యోహాను 8:29 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

²⁹ ନା ପୋକ୍‌ତାତିମାନିକାନ୍‍ ନା ୱାଲେ ମାନାନ୍‌; ୱାନ୍‌ ନାଙ୍ଗିଁ ଅରେନ୍‍ୱାନିଙ୍ଗ୍‍ ଡ଼ିସ୍‌ଏନ୍‌, ଇରିଙ୍ଗ୍‌ ନାନ୍ ୱିଜୁୱାଲେ ଆମାକା ୱାନି ୱେଡ଼ିକାଦି ପାଣି କିନା ।”

Konda: కొండ బాసదు నెగ్గి కబ్రు

²⁹ నఙి పోక్తాన్‌ నఙి తోడుః మంజినాన్. వాండ్రు నఙి ఒరెన్‌ వన్నిఙె డిఃస్‌ఎతాన్. ఎందానిఙ్‌ ఇహిఙ వన్నిఙ్‌ ఇస్టం వాతికెఙె నాను ఎస్తివలెబా కిజిన”, ఇజి వెహ్తాన్‌.

యోహాను 8:29 ပူးပေါင်းရင်းမြစ်များ

మత్తయి 17:5

ପିତର୍‌ ଇୟା ମାଟା ଇନିୱାଲେ ଖାଣ୍ତେକ୍‍ ବାଦଡ଼୍‍ ଇମ୍‌ଜି ୱାତା ଦୋ ୱାରିଙ୍ଗ୍‌ ବାଦଡ଼୍‍ତି ନିଡ଼୍‍ଗା ପିଡ଼ିକ୍‍ତାତ୍‍ ମାରି ଆବେଟ୍‌ତାନ୍‌ ଉନ୍‌ଡ୍ରି ବଲ୍ ୱାତାତ୍‍, “ଇୟାକାନ୍‌ ନା ଲାଡ୍‍ତି ମାରିନ୍‌, ୱେନିମାନୁ ନାନ୍ ନାଣ୍ତ ୱେଡ଼ିକା । ୱେନି ବାକ୍ୟ ୱେନ୍‌ଡ୍ରୁ ।”

మత్తయి 3:15

ମାତର୍‌ ଜିସୁ ଇର୍ହାନ୍‌, “ଇଲେଇ ନା ମାଟାଦୁ ରାଜିଆଆ । ଇରିଙ୍ଗ୍‌ ଇୟାମାଣ୍‍କୁ ମାଡୁ ମାପୁରୁଦି ବଦାଦି ପାଣି କିଦେଙ୍ଗ୍‌ ଆଟ୍‍ନିକା ।” ଆବେଟ୍‌ ଯୋହନ ୱାନିଙ୍ଗ୍‌ ଡୁବନ୍‌ ସିଦେଙ୍ଗ୍‍ ରାଜିଆତାନ୍‍ ।

మత్తయి 3:17

ତାନିୱେନ୍‍କା ମୁସ୍‌କୁପୁର୍‌ତାନ୍‌ ବଲ୍ ୱାତାତ୍‍, “ଇକାନ୍‌ ନା ଲାଡ୍‍ତି ମାରିନ୍‌, ୱାନିମାନୁ ନାନ୍ ୱେଡ଼ିକା ।”

యోహాను 14:31

ମାତର୍‌ ବୁବା ନାଙ୍ଗିଁ ଏଣ୍ତେସ୍‌ ଆଦେସ୍‌ ସିତାମାନାନ୍‌, ଆୟା ଇସାବ୍‌ତାନ୍‌ ନାନ୍ ପାଣି କିନା । ଆତିଙ୍ଗ୍‌, ନାନ୍ ନା ବୁବେଙ୍ଗ୍‌ ଜିବନ୍‌ନୋନା ଇଜି ଦୁନିଆ ନେସ୍‌ନାତ୍‌ । ନିଙ୍ଗିଁଦୁ, ମାଡ୍‌ ଇୟା ବାଡିଦାନ୍‌ ସନାଟ୍‌ ।

