తీతు 3:5 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

⁵ ମା ସତ୍‍ପାଣିଦି ପଲ୍‌ ୱାଜା ଇକା ଆଏତ୍‍ । କେବଲ ୱାନି ଦୟାଦାନ୍‌ ପବିତ୍ର ଆତ୍ମାଦି ମୁଟ୍‌ନିମାଣାନ୍‌ ମା ପାପ୍‌ ୱିଜୁ ନରାଇ ଆତାମାନାତ୍‌ ମାରି ମାପ୍‌ ପୁନି ଜନମ୍‍ ପୟ୍‌ଜି ରକିୟା ପୟ୍‌ତାମାନାପ୍‌ ।

Konda: కొండ బాసదు నెగ్గి కబ్రు

⁵ మాటు కిత్తి నీతి పణిఙాణిఙ్‌ ఆఏద్. గాని వన్ని కనికారమ్‌దానె మఙి రక్సిస్తాన్. దేవుణు ఆత్మదాన్, వాండ్రు మా పాపమ్‌కు నొర్‌జి మఙి కొత్తాఙ్ ‌పుటిస్తాండ్రె, ఉండ్రి కొత్త బత్కు సిత్తాండ్రె మఙి రక్సిస్తాన్.

తీతు 3:5 ပူးပေါင်းရင်းမြစ်များ

మత్తయి 3:11

ମିର୍‌ ପାପ୍‌ତାନ୍‌ ମନ୍‍ତିଙ୍ଗ୍‍ ଡ଼େପ୍‍ତିମାନିଦେର୍‍, ଇକା ୱେର୍‌ତେଙ୍ଗ୍‌ ନାନ୍ ମିଙ୍ଗିଁ ଏର୍‌ତୁ ଡୁବନ୍‌ ସିଜିନା । ମାତର୍‌ ନା ୱେନ୍‌କା ଏନ୍‌ ୱାଜିନାନ୍‍, ୱାନ୍‌ ମିଙ୍ଗିଁ ପବିତ୍ରଆତ୍ମା ନି ସିସୁଦୁ ଡୁବନ୍‌ ସିନାନ୍‍ । ୱାନ୍‌ ନାବାଣାନ୍‍ ପେରିକାନ୍‌ ୱାନି ଜୁତେଙ୍ଗ୍‌ ପିଣ୍ତ୍‍ଦେଙ୍ଗ୍‍ ବା ନାନ୍ ଜଗ୍‌ ସିଲେ ।

లూకా 1:50

ମାରି ଏର୍‌ ୱାନିଙ୍ଗ୍‌ ମାନାନାର୍‌ ୱାନ୍‌ ୱାରିଙ୍ଗ୍‌ ଜୁଗ୍‍ ଜୁଗ୍‍ ସାନ୍ଦି ଦୟା କିନାନ୍‌ ।

లూకా 1:54

ମା ପୁର୍ବେଦିଡକ୍ରାଦାଦାରି ଉଣ୍ତିଙ୍ଗ୍‌ ରାସ୍‍ତିମାନି ୱାରି ବାକ୍ୟଦାନ୍‌ ଆୟା ଅବ୍ରାହାମ ମାରି ଇସ୍ରାଏଲ୍‌ତି କଡ଼କକ୍ରାରି ଉଣ୍ତିଙ୍ଗ୍‌,

లూకా 1:72

ଏଣ୍ତେସ୍‌ ୱାନ୍‌ ମା ପୁର୍ବେଦିଡକ୍ରାଦାଦାରି ଉଣ୍ତିଙ୍ଗ୍‌ ଦୟା ତର୍‌ନାନ୍‌ ମାରି ୱାରି ୱାଲେ କିତିମାନି ନିଜେଦି ଆୟା ନିୟମ୍‌ ଏତ୍‍କିନାର୍ ।

లూకా 1:78

ମାରି ମା ମାପୁରୁ କାର୍ମୁସୁଣିକାନ୍‌ ମାରି କଡ଼୍‌କିଜିବନ୍‌ ୱାନ୍‌ ମା ଉଣ୍ତିଙ୍ଗ୍‌ ରକିୟାଦି ୱେଡ଼ା ସପ୍‌ନାନ୍‌,

