Bena Fidihai 2:2 - KILOMBENO KIHYA KIA NFUMWETU YESU KIDISITU

² (biabia) nukumbashe muloo wande’shi, nunangushene kintu ki hamune, na kifulo ki hamune (mwakwikēla) balombashene hamune, na nangunanga yimune.

Bena Fidihai 2:2 ပူးပေါင်းရင်းမြစ်များ

Yoano 3:29

Yawa e na muba mbwe nyi mubambi; ankakūku a mubambiaimana (hadi) na kumuhusha asehelā bikata, mwanda w’eyi dia mubambi: anka biabia namu kusangala kwande kubakumbashwa.

Bikitshino 1:14

Bano boso abayididile n’eshimba dimune mu luteko na kwiyaiya, na bana-bakashi, na Madiya nyin’a Yesu, na bakwabo na Yesu namu.

Bikitshino 2:1

Biabia habafikile efuku dia Mpentekoshita hanka, boso bwabo abadi n’eshimba dimune mu kihindji kimune.

Bikitshino 2:46

Abo abadi bekale n’eshimba dimune mu ntempelo kwifuku n’efuku, na kutshimuna dimpa ku mashibo ku mashibo, abādi bidibwa biabo na kusehela n’eshimba dimune.

Bikitshino 5:12

Na ku māsa a batumibwa kubakitshinwe bitundwilo, na bia kukanya bibungi munkatshi mwa bantu, (n’abo boso abadi n’eshimba dimune mu kishikamino kia Solomone.

Bena Loma 12:16

Nwikale n’eshimba dimune di au nyi bi diau anwe boso. Tanutang’eshimba mu bia kwitumbika, anka nutule mashimba kwi bi shī bia ntumbo. Tanwikalanga na binangu bia mwinwe bana bene.

I Bena Kodinda 1:10

Binyibiabia nenusendela bakwetu mwishina dia Nfumwetu Yesu Kidisitu, eshi; anwe boso nwisambe mwanda umune, tanwikalanga na kwilamuña munkatshi mwenu, anka nwikale balombanyinyine hamune mwishimba dimune na mu binangu bimune.

Ii Bena Kodinda 13:11

Kunfudilo bakwetu, nenuladikai, nwikale bakumbane, nusengibwe bibuwa, nwikale n’eshimba dimune, nubombele mu kufukama; biabia Efile Mukulu a kifulo na kufukama akekala n’enu.

Ii Bena Kodinda 2:3

Nafundjile uno kwanudi, tala hankafiki, nankafitshishwa eshimba kwi baba bahwandjikile kunsangulusha, na ha mwanda wa kwinukuluhila’nwe boso’shi, kusanguluka kwande nkw’anwe boso.

Ii Bena Kodinda 7:7

Tankwa’nkā’ko kufika kwe, ooo, anka mwanda wa kusengibwa kwabasengyelwe mwanudi, habetulungwile mwanwitukyebela bikata, na lukalo lwenu, n’eshimba dienu dikibobo kwandji’mi’shi, nakilekile kusehela.

Bena Fidihai 1:4

Mu nteko yande yoso mafuku oso, nenutekyela boso n’eshimba dia muloo,

Bena Fidihai 2:16

(na) kutambika mwanda wa muwa, ami’shi, ’mone biandjia kusehela mwifuku dia Kidisitu’shi, nkimukame lubilo lwa bisumanga, sunga nkutuhwita mifubo ya bisumanga.

Bena Fidihai 2:20

Mwanda nki na mungi muntu e n’eshimba hamunenka bu die, diakukabambasha nyikashi yenu binyibinyi.

Bena Fidihai 4:2

Nasendela Eudiasa na Shyntyike namu hamune, ami’shi, bekale n’eshimba hamune mwi Nfumwetu.

Bena Kolose 2:5

Mwanda sunga nki munkatshi mwenu mu bia mbidi, anka nyi n’enu mu kikudi, nkwete kusehela na kutala nyikashi yenu, na kunyiñamana kwa lukumino lwenu mu Kidisitu.

Ii Bena Tesalonika 2:13

Anka’twe bakwetu bafudibwe kifulo mu Nfumwetu, watudi n’au ngwa kutumbula Efile Mukulu mafuku oso ha mwanda w’anwe; mwanda Efile Mukulu benusangwile ku mbangilo ku kihandjilo, mu buhatulwe-bwi selelee bwa Kikudi-E-Selelee, na (mu) lukumino lwa biabinyibinyi;

Ii Temote 1:4

Nadidi bikata’mi shi, nkumone na meso; natentekyesha mpolo yobe mwandjia kwikele na muloo;

Filemone 1:20

Ee, (obe) mukwetu onkumine’mi kumwena k’odi mu Nfumwetu: sangash’eshimba diande mu Kidisitu.

Ii Yoano 1:4

Nasehela bikata binahete (bamo) ba bana bobe abatambuka mu biabinyibinyi, anka muwatubambudile mulangilo kwi Yaiya.

Iii Yoano 1:4

Nki na muloo ukile uno he kuhusha’shi, bana bande abatambukila mu biabinyibinyi.