యోహాను 15:10

ନାନ୍ ଏଣ୍ତେସ୍‌ ମା ବୁବାଦି ମାଟାଦିଙ୍ଗ୍‌ ମାନାଜି ୱାନି ଜିବନ୍‍ନୋନିମାଣାନ୍‍ ତିର୍‌ ଆତାମାନା, ଆୟାୱାଜା ମିର୍‌ ଏସ୍‌କାଙ୍ଗ୍‌ ନା ମାଟାଦିଙ୍ଗ୍‌ ମାନାନିଦେର୍‌, ଆରିଙ୍ଗ୍‌ ନା ଜିବନ୍‌ନୋନିମାଣାନ୍‍ ତିର୍‌ ଆନି ତେବାନିଦେର୍‌ ।

యోహాను 16:32

ସୁଡ଼ୁଦୁ, ବେଡ଼ା ୱାଜିନାତ୍‍, ହୁଁ, ୱାତାତ୍‌ନି, ଏସ୍ତିୱାଲେ ମିର୍‌ ଇନିଙ୍ଗାଁ ଆନିଙ୍ଗାଁ ଆଜି ୱିଜେରେ ନିଜେ ନିଜେଦି ଇଲ୍‌କାଙ୍ଗ୍‌ ସନିଦେର୍‌, ମାରି ନାଙ୍ଗିଁ ଅରେନ୍‍ୱାନିଙ୍ଗ୍‍ ଡ଼ିସ୍‌ନିସନିଦେର୍‌; ଆରିଙ୍ଗ୍‍ବା ନାନ୍ ଅରେନ୍‌ନେ ସିଲେ, ଇରିଙ୍ଗ୍‌ ବୁବା ନା ୱାଲେ ମାନ୍‌ନାନ୍‌ ।

యోహాను 17:4

ନିନ୍‌ ନାଙ୍ଗିଁ ଏମେ ପାଣି କିଦେଙ୍ଗ୍‌ ସିତିମାନି, ଆକା ନାନ୍ ୱିସ୍‌ତାନୋ ଦୁନିଆଦୁ ମିଙ୍ଗିଁ ଦନ୍ୟବାଦ୍‌ କିତାମାନା ।

యోహాను 4:34

ଜିସୁ ୱାରିଙ୍ଗ୍‌ ଇର୍‌ଆନ୍‌, “ନାଙ୍ଗିଁ ପକ୍‍ତିମାନିୱାନିଦି ବଦା ପୁରା କିଦେଙ୍ଗ୍‌ ମାରି ୱାନି ସିତିମାନି ପାଣିୱିଜୁ ୱିସ୍‍ତେଙ୍ଗ୍‍ ଇକାନେ ନା କାଦି ।

యోహాను 5:30

ନାନ୍ ନା ନିଜେଦି ସାକ୍ତିଦାନ୍ ଇନିକା କିଦେଙ୍ଗ୍‌ ଆଟ୍‍ଏ; କେବଲ୍‌ ମାପୁରୁଦି ଆଦେସ୍‍ତାନ୍‍ ବିସାର୍‌ କିନା, ମାରି ନା ବିସାର୍‌ ଟିକ୍‌, ଇରିଙ୍ଗ୍‌ ନାନ୍ ନିଜେଦି ବଦା ସାଲାକିଦେଙ୍ଗ୍‍ ବଦା କିଏନ୍‍ଣ୍ତା ନାଙ୍ଗିଁ ପୋକ୍‍ତାତିୱାନିନ୍ଦି ବଦା ସାଲାକିଦେଙ୍ଗ୍‍ ବଦାକିନା ।

యోహాను 6:38

ଇରିଙ୍ଗ୍‌ ନା ନିଜେଦି ବଦାଦାନ୍‌ଦିଙ୍ଗ୍‍ ପୁରା କିଦେଙ୍ଗ୍‌ ସିଲେ, ମାତର୍‌ ନା ପୋକ୍‍ତିୱାନି ବଦା ପୁରା କିଦେଙ୍ଗ୍‌ ନାନ୍ ମୁସ୍‌କୁପୁର୍‌ତାନ୍‌ ୱାତାମାନା ।

యోహాను 8:16

ମାତର୍‌ ନାନ୍ ଜଦି ବିସାର୍‌ କିନା, ଆରିଙ୍ଗ୍‍ବା ନା ବିସାର୍‌ ଟିକ୍‌; ଇରିଙ୍ଗ୍‌ ନାନ୍ ଅରେନେ ସିଲେ, ମାତର୍‌ ନା ପକ୍‍ତିମାନିବୁବା ନା ୱାଲେ ମାନାନ୍‌ ।

