Bena Bahebelu 4:2 - KILOMBENO KIHYA KIA NFUMWETU YESU KIDISITU

² Mwanda kwatudi’twe kubalungwilwe mukāndu-wibuwa, anka hamunenka namu kwi’bo; anka winyi mwanda ubalungwilwe, ubakutshilwe kwibambwesha kintu, (mwanda) taubadi usangakane na lukuluhilo mwabadi bahushishe.

Bena Bahebelu 4:2 ပူးပေါင်းရင်းမြစ်များ

Bikitshino 13:46

Henyihaha Paulu na Banabasa abanyingile mashimba, bamba’shi: Kw’anka biabia mwanda w’Efile Mukulu kwinulungulwa kwibedi; anka ha mwanda nubeukatusha kwanudi, nubetshibila namu’shi: Tatwi bahwandjikile muwa wa ikala-ika, talai, tubealula kwi Badjentaila.

Bikitshino 3:26

Efile Mukulu hakwibosha mufubi e Yesu, bamutumine kwanudi kwibedi mu kwinuha mwabi wa kwinwalula’nwe boso ku bubi.

Bena Loma 2:25

Mwanda, kisale namu akisungūla binyibinyi su olama mukanda-wa-milangilo, anka s’oshula mukanda-wa-milangilo, biabia kisale kiobe kibālula ta kia bu bisumanga.

Bena Loma 3:3

A bibadi bangi bashī badi na lukumino, lukumino lwa babadi ta be n’abo, alwiuku kukita biabinyibinyi bi’Efile-Mukulu bu bia bisumanga su?

I Bena Kodinda 13:3

Su natusha bintu biande bioso kudisha (balanda,) su nahana mbidi yande kushikibwa ha kālo, na kifulo nki n’akio, biabia nki na kia nkamwena mwanka sunga nkimune.

Bena Ngalatea 3:2

Kiankyebe kwiuka nyi nkino, ami’shi: A nubatambwile Kidudi-E-Selelee ku bikitshino bia mukanda-wa-bishila’nyi, su mpa kuhusha kwa lukumino?

Bena Ngalatea 3:8

Na Kifundwe ki ’Efile kibabadidile kumona’shi, Efile Mukulu abingishā Badjentaila ku lukuluhilo, kibalungwile mukāndu-wibuwa kwi Abalahama kwibedi’shi: Mōdibe mīlo yoso, ayikēlwa mwabi.

Bena Ngalatea 4:13

Anwiuku mwa nenulungwidīle mukāndu-wibuwa kwibedi mu butūba bwa mbidi;

I Bena Tesalonika 1:5

Mwanda mukāndu-wibuwa wetu taubafikile kwanudi mu bishima bia bisumanga, ooo, anka mu bukome namu, bwinyi bwa Kikudi-E-Selelee, na mu kukankamikibwa kwi moo; mwanda anwiuku mwa tubadi bekele munkatshi mwenu ha mwanda wenu.

I Bena Tesalonika 2:13

Nyi mpa uno mwanda namu atutumbula Efile-Mukulu kushī mpwilo, mwanda’shi, hanubatambwile Mwanda w’Efile Mukulu wanubahushishe kwatudi’twe, nubeutambwile ushī bu mwanda wa bantu, ooo, anka bu biaudi binyibinyi Mwanda w’Efile Mukulu, ñanka’o aufubā unyiñamane namu mwanudi’nwe bakumine.

I Temote 4:8

Mwanda lwinyisho lwa ku mbidi kumwena kwa’to nkuhela, anka bwin’Efile abumwenwa mu bintu bioso, bwi na mulayilo wa muwa wa binobino na wa ukafiki.

Bena Bahebelu 11:6

Anka kushī lukuluhilo nkukutshidilwe kutosh’eshimba (die,) mwanda yawa akwifubula kw’Efile Mukulu wadi n’ao ngwa kukumina’shi, e kwanka, atushā bwedi kwi’bo abamukimbā na kusasakata.

Bena Bahebelu 3:12

Dimukai bakwetu, tala kwekala munda mwa umune enu eshimba dibi dishyadikumina, dia kutombokyela kw’Efile Mukulu atala.

Bena Bahebelu 4:6

Biabia mwanda ukiushale wa bamo batwele mwanka, n’abo babadi balungulwe mukāndu-wibuwa kala abakutshilwe kutwela ha mwanda wa kushīkukokyela.

Yakoba 1:21

Binyibiabia hakuhenga bibutete bioso na kukishakisha kwa bibubi, nutambule na luhohelo Mwanda ukunwe (munda,) winyi awiuku kuhasha bikudi bienu.

I Petelo 1:12

Kwabadi’bo ubadi wibafumbwilwe’shi: tankwi’bo ba na bene, ooo, anka kwatudi’twe abafubile aya myanda ayinulungulwa kwi’bo abenulungwile mukāndu-wibuwa na Kikudi-E-Selelee batuminwe mwiilu: mu yinyi yino myanda bamwikeilu abakyebe mwilamina bashingule yanka.