ରୋମିୟ 11:14

ଇୟାମାଣାନ୍‍ ଜଦି ନା ନିଜେଦି ଜାତିଦି ଲୋକାଙ୍ଗ୍‍ଁ ରିସା ଆଦେଙ୍ଗ୍‍ଁ ଆଟ୍‍ନା, ଆନାତ୍‌ ୱାରି ଲୋଇ ଏସ ଲୋକାଙ୍ଗ୍‌ ରକିୟା କିଦେଙ୍ଗ୍‍ଁ ଆଟ୍‍ନା ।

ରୋମିୟ 11:6

ମାପୁରୁ ୱାରିଙ୍ଗ୍‍ଁ ବାସେକିତାମାନାନ୍‍ ନିଜେଦି ଦୟା ଉଣ୍ତିଙ୍ଗ୍‍ଁ । ଜଦି ୱାରି ସତ୍‍ପାଣି ଉଣ୍ତିଙ୍ଗ୍‍ଁ ମାପୁରୁ ୱାରିଙ୍ଗ୍‍ଁ ବାସେ କିତାନ୍‍ମାନ୍ଦି, ୱାନି ଦୟା ସତ୍‌ତାନ୍‌ ଦୟା ଆଏତାତ୍‍ମାନ୍ଦି ।

ରୋମିୟ 12:2

ମିର୍‌ ଇୟା ଇଲେଇତି ଦୁନିଆଦି ଇସାବ୍‍ତାନ୍‍ ବୁଲାମାଟ୍‍ । ମାପୁରୁ ମି ମନ୍‍ତିଙ୍ଗ୍‍ ପୁରା ପୁନିକା କିପିନ୍‍ ମାରି ମି ମନ୍ ପୁରା ବାଦ୍‍ଲେ ଆପିତ୍‌ । ଆତିଙ୍ଗ୍‌, ମାପୁରୁଦି ବଦା ଇନିକା, ୱାନି ଲାକ୍‍ତୁ ଏମେ ୱିଜୁ ବିସୟ୍‍ ସତ୍‍, ୱେଡ଼ିକାଦିକା ମାରି ପୁରା ନେଗିକା, ଇକା ମିର୍‌ ନେସ୍‍ତେଙ୍ଗ୍‍ଁ ଆଟ୍‍ନିଦେର୍‍ ।

ରୋମିୟ 3:20

ମାତର୍‌ ନିୟମ୍‍ତି ପାଣିୱିଜୁ କିଜି ଆମା ମାପୁରୁଦି ଆଗ୍‍ଡ଼ି ଦାର୍ମୁତିକାନ୍‍ ଇଜି ୱେଙ୍ଗ୍‍ଦେଙ୍ଗ୍‍ ଆଟ୍‍ଏନ୍‍ । ନିୟମ୍‍ତାନ୍‍ ଲୋକୁ କେବଲ ପାପ୍‍ତି ବିସୟ୍‍ ନେସ୍‍ତେଙ୍ଗ୍‍ ଆଟ୍‍ନାନ୍‍ ।

ରୋମିୟ 3:28

ମାଡ୍‌ ସତ୍‌ତାନ୍‌ ବୁଜାଦେଙ୍ଗ୍‍ ଆଟ୍‍ସିନାପ୍‍ ଜେ, ଅରେନ୍‍ କେବଲ ୱାନି ବିସ୍‍ବାସ୍‍ତାନ୍ ମାପୁରୁ ଆଗ୍‍ଡ଼ି ଦାର୍ମୁତିକାନ୍‍ ଆନାନ୍‍ ନିୟମ୍‍ ମାନାନି ମାଣାନ୍‌ ସିଲେ ।

ରୋମିୟ 4:5

ମାତର୍‌ ଏନ୍‌ ନିଜେଦି ମୁସ୍‌କୁ ବିସ୍‍ବାସ୍ ଇଡ୍‍ଏନ୍‍ଣ୍ତା, ମାପୁରୁମାନୁ ବିସ୍‍ବାସ୍‍ କିନାନ୍‍, ୱାନି ବିସ୍‍ବାସ୍‍ ଉଣ୍ତିଙ୍ଗ୍‌ ଦସ୍‍କିତି ୱାନିଙ୍ଗ୍‍ ଦସ୍‍ ଡ଼ିସିସ୍‍ କିଜିମାନି ମାପୁରୁ ୱାନିଙ୍ଗ୍‌ ଦାର୍ମୁତିକାନ୍‍ ୱାଜା ଆସ୍‍ନାନ୍‍ ।

