Bena Kolose 2:2 - KILOMBENO KIHYA KIA NFUMWETU YESU KIDISITU

² ami’shi, mashimb’abo asengibwe, na kwiluñena hamune mu kifulo, mpaa na ku mono yoso ya lushingulwilo lukumbane lwa nangunangu, mpaa na ku kiukilo kikumbane kia kifībwe ki’Efile-Mukulu, na kia Yaiya na Kidisitu.

Bena Kolose 2:2 ပူးပေါင်းရင်းမြစ်များ

Mateo 11:25

Ha’kia kihindji, batandabwile mwanda’shi, A! Nakutumbula Yaiya, Nfum’ēilu na nsenga, mwanda obe bofyile yino myanda kwi basha binangu na kwi badimukye, bweifumbwila kwi bana bakinga.

Mateo 11:27

Bintu bioso bibampelwe kwi Yaiya, takwi muntu euku Mwana, anka Yaiya; sunga muntu euku Yaiya, anka Mwana, na yawa kwi ese muntu Mwana akamufumbula.

Mateo 13:11

E bebālulwile’shi: Mwanda kwanudi ubahebwa kushingula yifībwe ya bufumu bw’Efile-Mukulu, anka kwibo kushī bahebwe.

Luka 1:1

Ha mwanda be bungi abakuminyine kufunda, mu lulamine bulungudi bwa yaya myanda ayikuminwa binyibinyi munkatshi mwetu.

Yoano 10:30

Ami na Yaiya twi umune.

Yoano 10:38

Ankasu nakitshi (mnyanda) sunga tanunkumina’mi, kuminai bikitshino; na kwiuka nwiukye, nukumine’shi, Yaiya E mundea, mwanda, nami namu nyi munda mwe.

Yoano 16:15

Bintu bioso bi na Yaiya, mbiande: nyihenyiha mwanda unenulungwile’shi, akata bi kwandji akenulungula’bio.

Yoano 17:3

Na uno nyi muwa-wa-ikala-ika, abo kukuuk’obe Efile Mukulu, ’mune’nka a binyibinyi; na Yesu Kidisitu a botumine.

Yoano 5:17

Anka Yesu bebalulwile’shi: Shami afubā kwibedi mpaa na bino, n’ami namu nafubu.

Yoano 5:23

Eshi, boso bakanemeka Mwana, anka hamune mwabanemeka Yaiya. Awa shi anemeka Mwana, ta munemeka Shye bamutumine.

Yoano 6:69

Atwe atuku mina na kwiuka’shi: Obe we Kidisitu, A Kishila’ Efile Mukulu a muwa.

Bikitshino 4:32

Kibumbu ki’ aba abadi bakumine kibadi na mashimba amune, na muwa wabo umune: takubadi sunga ngumune amba’shi: Yino mono ngiande anka’mi na mwinyi, ooo; yibadi yabo abo boso.

Bena Loma 15:13

Binobino Efile-Mukulu a lutengyelo enuushe na tuseho toso, na kufukama kwa mu lukumino’shi; nukumbane mu lutengyelo mu katshintshi ka Kikudi-E-Selele.

Bena Loma 16:25

Bino, kwadi e a katshintshi kwinukankamika anka mulombene mukānduwibuwa wande, na ha kulungula kwa Yesu Kidisitu mwikele kufumbulwa kwā’kia kifībwe kibadi kifībwe kalā kasha bahanohansenga hadi mubangile.

Bena Loma 2:4

Su ofutala nāmu buheta bwa bumuntu bwe, na kuhuāanya kwe, na kutula kw’eshimba die, na kushī kwiuka’shi, bumuntu bw’Efile-Mukulubwi mwanda wa kukukunkusha ku lwilango lw’eshimba su?

I Bena Kodinda 14:31

Mwanda anwe boso anwiuku kutemuka myanda, ku umune ku umune’shi, ese muntu āmbule, na boso basengībwe;

I Bena Kodinda 2:12

Atwe tatwibatambule kikudi kia bahanohansenga, ooo, anka winyi Kikudi a kw’Efile Mukulu, mwatudia kwiukila myanda ayituhelwā bwana kw’Efile Mukulu.

Bena Ngalatea 3:28

Mwadi e takwi mwina Yuda, sunga mwina Ngidiki, takwi sunga mpika, sunga muluñantu, takwi sunga mulume sunga mukashi; mwanda’nwe boso nwi bū’mune mu Kidisitu Yesu.

Bena Efisesa 1:7

Mwadi e twi na kikūdilo ha mase e, nyi lulekyelo lwa milwisho mulombene buheta bwa bu-muntu bwe;

Bena Efisesa 3:16

ami’shi, enuhe, muyile buheta bwa ntumbo ye, kwikala banyishibwe na ntshitshiba mu muntu e munda kwi Kikudi (E-Selelee) e;

Bena Efisesa 3:3

Bu mwabamfumbwidile, anukisha kinyi kifībwe; (kianafundjile kwibedi mu twanda twi binyibiabia.

Bena Efisesa 6:22

n’e anenutumina kwanudi ha mwanda’nka uno’shi, bianudia kwiuka mwatudi bekele, biadia kwinusambisha namu mashimb’enu.

