Bena Efisesa 2:3 - KILOMBENO KIHYA KIA NFUMWETU YESU KIDISITU

³ nyi mwatubādi bekele namu, atwe boso kwibedi mu nyikashi ya ngabiābi yetu, nubadi anulondo mwamukyebelā bia mbidi, na bia binangu; tubadi ku butandjilo namu bana ba nsungu, hamune na bangi.

Bena Efisesa 2:3 ပူးပေါင်းရင်းမြစ်များ

Mako 4:19

Anka binango bia myanda bia hanohansenga, na kudimbwa kwa mono, na kwabila kwa bingi bintu abitwela mwanka, abifinena mu uno mwanda, nyi haubakutshilwe kuha bikuba.

Yoano 1:13

Kwi’bo bashī batandjibwe ku mase, sunga nkwishimba dia ku mbidi, sunga nkwishimba dia muntu, ñanka kw’Efile Mukulu.

Yoano 8:44

Anwe nwi ba diobola shyenu, na bia meso-atone a shyenu bwibatē mashimba enu kukita. Kumbangilo e badi mutahanyi, tamwikele mu biabinyibinyi, mwanda te na binyibinyi munda mwe. Hakula mwanda wa madimi, ākula mwanda wena mwinyi: mwandae mwina madimi, n’enshyao.

Bikitshino 14:16

E, mu bihwa bibakidi, bakuminyine milo yoso kutambuka mu mashinda akyebe mashimba’abo.

Bena Loma 1:24

Binyibiabia Efile-Mukulu bebalekyelele mu kushūla kwa bishila, tabekitshi ku mbidi yabo abo bana bene bia būfu.

Bena Loma 11:30

Mwand’anwe kalaa anka mwanubadi tanwibakokyel’Efile-Mukulu, anka bino nubafwilwa lusa ha mwanda wa bukolwa bwabo:

Bena Loma 13:14

Anka fwalai Nfumwetu Yesu Kidisitu, tanukebikilanga anwe bana bene bia kumbidi abihwila ku meso atone abio.

Bena Loma 2:14

Biabekyele mīlo yishī na mukanda-wa-milangilo abakitā ku mashimb’abo bi mu mukanda-wa-milangilo, abia bakutshilwe mukanda-wa-milangilo, be na mukanda w’abo wa milangilo mu mashimba’bo bana bene.

Bena Loma 5:10

Mwanda, sunga hatubadi tukibamushikwe, tubalombeshwe n’Efile-Mukulu ku lufu lwa Mwan’e, biabia kukila, hatulo mbeshwe atukahashibwa ku muwa we.

Bena Loma 5:9

Binyibiabia bino hatubabingishwa ku mase e, tukahashibwa ku nsungu y’E kw’Efile-Mukulu anka hadi e.

Bena Loma 6:12

Binyibiabia ta nwilekanga milwisho kumuna bu nfumu mu mbidi yenu ya lufu, eshi, mu kukokyelanga mu kutona kwa meso a malakā’ko, ooo.

Bena Loma 7:18

Mwanda neuku’shi, mwimi (nyi kwakula’shi, mu mbidi yande) ta mwikale sunga nkimune kibuwa; mwanda eshimba dia kukyeba nyi n’adio, anka mwa kwikikitshina’kia kilumbulukye, ta nsangula’mi.

Bena Loma 9:22

Su Efile-Mukulu badi n’eshimba diakulesha bukyelo bwe, na kwiukisha matalwa, e baididishe kutula kw’eshimba kwi moo anka ha bia bibumbwe bia bukyelo, bilumbulwe bia kukalwila.

I Bena Kodinda 4:7

A nanyi bakulamun’obe todi hobe namu? A kiodi n’akio kioshī muhebwe nkinyi? A biabia, su bohelwe’kio, a kioetumbisha bu kishī kikuhebwe nkinyi?

Ii Bena Kodinda 7:1

Binyibiabia anwe bakuminyibwe hatudi na yino milayilo, twitoshei atwe bana bene ku biabutete bioso bia ku mbidi, na bia ku kikudi tukumbashidilei kuhatulwa-kwa-kishila mu kutshina kw’Efile Mukulu moo.

Bena Ngalatea 3:22

Anka Kifundwe ki’Efile kibafudisha’shi: (Bantu) boso mbānka mu kuwilsha’shi, mulayilo wa ku lukumino lwa Yesu Kidisitu uhebwe kwi baba abakumina.

Bena Efisesa 2:2

nyi mwanubatambukilanga kwibedi, bu amuyilā bahanohansenga, muyile mutontshi sha matalwa a luwa, kinyi kikudi akifubā mu bana bashībakokyele;

Bena Efisesa 4:22

nukashe nyikashi ya muntu a kala, nyi nginyangye muyile lwabi lwa kudimbana;

Bena Kolose 1:21

Anwe kala nubadi batuhishene na kumushikwanyi mu binangu bienu ku bikitshino bi bubi, anka binobino e benulombasha,

I Bena Tesalonika 4:13

Anka tatukyebe’nwe kwikala bahatamine ha mwanda bo wa’ balale tulo (twa lufu’) shi, tanufwambukanga hamune bu bangi bashī na lutengyelo, ooo.

I Bena Tesalonika 5:6

Binyibiabia tatulalanga tulo bu bangi, ooo, anka twikale abatala na bāmpila.

I Temote 6:9

Anka’ba batee mashimba’shi: Twikale bampeta, (biabia) abahono mu kutompibwa na muteu, na mu ngabi ayimweshana, ayishimisha bantu mu kulwishibwa na kushimangishwa.

Tetusa 3:3

Mwanda’twe kala tubadi bahatamine, bashyabakokyelā, abongolwanga, na kufubila ngabiabi na bisehelwa bia bihaso na bihaso, tubadi bekale mu kufita, mu mukalala, beshikwene abo bana bene.

I Petelo 1:14

bu bana bakokyele bashyabehwandjikisha bu mwanubadi bekyele mu bia ngabiabi yenu ya kwibedi mu kuhatamina kwenu.

Ii Petelo 2:14

be na meso aule kukyebana, ashyaeuku kuleka bubi; abōngola bashī banyingye; be n’eshimba adiubila lwiso; nyi mbana bēdibwe muloa.

Ii Petelo 2:18

Mwanda habākula myanda yikata ya kwitatula ya bisumanga, abōngola mu ngabiabi ya ku mbidi, ku bukitekite, baba bakwete kukahanda ’nka hahelahela kwi, ’ba bashale mu kuluba.

I Yoano 2:16

Mwanda, bintu bioso bi hanohansenga, lwabi lwa ku mbidi, na lwabi lwa ku meso, na kwinemeka kwa muwa ta mbia Yaiyo, ooo, anka nyi mbia hanohansenga.

I Yoano 2:8

Dimonyi, mulangilo uhya wanenufundjila, au winyi mbinyibinyi mwadie na mwanudi namu. Mwanda mufito aukilā, n’etata dia binyibinyi adimunyikā binobino.