Bena Fidihai 3:20 - KILOMBENO KIHYA KIA NFUMWETU YESU KIDISITU

²⁰ Mwanda bwina-kibalo bwetu bwi mwiilu; nyi kwatwindjilā winyi Muhashi, Nfumwetu Yesu Kidisitu.

Bena Fidihai 3:20 ပူးပေါင်းရင်းမြစ်များ

Mateo 19:21

Yesu bamulungwile’shi: S’okyebe kwikala mulombashwe mpaa, nd’okahane bioso biodi n’bio, okebihe balanda, biabia biokikamona bineme mwiilu; ofikye, ondonde.

Luka 12:21

Anka biabia yawa ēbikila bie bineme, shī na buheta namu kw’Efile Mukulu e anka biabia.

Luka 14:14

Biabia obe okekala na mwabi, mwanda’bo tabe na bia kukwalwisha: mwanda okalwishwa ha kusanguka kwa balulameba mashimba.

Bikitshino 1:11

Abo namu abakwile’shi: Anwe bana-balume ba ku Ngadilea, a nkinyi kianubaimena kubandjila mwiilu? Uno Yesu winyi henwiboshwa mwiilu, anka mwanubamumwēna kwete kwenda mwiilu, nyi mwakafikila.

I Bena Kodinda 1:7

biabia tanukakutwa mu kiabuntu sunga nkimune; hanuhianutengyela kufumbuka kwa Nfumwetu Yesu Kidisitu:

I Bena Kodinda 15:48

Anka mwikele ba hanohansenga, mbāhanohansenga, na bu mwikele ba mwiilu biabia namu mba mwiilu.

Ii Bena Kodinda 4:18

Hatushyatutala ku bintu biabimonwa; mwanda bintu abimonwa mbia binobino, anka bintu bishyabimonwa mbia ikala-ika.

Ii Bena Kodinda 5:8

Ami’shi, twibakankamane, twi na kukumina namu he kwilekena bia ku mbidi, na kwikala na Nfumwetu.

Bena Ngalatea 4:26

Anka Yelusalema a mwiilu nyi muluñantu, e nyinyin’etu ātwe boso.

Bena Efisesa 2:19

Biabia tanukī bu benyi na; bana ba maūmbo, ooo, anka tanudi banahabo na bahatulwebakishila, na ba mu luhoho lw’Efile Mukulu.

Bena Efisesa 2:6

betubushishe hamune na kwitushadika hamune n’e amwa mwiilu mu Kidisitu Yesu’shi:

Bena Fidihai 1:10

nukatompe bintu bikilekile buwa’shi, nwikale ba kishima, na bashī na mwanda mpaa na kwifuku dia Kidisitu.

Bena Fidihai 1:27

Anka mwikelo weno wikale ulombane mu mukāndu wibuwa wa Kidisitu’shi, sunga nankafika kwinumona, sunga nkwikala shī kwanka nenu, nankahusha bia nyikashi yenu’shi, nwibanyiñamane n’eshimba dimune, na kikudi kimune, na kwinyishena hamune ha mwanda wa lukumino lwa mukāndu-wibuwa w’Efile Mukulu;

Bena Kolose 1:5

ha mwanda wa lutengyelo lubenubikilwe mwiilu, lwanubahushishe kalā mu mwanda wa biabinyibinyi bia mukāndu-wibuwa;

I Bena Tesalonika 1:10

na kutengyela (kufika) kwa Mwan’e mwiilu, winyi basangukile ku lufu, (nyi) Yesu betulamunwine ku bukyelo bwanakafikye.

I Bena Tesalonika 4:16

Mwanda Nfumwetu na mwinyi akayiki mwiilu na musase, n’eyi dia mwikeilu mukile ben’e bukata, na mōno wa mpungi y’Efile Mukulu: na bafwe ba mu Kidisitu abakasanguka kwibedi,

Ii Temote 4:8

biabiakubambikilwe kilongo kia kululama, kiankahebwa kwi Nfumwami nsushi mululame, ku dia di’efuku; tañanka kwandji’mi buhenka, ooo, anka kwi’bo boso abasehela kufumbuka kwe.

Tetusa 2:13

na kutala kwa lwinyi lutengyelo lwa mwabi, na lufumbuko lwa ntumbo lw’Efile Mukulu etu mukata, Muhashi etu Yesu Kidisitu.

Bena Bahebelu 12:22

Anka’nwe nubafiki ku ngulu ya Siona, ku kibalo ki’Efile Mukulu a muwa, ta Yelusalema a mwiilu, na ku bibumbu na bibumbu bia bamwikeilu,

Bena Bahebelu 9:28

Biabia Kidisitu namu balambwilwe mususa umune mu kutwala milwisho ya bebungi; na kwi’bo abamutengyela, anakamwekye mususa wa kabidi kushī milwisho mpaa na ku kihandjilo.

Kibafumulwe 1:7

Talangai, ngiwafiki mu makumbi; meso oso akamumono, na benyi abamutahile; bisaka bioso bia hanohansenga abikadidi kitumu ha mwanda we. Ee, anka biabia Amena.