Bena Fidihai 4:8 - KILOMBENO KIHYA KIA NFUMWETU YESU KIDISITU

⁸ Kunfudilo, (anwe) bakwetu abia bintu bioso mbia binyibinyi bioso binemekwe kinemo, bioso bilulame, bioso biselelee, bioso bilumbulukye, bioso bitumbishibwe bibuwa, su kwi buwa bukambe, su kwi ntumbo, nangushenai yino myanda.

Bena Fidihai 4:8 ပူးပေါင်းရင်းမြစ်များ

Mateo 22:16

Biabia abatumine kwadi bana babo ba bukishi, na Bena Heloda hamune’shi: A Mulambukishi, atwiuku’shi, obe we a binyibinyi, olambukisha eshinda di’Efile-Mukulu mu biabinyibinyi; sunga totshinyi muntu: mwanda tobasukā mahala a bantu, ooo.

Mako 6:20

Mwanda Heloda batshinanga Yoano moo, bashingulwile’shi, E muntu mululame na muhatulukye-selelee, bamulame bibuwa; Heloda habahushanga eyi dia Yoano, eshimba die dibadi na katshima munda, bamuhushanga na muloo.

Luka 16:15

E bebalungwile’shi: Anwi nwi baba abebingisha bana bene ku mpala kwa bantu, anka Efile Mukulu euku mashimb’enu: mwanda kiakia akinemekwa munkatshi mwa bantu, ki butete ku meso kw’Efile Mukulu.

Luka 2:25

Talai, mu Yelusalema mubadi muntu eshina die bu Shimeone; e badi muntu mululame, n’eshimba dimune, badi atengyela kisengyelo kia Isalele: na Kikudi-E-Selelee badi hadi.

Luka 23:50

Talai, kubadi muntu atemunwa bu Yosefo, mwina kimu, badi muntu ebuwa, n’a kululama:

Yoano 7:18

E akwila na mwinyi, akimbi ntumbo ye na mwinyi: ank’e akimbi ntumbo ya bamutumine, e nga binyibinyi, te na yishīyilulame munda mwe.

Bikitshino 10:22

Abamwalulwile’shi: Konelusa, winyi mulami a basalai lukama, muntu mululame, na kutshin’Efile Mukulu, sha ntumbo yibuwa munkatshi mwa mwilo woso wa Bena Yuda, badimwinwe n’Efile Mukulu, kwi mwikeilu muhatulweakishila’shi, akutumine bakukufisha ku nshibo ye, na kukwilwakana biokākula.

Bikitshino 22:12

Biabia umune, Ananaisa, muntu mululame muyile mukanda-wa-bishila, badi na mukāndu-wibuwa munkatshi mwa Bena Yuda boso babadi babombele mwanka.

Bikitshino 6:3

Biabia, anwe bakwetu kimbai munkatshi mwenu bana balume musambobidi, basha ntumbo yinemekwe, baushwe na Kikudi-E-Selelee na binangu, batudia kutula ha luno lukalo.

Bena Loma 13:13

Tutembei na bilombene mwitata; kushī mu kwitatula na kukolwakolwa, sunga mu bia ha lusala lwinyi, sunga mu bia bukitekite, sunga na bia kwielesbena mpaka na kiutu.

Bena Loma 13:3

Mwanda abamunu bibundji ta be n’abia bia kukwatshisha moo kwi sha bikitshino bibuwa, ooo, anka kwi’wa na bi bubi. Okyebe’shi, nyikale shī na moo kwi bamatalwa su? Kita bia bilumbulukye na ntumbo yinyi okatumbishwa.

Bena Loma 14:18

Mwanda awa afubila Kidisitu ya buhika mu bino bioso atosh’Efile-Mukulu kwishimba, na ku bantu kwinyi e bakuminwa.

