ప్రకటన 16:17 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹⁷ ତାନିୱେନ୍‌କା ସତ୍‌ ନମ୍ୱର୍‌ତି ଦୁତ୍ ତାନି ଡୁବାଇତି ଜିନିସ୍‌ତିଙ୍ଗ୍‌ ଗାଲିଦି ମୁସୁକୁ ୱାକ୍‍ତାସିତାତ୍ । ଆଦେଙ୍ଗ୍‌ ମନ୍ଦିର୍‌ତୁ ମାନି ସିଂହାସନ୍‌ତାନ୍ ପେରିବଲୁଦାନ୍ ଉନ୍‌ଡ୍ରି ମାଟା ୱିଙ୍ଗିଁତାତ୍, “ପାଣି ୱିଜିତାମାନାତ୍ ।”

Konda: కొండ బాసదు నెగ్గి కబ్రు

¹⁷ అయ ఆరు దేవుణు దూత వెనుక ఏడు దేవుణు దూత సొన్సి వన్ని కుడుఃకాదు మన్నిక ఆగసమ్‌దిఙ్‌ని బూమిదిఙ్‌ నడిఃమి మన్ని బాడ్డిదు వాక్తిఙ్, “పూర్తి ఆతాద్”, ఇజి దేవుణుగుడిఃలొఇ మన్ని సింహాసనమ్‌దాన్‌ వెహ్సిని ఉండ్రి పెరి కంటం వాతాద్.

ప్రకటన 16:17 ပူးပေါင်းရင်းမြစ်များ

యోహాను 19:30

ଆବେଟ୍‌ ଜିସୁ ଆୟା ସୟ୍‌ନିରସ୍‌ ଉଟାନ୍‌ନୋ ଇର୍ହାନ୍‌, “ୱିଜିତାତ୍‌” ମାରି ୱାନ୍‌ ତାଲା ଆଡ୍‍ଗି କିଜି ସାତାନ୍‌ ।

ଏପିସିୟ 2:2

ଆୟା ବେଡ଼ାଦୁ ମିର୍‌ ଦୁନିଆଦି ସତ୍‌ସିଲି ସାରିଦୁ ବୁଲାଜି, ବାଦଡ଼ତି ରାଜିଦି ଅଦିପତିଦି ଆଡ୍‍ଗି ମାର୍‌ଇଦେର୍‌ । ଆୟା ଅଦିପତି ଇଲେଇ ମାପୁରୁଦି ମାଟା ଆସ୍‌ଇୱାରି ଲୋକା ମୁସ୍‌କୁ ସାସନ୍‌ କିଜିନାନ୍‌ ।

ଏପିସିୟ 6:12

ଇରିଙ୍ଗ୍‌ ମାଡ୍‌ ଦୁନିଆଦୁ ବାସାଜିମାନି ଲୋକା ବିରୁଦ୍‍ତାନ୍‍ ଜୁଦ୍‍ କିଇକା; ମାଡ୍‌ ୱାର୍‍ଇବାଦଡ଼୍‍ତି ତାଗ୍‍ଇ ସାକ୍ତି ମାରି ସିକାଟି ଜୁଗ୍‍ତି ସାସନ୍‌କିନିକାତ୍‍, ଅଦିକାରି ମାରି ୱିଜୁ ଦୁନିଆଦି ତାଗିଇ ଆତ୍ମିକ ସାକ୍ତି ବିରୁଦ୍‍ତାନ୍‍ ଜୁଦ୍‍ କିଜିନିକା ।

ప్రకటన 11:15

ତାନିୱେନ୍‍କା ସାତ୍‌ ନମ୍ୱର୍‌ତି ଦୁତ୍‍ ତାନି ମୋରି ଉକୁତାତ୍ ମାରି ମୁସ୍‌କୁପୁର୍‌ଦୁ ନାଣ୍ତ ଆଉଲଦି ୱାଲେ ଇୟା କାବୁର୍ ୱିଙ୍ଗିତାତ୍ ! “ମା ପ୍ରବୁ ମାରି ୱାନି ମସିହ ଦୁନିଆ ମୁସୁକୁ ସାସନ୍ କିନି ଅଦିକାର୍‌ ଇଲେଇ ନିଜେ କିଦୁ ଅତାମାନାନ୍ । ୱାନ୍‌ ଇବେନୁ ୱିଜୁଦିନ୍‌ ସାସନ୍‌ କିନାନ୍ ।”