ରୋମିୟ 9:11

ଏସ୍ତିୱାଲେ କଡ଼ର୍‍ ଜନମ୍‍ ଆଏର୍‍ ମାର୍ହାର୍‌, ମାରି ନେଗିକା ନି ସେଇକା ଇନିକା କିଏର୍‌ ମାର୍ହାର୍‌, ନାସ୍ତିୱାଲେ ପାଣି ଉଣ୍ତିଙ୍ଗ୍‍ଁ ସିଲେ, ମାତର୍‌ କୁକ୍‍ତିମାନି ୱାନି ବଦା ଉଣ୍ତିଙ୍ଗ୍‍ଁ ବାସେକିତି ଇସାବ୍‍ତାନ୍‍ ମାପୁରୁଦି ଉଦେସ୍‍ ଏଣ୍ତେସ୍‌ ତିର୍‍ ତେବାନାତ୍‍,

ରୋମିୟ 9:16

ଆଦେଙ୍ଗ୍‌ ଏନ୍‌ ବଦା କିନାନ୍‍ ମାରି ଏନ୍‌ ପାଣି କିନାନ୍‍, ୱାନି ମାଣାନ୍‌ ଇକା ଆଏତ୍‍, ମାତର୍‌ ମାପୁରୁଦି ଦୟାଦାନ୍‍ ଆନାତ୍‌ ।

ରୋମିୟ 9:30

ଆଦେଙ୍ଗ୍‌ ଅଣଜିହୁଦି ଲୋକା ବିସୟ୍‍ତାନ୍‍ ଇକା ଇନ୍‍ଡ୍ରେଙ୍ଗ୍‍ଁ ଆଟ୍‍ନିକା, ୱାର୍‌ ଦାର୍ମୁତିକାର୍‍ ଆଦେଙ୍ଗ୍‍ଁ ସେସ୍ଟା କିଏଜିମାର୍ହାର୍‍, ମାତର୍‌ ୱାରି ବିସ୍‍ବାସ୍‍ ଉଣ୍ତିଙ୍ଗ୍‍ଁ ଦାର୍ମୁତିକାର୍‍ ଇଜି ୱେଙ୍ଗିଁତାମାନାର୍‍ ।

1కొరింతి 6:11

ମାରି, ମି ମାଣ୍‌କୁ ଏନ୍‌ ଏନ୍‌ ଆୟାୱାଜା ମାରିଇଦେର୍‌, ମାତର୍‌ ଇଲେଇ ମିର୍‌ ପାପ୍‌ତାନ୍‌ ନରାଆୟ୍‌ ଆଜି ମାପୁରୁଦି ଉଦେସ୍‌ତାନ୍‌ ମାନିଦେର୍‌ । ମାରି ପ୍ରବୁ ଜିସୁ କ୍ରିସ୍ତ ମାରି ପବିତ୍ରଆତ୍ମାଦାନ୍‌ ମିର୍‌ ଦାର୍ମୁଦିକାନ୍‌ ଇଜି ଲେକିସ୍‌କିଆତିମାନିଦେର୍‌ ।

ଗାଲାତିୟ 2:16

ମାପୁ ନେସ୍‍ନାପ୍‍, ନିୟମ୍‍ତି ଦାବିୱିଜୁ ପୁରା କିନି ମାଣାନ୍‍ ସିଲେ, ମାତର୍‍ କେବଲ ଜିସୁ କ୍ରିସ୍ତଦିମାନୁ ବିସ୍‍ବାସ୍‍ କିନି ମାଣାନ୍‍ ଅରେନ୍‍ ମାପୁରୁଦି ଆଗ୍‍ଡ଼ି ଦସ୍‍ସିଲେଣ୍‌ଗା ମିସାଦେଙ୍ଗ୍‌ ଆଟ୍‌ନାପ୍‌ । ମାପୁରୁଦି ଆଗ୍‍ଡ଼ି ଦାର୍ମୁ ଲୋକ୍‍ ଆଦେଙ୍ଗ୍‍ଁ ଇଜି ମାପ୍‍ ମାରି ନିୟମ୍‍ତି ମୁସ୍‍କୁ ଆସା ଇଡ୍‍ଏନ୍‍ଣ୍ତା ଜିସୁ କ୍ରିସ୍ତମାନୁ ବିସ୍‍ବାସ୍‍ କିଜିନାପ୍‍, ଇରିଙ୍ଗ୍‍ଁ କେବଲ ନିୟମ୍‍ ମାନାନି ମାଣାନ୍‍ ଏନ୍‍ ମାପୁରୁ ଆଗ୍‍ଡ଼ି ଦାର୍ମୁ ଲୋକ୍‍ ଆଦେଙ୍ଗ୍‍ଁ ଆଟ୍‍ଏନ୍‍ ।

