Bena Kolose 4:2 - KILOMBENO KIHYA KIA NFUMWETU YESU KIDISITU

² Nwikadidile na luteko, nudimukye mu lwinyi’lo na lutumbu;

Bena Kolose 4:2 ပူးပေါင်းရင်းမြစ်များ

Mateo 26:41

Hasukai, nutekei, tala nwakatwela mu kutompibwa; eshimba binyibinyi di na musanku, anka mbidi ngibofule.

Mako 13:33

Dimukai, nwikalei na kutengyela na luteko namu, mwandā’nwe ta nwiuku ahakafiki kiakia kihindji.

Luka 18:1

Henyihaha belele lukindji kwabadi kwibalesha’shi: mbilombane bantu anka kuteka mafuku oso, kushī kuhungila.

Luka 21:36

Binyibiabia nutengyele na kuteka mafuku oso, bianudia kulombana kuhashibwa ku yaya myanda yoso ayikafiki, na kwimana ku mpala kwa Mwan’a muntu.

Bikitshino 1:14

Bano boso abayididile n’eshimba dimune mu luteko na kwiyaiya, na bana-bakashi, na Madiya nyin’a Yesu, na bakwabo na Yesu namu.

Bena Loma 12:12

Sehelai mu kutengyela; nwishinkei mu kusabulwa; na mufwaka, kankamanai mu luteko.

Bena Efisesa 6:18

Nutekye bukyelebukyele na nteko yoso na lwiyayo mu Kikudi (E Selelee,) nutengyele kwanka na mufwaka woso na lwiyayo ha mwanda wa balamunwe-bakishila boso;

Bena Fidihai 4:6

Tanwikalanga na kukalakala su nkwa kinyi su nkwa kinyi, anka mu bintu bioso mu nteko na mu kwiyayila na mu lutumbu, nteko yenu yiukibwe kw’Efile Mukulu.

Bena Kolose 1:9

Nyi mpa uno mwanda atwe namu, kasha diadi’efuka diatubahushishe’o, tatulekā kwinutekyela na kukyeba’shi, nuushibwe na kiukilo kioso mukyebela eshimba die mu kalolo koso na lushingulo lwa Kikudi,

Bena Kolose 2:7

nushikye mishi na kukūla mwadi e, na kukankamena mu lukumino, anka mwanubalambukishwe na kukishakisha kufwima mwanka na lutumbu.

Bena Kolose 3:15

Kufukama kwa Kidisitu kwinumune ’mashitnb’enu, nyi kwanubaitanyinwe mu mbidi yimune, nwikale namu na lutumbo.

Bena Kolose 3:17

Bioso bianukitshi su mwīsambo su mu bikitshino, nukite bioso mwishina dia Nfumwetu Yesu, na kutumbula Efile Mukulu Yaiya hadi e.

Bena Kolose 4:12

Ehafalasa a kwa kwenu, e nyi mpika a Kidisitu e nwimuna, mafuku oso atuhwita bimoo kwinutekyela’shi, nwimane bakumbane mu bia bikyebe’shimba di’Efile Mukulu.

I Petelo 4:7

Anka nfudilo ya bintu bioso tayidi hehi; binyibiabia nwikale n’eshimba dia bu mpila, nwikale na lubasu lwa kuteka nteko.