యోహాను 10:18 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹⁸ ଏନ୍‌ ନାମାଣ୍‌କୁ ନା ଜିବନ୍‌ ଅତେଙ୍ଗ୍‌ ଆଟ୍‍ଏନ୍‍, ମାତର୍‌ ନା ବଦାଦାନ୍ ନା ଜିବନ୍‌ ଦାନ୍‌ କିନା । ନା ଜିବନ୍‌ ଦାନ୍‌ କିଦେଙ୍ଗ୍‌ ଅଦିକାର୍‌ ମାନାତ୍‌ ମାରି ନାନ୍ ମାରିଡ଼େସି ଜିବନ୍‌ ପୟ୍‌ଦେଙ୍ଗ୍‌ ବା ଅଦିକାର୍‌ ମାନାତ୍‌ । ଇକା କିନି ଉଣ୍ତିଙ୍ଗ୍‌ ନା ବୁବାଦିମାଣ୍‌ନା ଇୟା ଆଦେସ୍‌ ପୟ୍‌ତାମାନା ।”

Konda: కొండ బాసదు నెగ్గి కబ్రు

¹⁸ ఎయెన్‌బా నా పాణం నా బాణిఙ్‌ లాగ్‌ఏన్. నా సొంత ఇస్టమ్‌దానె నా పాణం సీజిన. నా పాణం సీదెఙ్‌ నఙి అతికారం మనాద్. మర్‌జి లాగె ఆదెఙ్‌బా నఙి అతికారం మనాద్. యా లెకెండ్‌ కిదెఙ్‌ ఇజినె నా బుబ్బ నఙి ఆడ్ర సిత్తమనాన్”.

యోహాను 10:18 ပူးပေါင်းရင်းမြစ်များ

యోహాను 10:11

ନାନ୍ ନେଗେନ୍‌ ମେଣ୍ଡେଙ୍ଗ୍‌ ସାରାକିନିକିଦା; ନେଗେନ୍‌ ମେଣ୍ତେଙ୍ଗ୍‌ସାରାକିନିକାନ୍‌ ମେଣ୍ତେଆଙ୍ଗ୍‌ ଉଣ୍ତିଙ୍ଗ୍‌ ନିଜେଦି ଜିବନ୍‌ ସିନାନ୍‌ ।

యోహాను 10:15

ଆୟାୱାଜା ନାନ୍ ନା ନିଜେଦି ମେଣ୍ତେଆଙ୍ଗ୍‌ ନେସ୍‌ନା, ମାରି ନା ନିଜେଦି ମେଣ୍ଡେଙ୍ଗ୍‌ ନାଙ୍ଗିଁ ନେସ୍‌ନେ, ମାରି ମେଣ୍ତେଆଙ୍ଗ୍‌ ଉଣ୍ତିଙ୍ଗ୍‌ ନାନ୍ ନା ଜିବନ୍‌ ସିଦେଙ୍ଗ୍‍ ରାଜିମାନା ।

యోహాను 10:17

“ନାନ୍ ନା ଜିବନ୍‌ ସିନିଉଣ୍ତିଙ୍ଗ୍ ବୁବା ନାଙ୍ଗିଁ ଜିବନ୍‌ନୋନାନ୍‌, ମାରି ନାନ୍ ନା ଆୟା ଜିବନ୍‌ ମାରିଡ଼େସି ପୟ୍‌ଦେଙ୍ଗ୍‌ ଆଟ୍‍ନା ।

యోహాను 14:31

ମାତର୍‌ ବୁବା ନାଙ୍ଗିଁ ଏଣ୍ତେସ୍‌ ଆଦେସ୍‌ ସିତାମାନାନ୍‌, ଆୟା ଇସାବ୍‌ତାନ୍‌ ନାନ୍ ପାଣି କିନା । ଆତିଙ୍ଗ୍‌, ନାନ୍ ନା ବୁବେଙ୍ଗ୍‌ ଜିବନ୍‌ନୋନା ଇଜି ଦୁନିଆ ନେସ୍‌ନାତ୍‌ । ନିଙ୍ଗିଁଦୁ, ମାଡ୍‌ ଇୟା ବାଡିଦାନ୍‌ ସନାଟ୍‌ ।

యోహాను 15:10

ନାନ୍ ଏଣ୍ତେସ୍‌ ମା ବୁବାଦି ମାଟାଦିଙ୍ଗ୍‌ ମାନାଜି ୱାନି ଜିବନ୍‍ନୋନିମାଣାନ୍‍ ତିର୍‌ ଆତାମାନା, ଆୟାୱାଜା ମିର୍‌ ଏସ୍‌କାଙ୍ଗ୍‌ ନା ମାଟାଦିଙ୍ଗ୍‌ ମାନାନିଦେର୍‌, ଆରିଙ୍ଗ୍‌ ନା ଜିବନ୍‌ନୋନିମାଣାନ୍‍ ତିର୍‌ ଆନି ତେବାନିଦେର୍‌ ।

యోహాను 19:11

ଜିସୁ ଇର୍ହାନ୍‌, “ଜଦି ମାପୁରୁଦିମାଣାନ୍‌ ନିଙ୍ଗିଁ ଅଦିକାର୍‌ ରେଏତିଙ୍ଗ୍‌ ମାନ୍ଦି, ଆର୍‌ତିଙ୍ଗ୍‌ ନା ବିରଦ୍‌ତାନ୍‌ ନିଦି ଇନି ଅଦିକାର୍‌ ସିଲେତାତ୍‍ ମାନ୍ଦି; ଏନ୍‌ ନାଙ୍ଗିଁ ନି କିୟୁଦୁ ସର୍‌ପେ କିତାମାନାନ୍‌, ୱାନି ପାପ୍‌ ନାଣ୍ତୋସାନିୱାଜା ।”

