Bena Fidihai 2:17 - KILOMBENO KIHYA KIA NFUMWETU YESU KIDISITU

¹⁷ Ee, su nankalambulwa ha kitahilo na ha mifubo ya lukumino lwenu, (biabia) nasehela, na kusehela’nyi n’anwe boso,

Bena Fidihai 2:17 ပူးပေါင်းရင်းမြစ်များ

Bikitshino 20:24

Anka takwi kintu kimune kia bino bintu akinsanyisha’mi munda, sunga namu nkuhwandjikisha muwa wande bu kintu kineme kwimi, mwandjia kuhudisha luendo lwande lwa muwa, na kusehela na mufubo wanatambwile kwi Nfumwetu Yesu, nyi nkulungula mukāndu-wibuwa wa bumuntu bw’Efile Mukulu.

Bikitshino 21:13

Henyihaha Paulu bālulwile’shi: A nkinyi kianudidi na kunsasush’eshimba diande? Mwanda nki mwimēne kwanyibwa ank’ako, anka namu kumona’nyi lufu ku Yelusalema ha mwanda w’eshina dia Nfumwetu Yesu.

Bena Loma 12:1

Binyibiabia anwe bakwetu nenusendela ha lusa lw’Efile-Mukulu’shi, nulubule mbidi yenu bu mulambu autala, uhatulukye, autosh’eshimba di’Efile-Mukulu, wawa nyi mwanda awiuku mashimb’enu kukita.

Bena Loma 15:16

Eshi, nyikale mufubi a Kidisitu Yesu ku Mīlo, kufubila mukāndu-wibuwa w’Efile-Mkulu’shi; milambu ya Mīlo yikale yikuminwe, ha kulamunwa kikishila ku Kikudi-E-Selele.

Ii Bena Kodinda 12:15

Nankasehela bikata kwishidisha na kushidishwa ha mwanda wa bikudi bienu; su nyi n’enu kifulo kikata, ami nyi nfudibwe kifulo kihela.

Ii Bena Kodinda 4:12

Binyibiabia lufu alufubā munda mwetu, anka mwanudi’nwe, muwa.

Ii Bena Kodinda 6:10

bu abenyengā mwishimba, biosobi twi na kusehela bukyelebukyele; bu balanda, biosobi atuhetesha bebungi buheta, bu bashī na kintu, biosobi twi basha bintu bioso.

Ii Bena Kodinda 7:4

Nkomantshima ya mīsambo yande ngikata kwanudi, na kwinutumbisha kwande nkukata ha mwanda wenu. Naushibwa na kusengibwa, nyi na kusehela kukilekile mu malwa etu oso.

Bena Fidihai 1:20

mulombene lutengyelo lwande lunyiñamane, na lukuluhilo lwande’shi, sunga mu kahelahela nankekala na būfu, anka’shi, mwishimba moso, anka mwandji mwikele mafuku oso, na bino mpamune, Kidisitu atumbishibwe mu mbidi yande, su mpa muwa, su mpa lufu.

Bena Fidihai 2:18

Nyi mpa winyi uno mwanda namu anusehela, na kusehela n’ami.

Bena Fidihai 2:30

Ha mwanda wa mufubo wa Kidisitu badi hehi na lufu, tamutale ku muwa we, mwanda wa kukumbasha lulobelo lwa mufubo wenu kwandji’mi.

Bena Fidihai 4:18

Anka’mi nemukumbashe bioso mpaa na kufwima; nemwikute binatambwile kwi Ehafolodetusa bintu bibafikile kwanudi, bī’shiko bi mahembwe alumbulukye, bla kukuhula mashimba bikuminyibwa (bimoo,) biakusehesh’eshimba di’Efile Mukulu.

Bena Kolose 1:24

Binobino nasehelā mu bia kufwambuka biande ha mwande wenu, na kunkumbesha biandji mulobeshe bia malwa a Kidisitu mu mbidi yande ha mwanda wa mbidi ye, yinyī’o nyi kikoñeno ki ’Efile.

I Bena Tesalonika 2:8

nyi henyi tubenwabidile na kifulo, tubakuminyine kwinuha ta ñanka mukāndu-wibuwa ank’ao, anka muwa wetu namu, mwanda nubadi bālulukye bakuminyibwe n’atwe bikata,

Ii Temote 4:6

Mwand’ami nyi mwimene kuhongolwa bu kitahilo, na kihindji kiande kia kufiluka kibafiki.

I Petelo 2:5

Anwe namu, bu mabwe a muwa nwibebakwe tanudi nshibo ya bia kikudi, nwi mu butshiite-bwakwidi, bwa kulambula bitahilo bia biakikudi, abikuminyibwa kw’Efile Mukulu ha Yesu Kidisitu.

I Yoano 3:16

Ha uno mwanda nyi hatushingula kifulo, mwand’e betutudile muwa we; watudi n’ao namu ngwa kutula miuwa yetu ha mwanda wa bakwetu.