Bena Fidihai 2:1

Binyibiabia su kwi kusengībwa mu Kidisitu, su nkusambībwa kwa kifulo, su nkwi kihwano kia Kikudi-E-Selelee, su nkanya ka munda, sundusana lusa,

Bena Fidihai 3:8

Ee, binyibinyi nahwandjikisha bintu bioso bu bia bisumanga ha mwanda wa buwa būkishakishe bwa kiukilo kia Kidisitu Yesu Nfumami; ha mwanda we nakutshidilwa bintu bioso, nebihwandjikisha namu (anka) bu bitshianyi’shi, nkamone Kidisitu,

Bena Kolose 1:26

(nyi) kifibwe kibadi kifwame ku bihangilo na ku bihungilo, anka binobino kibafumbwilwa kwi balamunwe be ba kishila.

Bena Kolose 1:27

Kwabadi’bo nkubatokyel’eshimba di’Efile Mukulu kwiukisha’kio ki buheta bwa ntumbo bwa kino kifībwe munkatshi mwa Badjentaila, nyi Kidisitu mwi’nwe, lwinyi lutengyelo lwa ntumbo.

Bena Kolose 1:9

Nyi mpa uno mwanda atwe namu, kasha diadi’efuka diatubahushishe’o, tatulekā kwinutekyela na kukyeba’shi, nuushibwe na kiukilo kioso mukyebela eshimba die mu kalolo koso na lushingulo lwa Kikudi,

Bena Kolose 2:19

(E,) tamunyinge kwikala na (Kidisitu) mutwe (wa mbidi,) kwaudi mbidi yishima ku binyingwa na mishila, bihebwe bikushisho, na bilukibwe hamune, tabiend’ābikulanga na kukushibwa kw’Efile Mukulu.

Bena Kolose 3:14

Kunundu kwa bintu bioso (nwikale) na kifulo, akio nyi mwanyo wa kikumbesho ki’eshimba.

Bena Kolose 4:3

henyi hanutekye nwitutekyele namu’shi. Efile Mukulu etushitwile kibi kia kiakulwe, kia kwakula mwanda ufībwe wa Kidisitu, nyi mpa uno’u nyi mu nkano:

Bena Kolose 4:8

Winyi e nyi a nenutumina ha uno mwanda mwadia kwiukila mwikelo wenu, na kusenga mashimb’enu;

I Bena Tesalonika 1:5

Mwanda mukāndu-wibuwa wetu taubafikile kwanudi mu bishima bia bisumanga, ooo, anka mu bukome namu, bwinyi bwa Kikudi-E-Selelee, na mu kukankamikibwa kwi moo; mwanda anwiuku mwa tubadi bekele munkatshi mwenu ha mwanda wenu.

I Bena Tesalonika 3:2

biabia tubatumine Temote mukwetu mufubi mulungudi-Efile, mufubi n’etu mu mukāndu-wibuwa wa Kidisitu, kwinukankamisha, na kwinusenga (mashimba) ha mwanda wa lukuntino lwenu:

I Bena Tesalonika 5:14

Atwinulanga’nwe bakwetu’shi: Dimunai be na mpuha, nyishai be na mashimba abo fule, kankamishai basha butūba, nwikale na kwishinka ku mpala kwa (bantu) boso.

I Temote 3:16

Kinyi kifibwe kia bwin’Efile Mukulu nkikata kishī kia mpaka, ooo; E bafumbwilwe mu bia mbidi, babangishwe mu Kikudi-E-Selelee, bamwenwe na bamwikeilu, balungulwa munkatshi mwa milo (ya bantu) bakuminyibwe hanohansenga, batambwilwe mwiilu mu ntumbo.

Bena Bahebelu 10:22

tyifubule hehi n’eshimba dia binyibinyi, mu lushingulwilo lukumbane lwa lukuluhilo, na mashimb’etu ngamaminwe soo ku di’eshimba-dia-munda dibubi, na mbidi yetu (namu) ngitumpibwe na mema e selelee.

Bena Bahebelu 6:11

Atwinukyebe’shi: Muntu ese ānwe aleshe’kwa ku sasakata hamunenka kwa lushingulwilo lukumbanelwa lutengyelo mpaa na kunfudilo;

Ii Petelo 1:10

Binyibiabia bakwetu, nukishekishe kwilundjila kwenu’shi, lwitamino lwenu na kusangudibwa kwenu bikale binyiñamane hoo; mwanda su anukitshi yino myanda tanukakokola sunga mpa kinyi sunga mpa kinyi, ooo,

Ii Petelo 1:3

Bu bukome bwa bwifile bwe bubetuhele bintu bioso (binemene) ku muwa na ku bwin’Efile Mukulu, ha kiukidilo kia yawa betwitanyine ku ntumbo na buwa bukalabale,

Ii Petelo 3:18

Anka nukule mu bu-muntu na mu kiukilo kia Nfumwetu Muhashi Yesu Kidisitu. Kwadie (kwikale) ntumbo, binobino mpaa na kwikalaika. Amena.

I Yoano 3:19

Ha uno mwanda atwiuku’shi, twi ba ku biabinyibinyi, na kukanyisha mashimb’etu ku mpala kwe;

I Yoano 5:7

Mwanda kwi basatu abākula bu tumonyi mwiilu, kwi Yaiya, na winyi Mwanda, na Kikudi-E-Selelee, na (bano) benyi basatu be umune.