Bena Fidihai 4:1 - KILOMBENO KIHYA KIA NFUMWETU YESU KIDISITU

¹ Binyibiabia anwe bakwetu bakifulo n’abadibibwa, muloo wande, na kilongo kiande kia mōbeshi, nukankamanei mu Nfumwetu anwe bakifulo.

Bena Fidihai 4:1 ပူးပေါင်းရင်းမြစ်များ

Mateo 10:22

Anukekala bashikibwe kwi bantu boso ha mwanda w’eshina diande, anka e akakankamana mpaa na kunfudilo akahashibwa.

Yoano 8:31

Biabia Yesu bambile ba-Yudea babamukuminyine’shi: Su anushimata mu mwanda wande, nwi bana-bande-ba-bukishi binyibinyi.

Bikitshino 11:23

E habafikile kwanka na habamwene bumuntu bw’Efile Mukulu basehelele; bebalangile boso’shi, balamate kwi Nfumwetu na kufuna mu mashimb’abo.

Bikitshino 14:22

Bakwete kukankamisha mashimba a balondji b’Efile, na kwibalanga’shi: Nunyingamanei mu lukumino, mwanda nkihwandjikile ’twe kumona misāibulo yibungi ha kutwela mu bufumu bw’Efile Mukulu.

Bikitshino 2:42

Abo abalamete biya mu lulambukisho lwa batumibwa, na mu kihwano, na mu kutshimuna kwa mampa, na mu nteko y’Efile Mukulu.

Bena Loma 2:7

Kwi baba be na kwishtnka mu mufwaka mu bikitshino bibuwa abakimbi ntumbo na kinemo, na kukutwa lufu, abakahebwa mawa wa ikala-ika;

I Bena Kodinda 15:58

Biabia, anwe bakwetu bakuminyibwe, nwikale bakankamane, kushī kusanasana, nukishekishe bikata bukyelebukyele mu mufubo wa Nfumwetu, mwanda anwiuku’shi, kutuhwita kwa mifubo yenu tankwa bisumanga mu Nfumwetu, ooo.

I Bena Kodinda 16:13

Nudimukyei, nushimatei mu lukumino, nwikale bu bana-balume, nukankamanei.

Ii Bena Kodinda 1:14

anka bu mwanubetukuminyina kihindji’shi, atwe twi ntumbo yenu anka ha mune namu, anwe nwi yetu (ntumbo) mwifuku dia Nfumwetu Yesu.

Bena Ngalatea 5:1

Binyibiabia twimane bakankamane mu buluñantu bwatwibahosolwe kwi Kidisitu; tatwanyibwanga dimonyi ku kikūmbo kia buhika.

Bena Fidihai 1:27

Anka mwikelo weno wikale ulombane mu mukāndu wibuwa wa Kidisitu’shi, sunga nankafika kwinumona, sunga nkwikala shī kwanka nenu, nankahusha bia nyikashi yenu’shi, nwibanyiñamane n’eshimba dimune, na kikudi kimune, na kwinyishena hamune ha mwanda wa lukumino lwa mukāndu-wibuwa w’Efile Mukulu;

Bena Fidihai 1:8

Mwanda Efile Mukulu nyi nkamonyi kande, nyi mwa nyinudīla’nwe boso bikata, n’eshimba dia lusa lwa Yesu Kidisitu.

Bena Fidihai 2:16

(na) kutambika mwanda wa muwa, ami’shi, ’mone biandjia kusehela mwifuku dia Kidisitu’shi, nkimukame lubilo lwa bisumanga, sunga nkutuhwita mifubo ya bisumanga.

Bena Fidihai 2:26

Mwanda e badi enukyebela bikata, badi n’eshimba dibushito ha mwanda nubahushishe’shi, bakumbile busungu.

Bena Kolose 4:12

Ehafalasa a kwa kwenu, e nyi mpika a Kidisitu e nwimuna, mafuku oso atuhwita bimoo kwinutekyela’shi, nwimane bakumbane mu bia bikyebe’shimba di’Efile Mukulu.

I Bena Tesalonika 3:13

Ha mwanda wa kwinukankamisha mashimb’enu (ekala) ashī atohekwe mu kulamunwa-kukishila ku mpala kw’Efile Mukulu, winyi Yaiya, hakufika kwa Nfumwetu Yesu hamune na boso be balamunwe-bakishila.

Ii Bena Tesalonika 2:15

Binyibiabia bakwetu nushimate hoo, nukamine ndaa ku myanda ya mu kiftilo yanubalambukishwe, sunga nku mayi, sunga nku mukanda wetu.

Ii Temote 2:1

Binyibiabia obe mwan’ande, wekale munyingye mu bumuntu bwi mu Kidisitu Yesu.

Bena Bahebelu 10:23

Tulamatei anka hoo ku kwisokola kwa lukumino lwetu lushī na kusuasua: mwanda, e betulayile nga kishima.

Bena Bahebelu 3:14

Mwanda’twe tatudi bebungile na Kidisitu, su atulamata ku mbangilo ya kwiukidila kwetu hoo na ku nfudilo:

Bena Bahebelu 4:14

A binyibiabia biosobi twi na tshiite-mwakwidi-mukata, bahwile kutwela mwiilu, nyi Yesu Mwan’Efile-Mukulu, tushimate hoo lukumino lwetu.

Ii Petelo 3:17

Binyibiabia anwe batomibwe kifulo, ha kwiuka yino myanda kwibedi, dimukai, tala’nwe (namu) ha kōngolwa na kuluba kwa bebubi, anukahono ku kushimata kwenu ku na mwinyi.