ଏପିସିୟ 2:4

ମାତର୍‌ ମାପୁରୁଦି ଦୟା ନିସା ନାଣ୍ତ ମାରି ମା ଉଣ୍ତିଙ୍ଗ୍‌ ୱାନି ଜିବନ୍‌ନୋନିକା ନିସା ପେରିକା ଜେ,

ଏପିସିୟ 4:23

ମାରି ମି ଜିବନ୍‌ ମାରି ମୋନ୍‌ ପୁରା ପୁନିକା ଆନିକା ମାନାତ୍‌ ।

ଏପିସିୟ 5:26

କ୍ରିସ୍ତ ମଣ୍ତଲିଦିଙ୍ଗ୍‍ ଏରୁଦୁ ନୋର୍‍ଜି ମାପୁରୁଦି ଉଦେସ୍‍ତାନ୍‍ ପବିତ୍ର କିନାନ୍‌,

కొలొసి 3:10

ମାରି ପୁନି ଗୁଣ୍‍ ଆସ୍‌ତିମାନିଦେର୍‌ । ଲୋକ୍‌ତି ଇୟା ପୁନିପାଣି, ତିଆର୍‌କିତି ମାପୁରୁ ନିଜେଦି ମୁର୍ତି ଇସାବ୍‌ତାନ୍‌ ପାଣି କିଜିନାନ୍‌ । ଇୟାଉଣ୍ତିଙ୍ଗ୍‌ ମିର୍‌ ୱାନି ବିସୟ୍‌ତାନ୍‌ ପୁରା ବୁଦି ପୟ୍‌ଜିନିଦେର୍‌ ।

2తిమోతి 1:9

ମା ନିଜେଦି ସତ୍‌ପାଣିଦି ପୁର୍‌ସ୍କାର୍‌ ୱାଜା ୱାନ୍‌ ମାଙ୍ଗିଁ କୁକ୍‌ଏନ୍‌, କେବଲ୍‌ ୱାନି ଦୟାଦାନ୍‌ ୱାନି ଉଦେସ୍‍ ପୁରା କିଦେଙ୍ଗ୍‌ ମାଙ୍ଗିଁ ୱାନି ଲାଡ୍‍ତିଲୋକୁ ଆନି ଉଣ୍ତିଙ୍ଗ୍‌ ରକିୟା କିତାମାନାନ୍‍ ମାରି ଆସ୍‌କିତାମାନାନ୍‌ । କ୍ରିସ୍ତ ଜିସୁଦି କିତିମାନି ପାଣି ପୁର୍ବେ କାଡ଼ାଦାନ୍‌ ମାପୁରୁ ମାଙ୍ଗିଁ ଇୟା ଦୟା କିଜି ଇଟ୍‌ତା ମାର୍ହାନ୍‌ ।

తీతు 3:4

ମାତର୍‌ ଏସ୍ତିୱାଲେ ମାଙ୍ଗିଁ ରକିୟାକିତି ମାପୁରୁଦି ଦୟା ମାରି ଲୋକା ଉଣ୍ତିଙ୍ଗ୍‌ ୱାନି ଜିବନ୍‌ନୋନିକା ୱେଙ୍ଗିଁତାତ୍‌ ।

ఎబ్రి 10:22

ମାରି ରାଦୁ, ମାଡୁ ନେଗି ମୋନ୍‌ତାନ୍ ମାରି ଆଟୁୱା ବିସ୍‍ବାସ୍‌ତି ୱାଲେ ମାପୁରୁଦି ଲାକୁତୁ ସୋନାଟ୍‍; ଇରିଙ୍ଗ୍‌ ମାଡୁ ଇଲେଇ ତାଗ୍‍ଇ ବୁଦିଦାନ୍‍ କ୍ରିସ୍ତଦି ନେତେର୍‍ତାନ୍ ନେଗେନ୍‌ ଆତିମାନିକା ମାରି ମା ମେନ୍ଦଲ୍‌ ନେଗି ଏରୁଦାନ୍ ଇବାତି ମାନିକା ।