2తిమోతి 4:17

ମାତର୍‌ ମାପୁରୁଦି ୱାଲେ ଏତ୍‌କିଜି ଅଣଜିହୁଦିରି ମାନୁ ନେଗିକାବୁର୍‌ ପ୍ରଚାର୍‌ କିନି ଉଣ୍ତିଙ୍ଗ୍‌ ନାନ୍‌ ନାଣ୍ତ୍‌ ସାକ୍ତି ପୟ୍‌ତାମାନା ମାରି ନାନ୍‌ ପାର୍ଟାନରେସ୍‌ତି ୱେୟୁଦାନ୍‌ ବା ରକିୟା ପୟ୍‌ତାମାନା ।

2తిమోతి 4:22

ପ୍ରବୁ ମି ଆତ୍ମାଦୁ ତେବାପିନ୍‌ । ମାପୁରୁଦି ଦୟା ମି ୱିଜେରି ୱାଲେ ମାନିତ୍‌ ।

ఎబ్రి 4:15

ଏନ୍‌ ମା ଦୋସ୍‌ ଦୁର୍ବଲ୍ ଚିନ୍ତା କିଦେଙ୍ଗ୍ ଆଟ୍‍ଏର୍‍, ଆୟାୱାଜା ପେରିଯାଜକ ୱାନ୍‌ ଆଏନ୍‍ । ମାତର୍‌ ମା ପେରିଜାଜକ, ମା ୱାଜା ୱିଜୁଦି ପରିକାଦୁ ଆର୍‌ତାମାର୍ହାନ୍‍, ମାତର୍‌ ୱାନ୍‌ ପାପ୍‌କିଏଣ୍‌ଗା ତେବାତାନ୍‍;

ఎబ్రి 7:26

ଆର୍‌ତିଙ୍ଗ୍‌ ମା ୱିଜୁ ଉଣା ପୁରା କିଦେଙ୍ଗ୍‌ ଜିସୁନେ ଅରେନ୍ ମାତ୍ର ପେରିଯାଜକ । ୱାନ୍‌ ପବିତ୍ର, ପାପ୍‌ଦସ୍‍ ସିଲିକାନ୍‍, ପାପି ଲୋକାମାଣୁକୁ ଆକମାନିକାନ୍‍, ମୁସ୍‌କୁପୁର୍‌ତୁ ପରିକାନ୍‌ ଆତାନ୍‌ ।

୧ ଜୋହନ 2:1

ଏ ନା କଡ଼ର୍‌, ମିଙ୍ଗିଁ ନାନୁ ଇୟା ସିଟି ରାସ୍‌ନି ବିଷୟ, ଇକା ପଡ଼ାଜି ଏଣ୍ତେସ୍‌ମାରି ପାପ୍‌ କିଇଦେର୍‌ । ମାରି ମିର୍‌ ଏଣ୍ତେସ୍‌ ନେସ୍‌ନିଦେର୍‌, ଏନ୍‌ ଜଦି ପାପ୍‌ କିନାନ୍‌, ମା ଉଣ୍ତିଙ୍ଗ୍ ବୁବା ମାପୁରୁଦି ଲାକ୍‌ତୁ ମା ଅରେନ୍‌ ପେରି ଲୋକ୍‌ ମାନାନ୍‌ ଆୟା ଦାର୍ମୁଦି ଜିସୁ କ୍ରିସ୍ତ ।

୧ ଜୋହନ 3:22

ମାରି ୱାନିଙ୍ଗ୍‌ ମାଡୁ ଇନି ଇନିକା ଲସ୍‌ନିକା, ଆୟାୱିଜୁ ୱାନିମାଣୁକୁ ପୟ୍‌ନିକା, ଇରିଙ୍ଗ୍‌ ମାଡୁ ୱାନି ମାଟା ମାନାନିକା, ମାରି ୱାନି କାଣ୍‌କାଙ୍ଗ୍‌ ଆମାକା ନେଗିକା, ଆକା କିଜିନାପ୍ ।