Bena Loma 2:29

Anka mwina Yuda na mwinyi nyi anka a munda; na kisale namu nyi kwishimba mu muwa, kushī ku mukanda anka ao, ooo; ntumbo ye yishī ya ku bantu, ooo, ngia kw’Efile-Mukulu.

I Bena Kodinda 4:5

Binyibiabia tanutshibanga (kimu) sunga nkihela kwibedi kwa kihindji kia Nfumwetu takiafikile, e akafisha kwitata myanda yifwame ya mufito wi fututu, na kufumbula’nyi yifībwe ya mashimba; henyihaha muntu he muntu he akekala na ntumbo ye kw’Efile Mukulu.

Ii Bena Kodinda 13:7

Anka natekā kw’Efile Mukulu’shi, tanwakita bibubi, ta mwanda w’atwe kumweka bu bakuminyibwe, ankā’shi, nukite yibuwa, sunga twi bu babambakane.

Ii Bena Kodinda 6:8

Ku kinemo na ku shī kinemo, ku ntumbo yibi na ku ntumbo yibuwa; bu badimbi ba madimi, biosobi twi babinyibinyi;

Ii Bena Kodinda 8:18

N’atwe tubatumu n’e mukwetu, winyi mutumbishibwa mu mukāndu-wi-buwa w’Efile mosomoso mu bikoñeno bi’Efile.

Ii Bena Kodinda 8:21

kwikala namu na lwishinko ku bintu bilumbulukye, kushi anka ku meso kwa Nfumwetu, ooo, anka na ku meso kwa bantu namu.

Bena Ngalatea 5:22

Ankabikuba bia Kikudi-E-Selelee nyi nkifulo, muloo, kufukama, kahuñanyi k’eshimba, kasendeleshi, buwa, lukuluhilo,

Bena Efisesa 4:25

Binyibiabia nulekye madimi, nwisambe biabinyibinyi ese muntu kwi mwin’e; mwanda’twe twi bia ku mbidi bi’atwe bana mwinyi.

Bena Efisesa 5:9

mwanda kikuba ki’etata nyi mu myanda yibuwa, na kululama kw’eshimba na (mu biabinyibinyi,)

Bena Efisesa 6:14

Binyibiabia imanai na bifuka bienu bianyibwe nshiho ya biabinyibinyi, na ha kuhwa kufwala ngabo ya kulama kiadi ya kululama kw’eshimba;

Bena Fidihai 3:1

Kunfudilo, (anwe) bakwetu sehelai mwi Nfumwetu. Kufunda myanda yihamune kwanudi, kwandji’mi tayi bushito binyibinyi, anka kwanudi ngikumbane.

Bena Kolose 4:5

Tambukai mu binangu kwabadi’bo be hasha, bia kumona mw’a kwikēla mu bihwa.

I Bena Tesalonika 4:12

eshi, nutambukile bihwandjikile kwi’ba be hasha’shi, bia nushyakulobesha kintu.

I Temote 2:2

Ha mwanda wa banfumu na ha boso be na matalwa; mwatudia kwikela na muwa wetu nyaa na kufukama mu bwin’Efile Mukulu boso na kinemo.

I Temote 3:11

Anka biabia namu bakashi (bekale) na kinemo bashī na twihu, bampila, be kishima mu bintu bioso.

I Temote 3:4

A kutonta ba ku nshibo ye bibuwa, na bana be mu bukokyeshi bwe na kinemo.

I Temote 4:12

Tokuminanga muntu kusābula bunsongwalume bobe, ooo; anka wekale kihwandjikisho kia bakumine mu mīsambo na mu nyikashi, mu kifulo, mu lukuluhilo, (na) mu buselelee.

I Temote 5:10

mutumbishibwe ku bikitshino bilumbulukye; muhwe kukusha bana, na kulela benyi, na kutumpa ngwa ya balumunwe-bakishila, na kukwashia basha bishiotshi na kusasakata mu mifubo yoso yilumbulukye.

