Bena Kolose 3:23 - KILOMBENO KIHYA KIA NFUMWETU YESU KIDISITU

²³ Mu bioso bianukitshi nukite’bio n’eshimba dishima anka hamune’nka bu kwi Nfumwetu, kushī bu kwi bantu ooo.

Bena Kolose 3:23 ပူးပေါင်းရင်းမြစ်များ

Mateo 6:16

Dimonyi, hanushidi biakudia namu, tanwikalanga bongame bu bansesa, mwanda’bo abanyengye nkyebo yabo bebamone’shi mbashile biakudia. Binyibinyi, nenulungula’shi, abakwete kutambula bwedi bwabo.

Bena Loma 14:6

Awa atumbisha efuku, kwi Nfumwetu kweditumbisha, n’awa shī atumbish’efuku, ñanka kwi Nfumwetu kwa shī atumbisha dianka. E adi namu, adila kwi Nfumwetu, mwanda atumbula Efile; n’ashī adi, ñanka kwi Nfumwetu kwashī adila, e namu atumbula’nka Efile-Mukulu.

Bena Loma 14:8

Su atutala, nkwi Nfumwetu kwatutala, su lufu namu atufwila’nka kwi Nfumwetu; binyibiabia su atutala, su atufu, twi anka ba Nfumwetu.

Bena Efisesa 5:22

Bakashi, kokyelai balume benu bu kwi Nfumwetu.

Bena Kolose 3:17

Bioso bianukitshi su mwīsambo su mu bikitshino, nukite bioso mwishina dia Nfumwetu Yesu, na kutumbula Efile Mukulu Yaiya hadi e.

I Petelo 1:22

Anka hanubatosha mashimb’enu mu kukokyela kwa biabinyibinyi, ku Kikudi E-Selelee mpaa na ku kifulo kishī na bulamalama kia kwi bakwenu, mwitomeshenei kifulo anwe bana bene n’eshimba di selelee dia kibobo.

I Petelo 2:13

Nukokyelei ku milangilo yoso ya bantu ha mwanda wa Nfumwetu; sunga nkwi nfumu ’mukile bukata;

I Petelo 2:15

Nyi mbiabia amukyebela eshimba di’Efile Mukulu’shi, hukukita kwa bibuwa kwenu anwiuku kuuminyisha kuhatamina kwa balotakane: