ప్రకటన 7:11 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹¹ ସିଂହାସନ୍‍ତିଙ୍ଗ୍‌, ପେରିନେତାରିଙ୍ଗ୍ ମାରି ନାଲ୍‌ଏରିଙ୍ଗ୍ ଗେରେଆଜି ମୁସ୍‌କୁପୁର୍‌ତି ଦୁତ୍‍କୁ ନିରେଏମାର୍ହେ । ୱାକ୍ ସିଂହାସନ୍ ଆଗ୍‍ଡ଼ି ବୁମିଦୁ ମାଡ଼ିସ୍‌ କିତେ ମାରି ମାପୁରୁଦି ଆରାଦନା କିଜି,

Konda: కొండ బాసదు నెగ్గి కబ్రు

¹¹ అయ సింహాసనమ్‌దిఙ్‌ని అయ పాణం మన్ని నాల్గి జంతుఙ్‌ని ఇరువయ్‌ నాల్‌ఎర్‌ పెద్దెల్‌ఙ సుటులం దేవుణు దూతార్‌ విజేరె నిహ మహార్‌. వారు సింహాసనం ఎద్రు పడగ్‌జి అర్సి దేవుణుదిఙ్‌ పొగ్‌డిఃజి మాడిఃస్తార్.

ప్రకటన 7:11 ပူးပေါင်းရင်းမြစ်များ

మత్తయి 4:10

ଜିସୁ ଇର୍ହାନ୍‌, “ଆକ ଆଆ ସୟତାନ୍ ! ଦାର୍ମୁସାସ୍ତ୍ରଦୁ ରାସାତାମାନାତ୍‌, କେବଲ୍‌ ନି ପ୍ରବୁ ମାପୁରୁଙ୍ଗ୍‍ଁ ମାଡ଼ିସ୍‌ କିଆ ମାରି ୱାନି ସେବା କିଆ ।”

యోహాను 5:23

ଆୟାଉଣ୍ତିଙ୍ଗ୍‌ ଏଣ୍ତେସ୍‌ ବୁବେଙ୍ଗ୍‌ ମାନାନାର୍‌, ମାରିସିଙ୍ଗ୍‌ ବା ଆୟାୱାଜା ୱିଜେରେ ମାନାନାର୍‌ । ମାତର୍‌ ଏନ୍‌ ମାରିସିଙ୍ଗ୍‌ ମାନାଏନ୍‌, ୱାନିଙ୍ଗ୍‌ ପୋକ୍‍ତିମାନି ବୁବେଙ୍ଗ୍‌ ବା ୱାନ୍‌ ମାନାଏନ୍‌ ।

ఎబ్రి 1:6

ମାତର୍‌ ମାପୁରୁ ୱାନି ଆଗ୍‌ଡ଼ିରି ମାରିନ୍‍ତିଙ୍ଗ୍ ଇୟା ଜଗତ୍‌ତୁ ପୋକ୍‍ତି ୱାଲେ ଇକା ଇର୍ହାମାର୍ହାନ୍ : “ମାପୁରୁଦି ଦୁତ୍‍କୁ ୱିଜୁ ୱାନି ପୁଜା କିନେ ।”

ప్రకటన 11:16

ତେନିୱେନ୍‍କା ମାପୁରୁଦି ଆଗିଡ଼ି ନିଜେ ନିଜେଦି ସିଂହାସନ୍‍ଦୁ ବାସିସ୍ତିମାନି ୨୪ ଲୋକୁ ପେରିନେତାର୍ ମାଡ଼ିସ୍‍ କିଜି ମାପୁରୁଦି ଆରାଦନା କିଜି,

ప్రకటన 15:4

ଏ ପ୍ରବୁ ! ଏନ୍‌ ନିଙ୍ଗିଁ ତିଲାଏନ୍‌ ? ଏନ୍‍ ନି ଦର୍‍ତି ଦନ୍ୟବାଦ କିଏନ୍‌ ? କେବଲ୍‌ ନିନୁ ନେ ପବିତ୍ର, ୱିଜୁ ଲୋକୁ ୱାଜି ନି ପୁଜାକିନାର୍ । ଇରିଙ୍ଗ୍‌ ନି ନ୍ୟାୟ୍‌ ପାଣି ୱିଜୁ ୱିଜେରେ ସୁଡ଼ୁତାମାନାର୍‌ ।”