ప్రకటన 11:19

ମୁସ୍‌କୁପୁର୍‌ଦୁ ମାନି ମାପୁରୁଦି ମନ୍ଦିର୍‌ ସେର୍‍ଲା ରେଆତାତ୍ ମାରି ମନ୍ଦିର୍‍ତୁ ନିୟମ୍‌ ପେଡ଼ା ମାନିକା ତରିତାତ୍ । ତାନିୱେନ୍‍କା ବାଦଡ଼ ମିରିସ୍‌ତାତ୍‌, ବିଜ୍‍ଡାକ୍‍ତାତ୍‍, ଭୁମିକମ୍ପ ମାରି ନାଣ୍ତ ଆଡ୍‍ରାଗା ପିରୁ ଆତାତ୍ ।

ప్రకటన 14:15

ମନ୍ଦିର୍‌ତାନ୍ ମାରି ଉନ୍‌ଡ୍ରି ଦୁତ୍‍ ସୋସିୱାଜି ବାଦଡ଼ପିଡ଼ିକ୍‌ତିମାନି ଲୋକ୍‌ତିଙ୍ଗ୍‌ ନାଣ୍ତଆଉଲିଆଜି ଇର୍ହାନ୍‌, “ନି କଏର୍‌ ଆସ୍‌ସି ପାସି କୟ୍‌ଆ । ଦୁନିଆଦି ପାସି ଉଣ୍ତାକିଦେଙ୍ଗ୍‌ ଟିକ୍ ବେଡ଼ା ଇଗା ୱାତାମାନାତ୍‌ ।”

ప్రకటన 14:17

ତାନିୱେନ୍‌କା ନାନୁ ସୁଡ଼ୁତା, ମାରି ଉନ୍‌ଡ୍ରି ଦୁତ୍‍ ମୁସ୍‌କୁପୁର୍‌ତି ମନ୍ଦିର୍‌ତାନ୍‌ ୱାଜିନାନ୍, ୱାନି କିୟୁଦୁ ବା ଉନ୍‌ଡ୍ରି ଦାରାଦି କଏର୍‌ ମାର୍ହାତ୍‌ ।

ప్రకటన 16:1

ତାନିୱେନ୍‌କା ନାନୁ ୱେର୍‌ଆ, ମନ୍ଦିର୍‌ତାନ୍‌ ଏନ୍‌ ଅରେନ୍‌ ଆଉଲି ଆଜି ଆୟା ସାତ୍‌ଗୋଟା ଦୁତ୍‌କାଙ୍ଗ୍‌ ୱେର୍‌ସିନାନ୍‌, “ସାଙ୍ଗ୍‌ଆ, ସାତ୍‌ଗୋଟା ଡୁବାଇଦୁ ମାନି ମାପୁରୁଦି ରିସା ଦୁନିଆଦୁ ମୁସ୍‌କୁ ୱାକ୍‍ସୋ ସିଦୁ ।”

ప్రకటన 21:6

ମାରି ବା ୱାନ୍‌ ଇର୍ହାନ୍‌, “ପାଣି ୱିଜିତା ମାନାତ୍‌ । ନାନୁ ପାର୍‌ତୁମ୍‌ ନି ସେସ୍‍ ମାରି ଆଗ୍‌ଡ଼ି ନି ୱେନ୍‌କା । ଏନ୍ ଏରିକି, ଜିବନ୍‌ସିନି ଏରୁ ଲାକୁତୁ ନାନୁ ୱାନିଙ୍ଗ୍‌ ଆରେଦାନ୍ ଉଟ୍‍ପିସ୍‍କିଦେଙ୍ଗ୍‍ ସିନାନ୍ ।