Ii Bena Kodinda 12:4 - KILOMBENO KIHYA KIA NFUMWETU YESU KIDISITU

⁴ Mubātshilwe mwiilu, mpaa na mu Mpaladisa, bahushishe mīsambo yishyayisambwā, yishidilwe kishila muntu kwiyisamba.

Ii Bena Kodinda 12:4 ပူးပေါင်းရင်းမြစ်များ

Luka 23:43

Biabia Yesu bamwalulwile’shi: Binyibinyi nakulungula’shi: Lelo’yo uno okekala n’ami mu mpaladisa.

Bikitshino 8:39

Henyihaha habahwile kwabuka mu mema, Kikudi-E-Selelee a Yehowa bātshile Fidiha, na winyi mutungulwe tamumone’nyi dimo, ooo; biabia bayile mwishinda die, ende asehelanga.

I Bena Kodinda 13:1

Sunga nākulā na ndjimi ya bantu na ya bamwikeilu, n’ami nki na kifulo, (biabia) nyi mwalulwe bu kilonda kia lembela ki ñono, su mbu kwakula kwa lubembo.

Ii Bena Kodinda 12:2

Neukile muntu a mu Kidisitu, kubakidi bihwa ekumi na binanka (su badi mu mbidi, tañuku’mi, su badi shī mu mbidi tañuku; Efile Mukulu euku), e winyi bātshilwe mwiilu, mpā na mwiilu dia kasatu.

I Bena Tesalonika 4:17

kumongo atwe abashele, abatala atukātshibwa mu makumbi hamunenka n’abo, kufumankana na Nfumwetu mu luwa (lwa mwiilu): biabia atukekala ikala-ika na Nfumwetu.

Kibafumulwe 12:5

N’e batandjile mwana, mwana-mulume, winyi anakabikale ku milo yoso n’elanga dia kilonda; na mwan’e bebosheshwe kw’Efile Mukulu, na ku luhun’a nsulu lwe.

Kibafumulwe 2:7

Yawa e n’ētwi, ahushe bibākula Kikudi-(E-Selelee) ku bikoñeno bi’Efile. Kwi yawa akambila nankamuha kudia ku mutshi wa muwa, wi munkatshi mwa Paladisa ’Efile Mukulu.