ప్రకటన 22:9

ମାତର୍‌ ୱାନ୍‌ ଇର୍ହାନ୍‌, “ଆୟାୱାଜା କିମାଟ୍, ଇରିଙ୍ଗ୍‌ ନାନୁ ବା ମି ୱାଜା ଅରେନ୍‌ । ମି ଏମେ ବାବବାଦି ତଡ଼ାନ୍‍କୁ ମାରି ଆମା ୱିଜେରେ ଇୟା ବଇଦି ମାଟା ଇସାପ୍‍ତାନ୍ ମାନାଜି ମାନାର୍‌, ୱାରି ୱାଜା ନାନୁ ଅରେନ୍ ସେବକ ମାତ୍ର । ମାପୁରୁଦି ଆରାଦନା କିଦୁ ।”

ప్రకటన 4:10

ନାସ୍ତିୱାଲେ ୨୪ ଲୋକୁ ପେରି ନେତାର୍ ୱିଜୁଦିନ୍ ମାନି ମାପୁରୁଦି ସିଂହାସନ୍ ଆଗ୍‌ଡ଼ି ମେଣ୍ତେଙ୍ଗ୍‌ ଗଟ୍‌କିଜି ୱାନି ଆରାଧନା କିଦେଙ୍ଗ୍‌ ଆସ୍‌ତାର୍‌ । ମାରି ସିଂହାସନ୍ ଆଡ୍‍ଗି ନିଜେ ନିଜେଦି ମୁକୁଟ୍ ଇଡ୍‌ଜି ଇର୍ହାର୍‌ :

ప్రకటన 4:4

ମାରି ସିଂହାସନ୍‍ଦି ସାରିବେଡ଼ିତି ଗୁଡ଼ୁବେଲିଆଜିମାନି ଆଇ ଚବିସ୍‍ଗୋଟା ସିଂହାସନ୍‍ଦୁ ଚବିସ ଲୋକୁ ପେରି ମଣ୍ତଲିନେତାର୍ ବାସ୍‌ତାମାରାର୍ । ୱାର୍‌ ଅଡ଼ିନି ଆଙ୍ଗିଁ ଆରାତାମାରାର୍ ମାରି ୱାରି ତାଲେକା ମୁସ୍‌କୁ ବାଙ୍ଗାଁରାମ୍‌ତି ଟପି ।

ప్రకటన 4:6

ମାରି ସିଂହାସନ୍ ଆଗ୍‌ଡ଼ି ଇର୍ସିକା ୱାଜା ଉନ୍‌ଡ୍ରି ନେଗି ସାମୁଦୁର୍ ତର୍‌ଜିମାରାତ୍ । ସିଂହାସନ୍‌ଦିଙ୍ଗ୍‌ ରିଆଙ୍ଗାଁ ତରିନ୍‌ କାପ୍‌କିଜି ତେବାଜିମାରାର୍‌ ନାଲ୍‌ଗି ଜାତୁ; ୱାରି ମେନ୍ଦଲ୍‌ତି ନାଡ଼ିମିସାନ୍ଧି ମାରି ୱେନ୍‌କା କାଣୁକୁ ପୁରାବର୍ତି ମାରାତ୍‌ ।

ప్రకటన 4:8

ୱିଜୁ ଜାତୁଦି ସୋଅଗୋଟାଲାକା ରେକେଙ୍ଗ୍‌ ମାରେଏ ମାରି ୱାନିକା ଆତ୍‌ରେ ମାରି ଲୋଇ ବା କାଣୁକୁ ପୁରାବର୍ତି ମାରାତ୍‌ । ୱାକୁ ନାଡ଼ା ୱେଡ଼େ, ରମ୍‌ଏଣ୍‌ଗା ପାଟା ପାରିଜିମାରେଏ : “ପବିତ୍ର, ପବିତ୍ର, ପବିତ୍ର, ସର୍ବସାକ୍ତିମାନ୍ ପ୍ରବୁ ମାପୁରୁ ! ପୁର୍ବେଦାନ୍‌ ଇଲେସାନ୍ଦି ଏନ୍‌ ୱିଜୁଦିନ୍‌ ମାନାନ୍‌ ମାରି ଉନ୍‌ଡ୍ରି ଦେବା ୱାନ୍‌ ୱାନାନ୍‌ ।”