ఎబ్రి 4:16

ଆଦେଙ୍ଗ୍‍ଁ ମାପ୍‌ ସାସ୍‌ତାନ୍‌ ମାପୁରୁଦି ଦୟା ରାଜାଗାଦି ଲାକ୍‌ତୁ ସନ୍‍ଡ୍ରେଙ୍ଗ୍ ଆଟ୍‌ନାପ୍‌ । ଆବେନ୍‌ ମା ଟିକ୍‌ ବେଡ଼ାଦୁ ମା ନେଗି ଉଣ୍ତିଙ୍ଗ୍‌ ଦୟା ନି ଦୟା ପୟ୍‌ନାପ୍‌ ।

ఎబ్రి 6:6

ମାରିବା ୱାର୍‌ ବିସ୍‍ବାସ୍ ଆରାକିତାମାନାର୍ । ଆଦେଙ୍ଗ୍‍ଁ ମାରିଡ଼େସି ଏତ୍‌କିନି ଉଣ୍ତିଙ୍ଗ୍ ୱାରିଙ୍ଗ୍ ଡ଼େସି ୱେର୍‍ତେଙ୍ଗ୍ ଆଟ୍‌ଇକା, ଇରିଙ୍ଗ୍‌ ୱାର୍‌ ମାପୁରୁଦି ମାରିନ୍‍ତିଙ୍ଗ୍ ମାରିଡ଼େସି କ୍ରୁସକାଟ୍‌ଦୁ ଡାକ୍‍ସି ୱିଜେରି ଲୋକା ଆଗ୍‍ଡ଼ି ସେମାର୍‍ କିଜିନାର୍ ।

୧ ପିତର 1:3

ମା ପ୍ରବୁ ଜିସୁ କ୍ରିସ୍ତଦି ବୁବା ମାରି ମାପୁରୁଙ୍ଗୁଁ ଦନ୍ୟବାଦ୍‌ ଆପିତ୍‍, ଇରିଙ୍ଗ୍‌ ୱାନ୍‌ ୱାନି ଦୟାଦାନ୍‌ ଜିସୁ କ୍ରିସ୍ତଙ୍ଗ୍‌ ସାତିମାଣୁକୁ ମାରିଡ଼େସିଜିବନ୍‌ କିଜି ମାଙ୍ଗିଁ ପୁନି ଜିବନ୍‌ ସିତାମାନାନ୍‌ । ଇକା ମାଙ୍ଗିଁ ଜିବନ୍‌ତି ଆସାଦୁ ପୁରା କିତାମାନାନ୍‌ ।

୧ ପିତର 2:10

ପୁର୍ବେ ମିର୍‌ ମାପୁରୁଦି ଲୋକ୍‌ ଆଏତିମାରିଇଦେର୍‌, ମାତର୍‌ ଇଲେଇ ମାପୁରୁଦି ଲୋକ୍‌ ଆତିମାନିଦେର୍‌ । ପୁର୍ବେ ମିର୍‌ ମାପୁରୁଦି ଦୟା ବିସୟ୍‌ତାନ୍‌ ନେସ୍‌ଏତି ମାର୍‌ଇଦେର୍‌, ମାତର୍‌ ଇଲେଇ ୱାନି ଦୟା ପୟ୍‌ତି ମାନିଦେର୍‌ ।

୧ ପିତର 3:21

ଆବେଣି ସିନାୱାଜା ଡୁବନ୍‌ ଅତାର୍‍ ଇୟା ଡୁବନ୍‌ ମି ମେନ୍ଦଲ୍‌ତି ରୋପି ସୋଲ୍‌ସିପ୍‌ କିଏତ୍‌, ମାତର୍‌ ମାପୁରୁଦି ଲାକ୍‌ତୁ ନେଗି ବୁଦି ପୟ୍‌ନି ଉଣ୍ତିଙ୍ଗ୍‌ ପାର୍‌ତାନା କିତାନ୍‍, ଜିସୁ କ୍ରିସ୍ତଦି ମାରିଡ଼େସିଜିବନ୍‌ଆଜିନିଙ୍ଗ୍‌ନି ମାଣୁକୁ ଇଲେଇ ମିଙ୍ଗିଁ ରକିୟା କିଜିନାତ୍‌;