibiabia nyi mwanda uno wanenufundjila yino myanda hanshī munkatshi mwenu, kutshina’shi, hanyikala kwakwa n’enu tala nenusashila, mwiyile bukome bubampele Nfumwetu bwa kwela mwiilu, bushī bwa kuiwisha, ooo.

Ii Bena Kodinda 2:9

Nyi ha uno mwanda namu unenufundjile mwandjia kwiukila kishinkatshilo kienu, na su nwi na kukokyela mu myanda yoso.

Ii Bena Kodinda 7:12

Binyibiabia sunga nenufundjile (mukanda,) nki mufunde ha mwanda wa yawa basōle mwanda, sunga mpa mwanda wa yawa bamwene malwa (a ha uno mwanda), ooo, anka’shi, lwishinko lwatudi n’alo alukamweka kwanudi ku meso kw’Efile Mukulu.

Ii Bena Kodinda 7:16

Nasehela’shi, nyi na lukuluhilo mwanudi mu (bintu) bioso.

Ii Bena Kodinda 7:6

Sunga mbiabia, Efile Mukulu aseng’āba bakalakashwe, betusengyele ha mwanda wa kufika kwa Titusa,

Ii Bena Kodinda 7:8

Mwanda sunga nenufitshishe ku mashimba na mukanda wande, tanaluluka’mi, ooo, sunga nālulukile (kala), mwanda nashingula’shi, winyi mukanda ubenufitshishe mashimba kihindji kihela.

Ii Bena Kodinda 8:22

Tubatumine n’abo mukwetu, atubamwene musasakate mu bintu bibungi, misusa na misusa, anka binobino e’nyi mukile kusasakata, ha mwanda wa Lukuluhilo lukata luanji n’alo mwanudi

Bena Ngalatea 5:10

Nyi mwinukuluhile mu Nfumwetu’shi, tanukekala na yingi nangunangu, ank’e enukalakasha akatwala kuhīla kwe, su nanyi su nanyi.

Ii Bena Tesalonika 3:4

Twi na kusumina mu Nfumwetu ha mwanda w’anwe’shi, nukite na kukakita aya myanda yiatubenukayikile.

Filemone 1:21

Nankufundjile na kwikankamika mu lukokyelo lobe, hakwiuka biokyebe kukakita kukisha bianyisamba.