Bena Kolose 3:5 - KILOMBENO KIHYA KIA NFUMWETU YESU KIDISITU

⁵ Biabia nwihei bia ku mbidi yenu bia hanohansenga; kukyebanakyebana, biko bi’eshimba, kifulo kia myanda yibūfu, kusuasua kwa yibubi, malaka namu, nyi anka lulangwilo lwa mankishi.

Bena Kolose 3:5 ပူးပေါင်းရင်းမြစ်များ

Mateo 15:19

Mwanda kwishimba akutuku binangu bibi, matombo, masandji, makyebanokyebano, bwifi, misambo ya madimi, bakānyi-ba-milomo.

Bena Loma 1:26

Nyi ha mwanda uno ubebahanyine Efile-Mukulu ku bia kukyebakyeba kushī kinemo, mwanda bakashi babo benyi abfilulwile kwanka mwa kukitshina bia bu niuntu, ku bingi bia kukutwa kukitshibwa ku bantu.

Bena Loma 1:29

dia kuula ndā na yishīyilulame yoso, na lukyebanokyebano, na bubi, na lwīso, na kifita; diule ndā na kiutu, na buntahanyi, na mpaka, na bulamalama, na butshi, na kwisongishena,

Bena Loma 6:13

Sunga nkuhana biambidi yenu ku milwisho bu bia ngoshi bishī yilulame; anka nwihane anwe bana bene kw’Ifile, hamune bu abatala babukye ku lufu, na biambidi yenu bu biangoshi bilulame kw’ifile.

Bena Loma 6:6

Hakwiuka bino’shi, bu-muntu bwetu bwa kala bubaihaibwe ha nkulusu n’e’shi, mbidi ya kulwisha yikatukīdile’shi, atwe ta tukekala’nyi dimo mbuhika bwa milwisho, ooo.

Bena Loma 7:23

Anka namono kingi kishila mu biambidi biande, takalu ngoshi na kishila kia kwishimba kwande, akinkakila, ’nka mu buhika bwa mu kishila kia milwisho, nyi ki mu biambidi biande.

Bena Loma 7:5

Hatubadi tukī mu mbidi, n’abia kusuasua kwa milwisho, bibadi bia ku mukanda-wa-milangilo, bibetukitshishe kuha bikuba bia lufu, anka mu biambidi bietu.

Bena Loma 8:13

Su anulondo bia ku mbidi, biabia anukafu; anka su anuihaa bikitshino bia ku mbidi ha mwanda wa Kikudi-E-Selelee biabia anukamono muwa.

I Bena Kodinda 5:1

Ntumbu yibahalakana’shi: Kwi lukyebanokyebano munkatshi mwenu, na lwinyi lukyebanokyebano bushyabutemunwa sunga munkatshi mwa badjentaila’shi, umune ekale na mukashi a nshye.

I Bena Kodinda 6:11

Anka biabia nyi bibadi bamo ba munkatshi mwenu, anka (bino) nwibasudibwe, nwibalamunwe-selelee, nwibabingishwe mwishina dia Nfumwetu Yesu, na kwi Kikudi-E-Selelee e Efile Mukulu etu.

I Bena Kodinda 6:13

Bidibwa mbia mwifu, efu namu ndia bidibwa, anka Efile Mukulu nyi akedilwisha, n’abio namu. Anka mbidi tangia lukyebanokyebano, ooo, nyi ngia Nfumwetu, na Nfumwetu namu nga mbidi.

I Bena Kodinda 6:18

Sukai lukyebanokyebano. Mulwisho woso aukitshi muntu tawi ku mbidi, anka e akitshi lukyebanokyebano alwisha ku mbidi ye yi na mwinyi.

Ii Bena Kodinda 12:21

Tala namu hankafiki dimonyi, Efile Mukulu ande akankwatshisha būfu munkatshi mwenu, n’ami nankekala na lukalo lwa bebungi abasolele myanda kwibedi; bashī belangye munda ku kushūla-kwa-bishila na lukyebanokye’bano, na mudioholo w’eshimba dibi wabakitshine.

Bena Ngalatea 5:24

N’abo ba Kidisitu (abawhile) kwiha mbidi ha mutshi uhingishene na ya kusuasua kw’eshimba na lwiso.

Bena Efisesa 4:19

Abo hakwikala bashī mpushīsho abehanyine abo bana bene mpaa na ku mudioholo w’eshimba dibi, mwanda wa kukita bia kushūla bioso bi’eshimba na ndakalaka.

Bena Kolose 2:11

Mwadi e namu nwibasalwe kisale, (akio) kishīkikitshibwe na māsa, (nyi) kia kufūla mbidi ya milwisho ya bu muntu mu kisale kia Kidisitu.

I Bena Tesalonika 4:3

Mwanda uno’u nyi a ukyebe eshimba di’Efile Mukulu, tankulamunwa kwenu selelee’shi, nushile bukyebekyebe;

I Bena Tesalonika 4:5

kushī mu lwabi lwa kusuasua kwa yibubi hamune na Badjentaila bashyabeuku Efile Mukulu;

I Temote 6:10

Mwanda kifulo kia mono nyi mushi wa bubi boso; ayoyinyi, bamo ha kwiyiabila, abōngolwa ku lukumino, abahu kwitaha na kwinyenga kwibungi.

Bena Bahebelu 12:16

Tala kwakekala sha lusandji, su sha kufutula bu Esau, winyi e ha mwanda wa kiseso kia mwita, bahēne buhyanyi bwe.

Bena Bahebelu 13:4

Ebambo dinemekwe kwi boso, na lusala lushī lwa kushula kishila, anka basha lusandji na bulalelale Efile Mukulu akebatshibila kimu.

Bena Bahebelu 13:5

Nyikashi ya muwa wenu yikale yishī na lwabi lwa kwābīla mono, nwifukamishe mu’bia bintu nwi n’abio: mwanda e bakwile’shi: Ami tankakulekye, tankakufutala sunga mpahelehela,

Yakoba 4:1

Ngoshi na mima bi munkatshi mwenu abifiki kwi kunyi? tanku ngabiabi yenu ayilu ngoshi mu bia ku mbidi bienu?

I Petelo 2:11

Anwe batomibwe kifulo nenusendela bianudi bu benyi na bu balukilo, nushila ku bia ngabiabi bia ku mbidi, abilwiyā ngoshi na kikudi;

Kibafumulwe 21:8

Anka basha moo, na bashī bukumine, na be butete, na bantomboshi, na basha lukyebanokyebano, na basha masende, na balangwidi ba mankishi, na basha madimi boso, abakabungilwe mwishiba aditembe kālo na soufre; luno nyilufulwa kabidi.

Kibafumulwe 22:15

Hasha he mbwa, na basha masende, na basha lukyebanokyebano, na bantomboshi, na balangwidi ba mankishi, na boso abasehela na kudimba madimi.