Bena Fidihai 1:20 - KILOMBENO KIHYA KIA NFUMWETU YESU KIDISITU

²⁰ mulombene lutengyelo lwande lunyiñamane, na lukuluhilo lwande’shi, sunga mu kahelahela nankekala na būfu, anka’shi, mwishimba moso, anka mwandji mwikele mafuku oso, na bino mpamune, Kidisitu atumbishibwe mu mbidi yande, su mpa muwa, su mpa lufu.

Bena Fidihai 1:20 ပူးပေါင်းရင်းမြစ်များ

Yoano 21:19

Bakwile bino, mwanda wa kuhatula kihaso kia lufu kiakatumbish’Efile Mukulu n’akio. Habahwile kwakula bino, bamulungwile’shi; Ndonde’mi.

Bikitshino 20:24

Anka takwi kintu kimune kia bino bintu akinsanyisha’mi munda, sunga namu nkuhwandjikisha muwa wande bu kintu kineme kwimi, mwandjia kuhudisha luendo lwande lwa muwa, na kusehela na mufubo wanatambwile kwi Nfumwetu Yesu, nyi nkulungula mukāndu-wibuwa wa bumuntu bw’Efile Mukulu.

Bikitshino 21:13

Henyihaha Paulu bālulwile’shi: A nkinyi kianudidi na kunsasush’eshimba diande? Mwanda nki mwimēne kwanyibwa ank’ako, anka namu kumona’nyi lufu ku Yelusalema ha mwanda w’eshina dia Nfumwetu Yesu.

Bikitshino 4:31

Henyihaha habādi abatekye Efile Mukula, amwa mwābadi bakumbene hamune mubasushile, boso bwabo abadi baule ndā na Kikudi-E-Sele-lee, abakwile mwanda w’Efile Mukulu na kunyinga kushī na moo.

Bena Loma 12:1

Binyibiabia anwe bakwetu nenusendela ha lusa lw’Efile-Mukulu’shi, nulubule mbidi yenu bu mulambu autala, uhatulukye, autosh’eshimba di’Efile-Mukulu, wawa nyi mwanda awiuku mashimb’enu kukita.

Bena Loma 5:5

Lukuluhilo namu ta lufisha bufu ooo; mwanda wa kifulo ki’Efile-Mukulu kibahongolwa ’mashimb’etu kwi Kikudi-E-Selelee kibetuhelwe.

Bena Loma 6:13

Sunga nkuhana biambidi yenu ku milwisho bu bia ngoshi bishī yilulame; anka nwihane anwe bana bene kw’Ifile, hamune bu abatala babukye ku lufu, na biambidi yenu bu biangoshi bilulame kw’ifile.

Bena Loma 6:19

Nākula bu-muntu mwanda wa lotolo lwa mbidi yenu; anka mwanubehanyine biambidi bienu tambihika biabio binyi bia ku biko bi’eshimba, na bia kushulashula kwa bishila mpaa na ku bia kushulashula kwa bishila; hamunenka na bino binyi, hanai biambidi bienu bu bihika bia kululama kwa kilamunwe, kikishila.

Bena Loma 8:19

Bintu bioso bibahangilwe bikwete kutengyela, abitala swee akukafumbukila bana b’Efile.

Bena Loma 9:33

Mwakibafundjile’shi: Talangai, natulu muno mu Siona ebwe dia kwibakokosha na lubwebwe lwa kwi bakokosha, ank’awa akukumina kwadi e ta kwatshishwa būfu, ooo.

I Bena Kodinda 15:31

Nasuminā’nwe bakwetu ha mwanda wa kwitumbisha kwenu kwandji n’ako mu Kidisitu Yesu Nfumwetu’shi, ami nafwiyā kwifuku n’efuku.

I Bena Kodinda 6:20

Mwand’anwe nwibaudibwe na mulo (ukata): binyibiabia nutumbishe Efile Mukulu ntumbo mu mbidi yenu, na mu kikudi kienu, abio mbi’Efile Mukulu.

I Bena Kodinda 7:34

Kwilamuña kwi kwanka n’e kwi mukashi, n’e kamame. Mwana mukashi shī mubambibwe, e alamata ku bintu bia Nfumwetu, biadia kwikala mu hatulwe-a-kishila mu mbadi na kikudi; anka yawa mubambibwe alamata ku bintu bia hanohansenga, mwadia kusangesha mulunda e.

Ii Bena Kodinda 10:8

Sunga’mi nadi akukamba kwilungula mwanda wa matalwa etu abetuhēle Nfumwetu mwa kwiēla mwiilu, kushī mwanda wa kwinushindula, (biabia) tankakwatshishwa būfu, ooo.

Ii Bena Kodinda 3:12

Biabia hatudi na lutengyelo lwi bino, twi na kushimikishena kwa mīsambo.

Ii Bena Kodinda 4:10

Bukyelebukyele atutwala kwihayibwa kwa Yesu mu mbidi, eshi, muwa wa Yesu namu ufumbulwe mu mbidi mwetu.

Ii Bena Kodinda 5:15

N’E bafwidile boso’shi, baba be na muwa tabakekadidila n’au kwi’bo ba na bene, ooo, anka kwi yawa bebafwidīle, basangukile dimonyi (ku lufu).

Ii Bena Kodinda 7:14

Mwanda su netumbishe kwadi e, su mpa kinyi su mpa kinyi, nki mukwatshishibwe būfu ooo; anka mwatubesambile n’enu mu bintu bioso bia binyibinyi, anka biabia nyi kwilungula kwetu, kwatubelungwile ku mpala kwa Titusa kubamwekyelelwe kwa biabinyibinyi.

Ii Bena Kodinda 7:4

Nkomantshima ya mīsambo yande ngikata kwanudi, na kwinutumbisha kwande nkukata ha mwanda wenu. Naushibwa na kusengibwa, nyi na kusehela kukilekile mu malwa etu oso.

Bena Fidihai 1:14

Na bakwetu bebungi ba mwi Nfumwetu, ha kukankamana ha mwanda wa nkano yande, abo abakishakisha kwakula Mwanda w’Efile kushī kutshina.

Bena Fidihai 2:17

Ee, su nankalambulwa ha kitahilo na ha mifubo ya lukumino lwenu, (biabia) nasehela, na kusehela’nyi n’anwe boso,

Bena Kolose 1:24

Binobino nasehelā mu bia kufwambuka biande ha mwande wenu, na kunkumbesha biandji mulobeshe bia malwa a Kidisitu mu mbidi yande ha mwanda wa mbidi ye, yinyī’o nyi kikoñeno ki ’Efile.

I Bena Tesalonika 5:23

N’Efile Mukulu a kufukama e na mwinyi enulamuna selelee bushima; na kikudi kienu, n’eshimba dienu na mbidi yenu bikale bibambībwe bishima bishyabitohekwa mpaa na ku kufika kwa Nfumwetu Yesu Kidisitu.

I Petelo 4:16

anka su mwina Kidisitu (akamono malwa) tekalanga na būfu, ooo, atumbishe Efile Mukulu ha uno mwanda.

I Yoano 2:28

Biabia binobino bana bakinga batomibwe kifulo, nwikadidile mwadie’shi, hakantweka twikale na kukankamana, na kushi kwikala na būfu ku mpala kwe ha kufika kwe.