యోహాను 5:26

ଇରିଙ୍ଗ୍‌ ବୁବା ଏଣ୍ତେସ୍‌ ଜିବନ୍‌ତି ମୁଲ୍‌, ମାରିସିଙ୍ଗ୍‌ ବା ଆୟାୱାଜା ୱାନ୍‌ ଜିବନ୍‌ତି ମୁଲ୍‌ କିତାମାନାନ୍‍;

యోహాను 5:30

ନାନ୍ ନା ନିଜେଦି ସାକ୍ତିଦାନ୍ ଇନିକା କିଦେଙ୍ଗ୍‌ ଆଟ୍‍ଏ; କେବଲ୍‌ ମାପୁରୁଦି ଆଦେସ୍‍ତାନ୍‍ ବିସାର୍‌ କିନା, ମାରି ନା ବିସାର୍‌ ଟିକ୍‌, ଇରିଙ୍ଗ୍‌ ନାନ୍ ନିଜେଦି ବଦା ସାଲାକିଦେଙ୍ଗ୍‍ ବଦା କିଏନ୍‍ଣ୍ତା ନାଙ୍ଗିଁ ପୋକ୍‍ତାତିୱାନିନ୍ଦି ବଦା ସାଲାକିଦେଙ୍ଗ୍‍ ବଦାକିନା ।

యోహాను 6:38

ଇରିଙ୍ଗ୍‌ ନା ନିଜେଦି ବଦାଦାନ୍‌ଦିଙ୍ଗ୍‍ ପୁରା କିଦେଙ୍ଗ୍‌ ସିଲେ, ମାତର୍‌ ନା ପୋକ୍‍ତିୱାନି ବଦା ପୁରା କିଦେଙ୍ଗ୍‌ ନାନ୍ ମୁସ୍‌କୁପୁର୍‌ତାନ୍‌ ୱାତାମାନା ।

అపొస్తు 2:24

ମାତର୍‌ ମାପୁରୁ ୱାନିଙ୍ଗ୍‌ ସାନି ମାଣ୍‌କୁ ଡ଼ିସିସ୍‍କିଜି ମାରିଡ଼େସି ନିକ୍‍ତାନ୍‍, ଇରିଙ୍ଗ୍‌ ୱାନ୍‌ ସାତି ମାନୁ ତରାୟ୍‍ଆଜି ତେବାନିକା ଅସମ୍ଭବ ।

అపొస్తు 2:32

ମାପୁରୁ ଇୟା ଜିସୁଙ୍ଗୁଁ ସାତିମାଣାନ୍‌ ମାରିଡ଼େସି ନିକ୍‍ତାମାନାନ୍‍ । ମାପ୍‌ ୱିଜେରେ ତେନି ସାକି ।

అపొస్తు 3:15

ଏନ୍‌ ଜିବନ୍‌ତି ସାରି ତର୍‍ନିକାନ୍‍, ମିର୍‌ ୱାନିଙ୍ଗ୍‌ ଡାକ୍‍ତିଦେର୍‍; ମାତର୍‌ ମାପୁରୁ ୱାନିଙ୍ଗ୍‌ ସାତିମାଣାନ୍‌ ମାରିଡ଼େସି ନିକ୍‍ତାନ୍‍ । ମାପ୍‌ ତାନି ସାକି ।

తీతు 2:14

ଆୟା କ୍ରିସ୍ତ ଜିସୁ ମାଙ୍ଗିଁ ୱିଜୁ ତାଗ୍‌ଇ ପାଣିଦାନ୍‌ ଡ଼ିସିସ୍‌ କିଦେଙ୍ଗ୍‌ ମାରି ନିଜେଦି ଉଣ୍ତିଙ୍ଗ୍‌ ସତ୍‌ପାଣିଦୁ ୱେଡ଼ିକାଆଜି ନିଜେଦି ଲୋକା ୱାଜା ପୁରା ନେଗେନ୍‍ କିଦେଙ୍ଗ୍‌ ମା ଉଣ୍ତିଙ୍ଗ୍‌ ନିଜେଦିଙ୍ଗ୍‌ ସିଆୟ୍‌ଆତାନ୍‌ ।

ఎబ్రి 2:9

ମାତର୍‌ ମାପ୍‌ ସୁଡ଼ୁଜିନାପ୍‌, ଏଣ୍ତେସ୍ ଜିସୁ ମୁସ୍‌କୁପୁର୍‌ତି ଦୁତ୍‍କା ମାଣୁକୁ ଅଡ଼ପ୍‍ ଇସ୍ରିକା କିଆୟ୍‍ଆତା ମାର୍ହାନ୍‍, ଏଣ୍ତେସ୍‍କି ମାପୁରୁଦି ଦୟାଦାନ୍‍ ୱାନ୍‌ ୱିଜେରି ଉଣ୍ତିଙ୍ଗ୍‌ ସାନାନ୍‍ । ୱାନି ଆୟା ସାତିଦଣ୍ତ୍‍ ଉଣ୍ତିଙ୍ଗ୍‌ ମାଡୁ ୱାନିଙ୍ଗ୍‌ ଇଲେଇ ଗୌରବ୍‍ ମାରି ସନ୍‍ମାନ୍‍ରୁପତି ଟପିଦାନ୍‌ ଆରାତିମାନିକା ସୁଡ଼ୁଜିନିକା ।