I Temote 5:2

Bakashi bakulu namu (anka) bu banyin’obe, bansongwakashi namu (anka) bu bankashān’obe na buselelee bw’eshimba.

Tetusa 1:8

anka ekale musehedi a kulela benyi; sha kifulo kia balumbulukye, mpila, mululame, muhatulwe-akishila, mutontshi a ku mbidi,

Tetusa 2:14

Betwihanyine e na mwinyi mwadia kwitukūdila ku bubi boso, na kutosha (atwe) bantu tatudi b’e kwadi e na mwinyi, ba kinsukunsuku kia bikitshino bilumbulukye.

Tetusa 2:2

eshi, bana-balume bakulu bekale bampila, basha mudingo, basha lwitongo, mulombane mu lukumino, mu kifulo, na mu lwishinko.

Tetusa 2:7

Mu bintu bioso weleshe bu kiliwandjikisho kia bikitshino bilumbulukye; mu lulambukisho (mwikale) mushī mufundakane, wedingye;

Tetusa 3:14

na (bantu) betu namu bāmbule mwa kwikela na bikitshino bilumbulukye mwa kumwena bioso biabadi n’abio lukalo, tala bakekala bu ba bisumanga.

Bena Bahebelu 11:2

Mwanda nyi nku lwinyi’lo kubatemwinwe bakulu (ba-kala) kitemwino.

Bena Bahebelu 13:18

Nwitutekelei, mwanda twibasumine’shi, twi n’eshimbadia munda dibuwa, mu bintu bioso twikale n’eshimba dia mwi yile nyikashi yetu biya.

Yakoba 1:27

Bwin’Efile bwi selelee na bushī kushūlwa kishila ku mpala kw’Efile Mukulu Yaiya nyi mbuno: Kutembela bana-ba-nshiye na bakashi-ba-bafwe mu bishiotshi biabo na kwilama e na mwinyi kushī n’ebashi dia bubi dia hanohansenga.

Yakoba 3:17

Anka binangu bitukye mwiilu kia kwibedi nyi nkutoka selelee, ku mongo nkui’ukama, kasendeleshi, abibofula ha kusendelwa, mbiule na lusa na bikuba bilumbulukye, bishī na mpaka, na bunsesa.

I Petelo 1:22

Anka hanubatosha mashimb’enu mu kukokyela kwa biabinyibinyi, ku Kikudi E-Selelee mpaa na ku kifulo kishī na bulamalama kia kwi bakwenu, mwitomeshenei kifulo anwe bana bene n’eshimba di selelee dia kibobo.

I Petelo 2:12

nyikashi yenu yikale yilombashene munkatshi mwa Badjentaila’shi, sunga abenwakulā bu bakitshi ba bibubi, (biabla) ha mwanda wa bikitshino bienu bibuwa biabamono, abakatumbish’Efile Mukulu mwifuku dia (kutengyela kwa) kuhosodibwa.

I Petelo 4:8

Anka kukila myanda yoso nwikale na kifulo kia kunyiñamana munkatshi mwa’nwe bana bene; mwanda kifulo akibwikila mituto na mituto ya milwisho.

Ii Petelo 3:1

A batomibwe kifulo, uno nyi mukanda wa kabidi unenufundjila binobino mu yoso yibidi nanyisha binangu bienu bi selelee ha kwinutentekyesha’shi:

I Yoano 3:18

Bana bakinga bande batomibwe kifulo, tatwikalanga na kifulo kia kwīyi, sunga nkia kwidimi, ooo, anka mu bikitshino na biabinyibinyi.

I Yoano 3:3

Ese (muntu) e na luno lukuluhilo mwadi etosha na mwinyi, bu mwadi mutokyel’e.

I Yoano 4:1

Anwe batomibwe kifulo, tanukuminanga bikudi bioso, anka tompai bikudi su mbia kw’Efile Mukulu; mwanda batemuki ba madimi bebungi mbahalakane hanohansenga.