ଏପିସିୟ 4:13 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹³ ଆୟାଉଣ୍ତିଙ୍ଗ୍‌ ମାଡୁ ୱିଜୁଲୋକୁ ମା ବିସ୍‌ବାସ୍‌ତୁ ମାରି ମାପୁରୁଦି ମାରିନ୍‌ ବିସୟ୍‌ତି ବୁଦିଦୁ ଉନ୍‌ଡ୍ରେମାନୁ ଆନାପ୍‌, କ୍ରିସ୍ତଦି ପୁରାବର୍ତି ଆଜି ମାପୁ ପୁରାବୟସ୍‌ ଆନାପ୍‌ ।

ଏପିସିୟ 4:13 ပူးပေါင်းရင်းမြစ်များ

మత్తయి 11:27

“ନା ବୁବା ନାଙ୍ଗିଁ ୱିଜୁ ବିସୟ୍‌ ସିତାମାନ୍‍, ବୁବେଙ୍ଗ୍‌ ଡ଼ିସ୍‌ତିଙ୍ଗ୍‌ ମାରିସିଙ୍ଗ୍‌ ମାରି ଏନ୍‌ ନେସ୍‌ଏର୍‌, ମାରି ମାରିସିଙ୍ଗ୍‌ ଡ଼ିସ୍‌ତିଙ୍ଗ୍‌ ମାରି ଏନ୍‌ ନେସ୍‌ଏର୍‌ । ମାରିସି ଏମେୱାରି ଲାକ୍‌ତୁ ବୁବେଙ୍ଗ୍‌ ୱେଙ୍ଗିଁସ୍‍କିନାନ୍‍, କେବଲ୍‌ ଆକାର୍‍ନେ ବୁବେଙ୍ଗ୍‌ ନେସ୍‌ତେଙ୍ଗ୍‌ ଆଟ୍‍ନାର୍‍ ।

యోహాను 1:16

ଆଦେଙ୍ଗ୍‌ ୱାନି ଦୟାଦି ପୁରାଦାନ୍‌ ମାଡ୍‌ ୱିଜେରେ ଆସିର୍ବାଦ୍‌ ପୋଇତିମାନିକା, ହୁଁ, ଆସିର୍ବାଦ୍‌ ମୁସ୍‌କୁ ଆସିର୍ବାଦ୍‌ ପୋଇତିମାନିକା ।

యోహాను 16:3

ମାରି, ୱାର୍‌ ଇୟାୱିଜୁ କିନାର୍‌, ଇରିଙ୍ଗ୍‌ ୱାର୍‌ ବୁବେଙ୍ଗ୍‌ ମାରି ନାଙ୍ଗିଁ ନେସ୍‌ଏର୍‌ ।

యోహాను 17:21

ୱିଜେରି ଉଣ୍ତିଙ୍ଗ୍‌ ପାର୍‍ତନା କିଜିନା, ଏଣ୍ତେସ୍‌ ୱାର୍‌ ୱିଜେରେ ଉନ୍‌ଡ୍ରେମାନୁ ଆନାର୍‌; ଏ ବୁବା, ନିନ୍‌ ଏଣ୍ତେସ୍‌ ନା ମାନୁ ମାନି ମାରି ନାନ୍ ନି ମାନୁ ମାନା, ୱାନ୍‌ ବା ଆୟାୱାଜା ମାମାନୁ ମାନିର୍‌, ଏଣ୍ତେସ୍‌ ନିନ୍‌ ନାଙ୍ଗିଁ ପୋକ୍‌ତାତିମାନି ଇଜି ଦୁନିଆ ବିସ୍‌ବାସ୍‌ କିନାତ୍‌ ।

యోహాను 17:3

ମାରି, ନିନ୍‌ ଜେ ଅରେନ୍‌ମାତର୍‌ ସତ୍‌ତି ମାପୁରୁ, ନିଙ୍ଗିଁ ମାରି ଆମାୱାନିଙ୍ଗ୍‌ ନିନ୍‌ ପୋକ୍‌ତାତିମାନି, ଆୟା ଜିସୁ କ୍ରିସ୍ତଙ୍ଗ୍‌ ନେସ୍‌ନିକାନେ ଏସ୍‌କାଙ୍ଗ୍‌ୱିଜିଇ ଜିବନ୍‌ ।

యోహాను 6:69

ମାରି, ନିନ୍‌ ଜେ ମାପୁରୁଦି ମାଣାନ୍‌ ୱାତିମାନି ଆୟା ପବିତ୍ର ଲୋକୁ, ଇକା ମାପ୍‌ ବିସ୍‌ବାସ୍‌ କିତାମାନାପ୍‌ ମାରି ନେସ୍‌ତାମାନାପ୍‌ ।”

అపొస్తు 4:32

ବିସ୍‍ବାସ୍‍ସି ଦଲ୍‌ ଉନ୍‌ଡ୍ରି ଜିବନ୍‌ ମାରି ଉନ୍‌ଡ୍ରି ମନ୍‍ ଆତାର୍‌ । ଏନ୍‌ ନିଜେଦି ଦନ୍‍ତିଙ୍ଗ୍‍ ନିଜେଦିକା ଇଜି ଦାବି କିଏଜିମାର୍ହାର୍‌, ମାତର୍‌ ୱିଜେରି ଦନ୍‍ତିଙ୍ଗ୍‍ ୱାର୍‌ ସାମାନ୍‍ତାନ୍‍ ବାଟାକିଜି ସିଜିସାତାର୍‌ ।

1కొరింతి 1:10

ଏ ତଡ଼ାନ୍‌କୁ ନି ତାଙ୍ଗିଁକି, ମା ପ୍ରବୁ ଜିସୁ କ୍ରିସ୍ତଦି ସାକ୍ତିଦାନ୍‌ ନାନ୍‌ ମିଙ୍ଗିଁ ଅନୁରଦ୍‌ କିଜିନା, ଏଣ୍ତେସ୍‌ ମିର୍‌ ୱିଜୁଲୋକୁ ୱାର୍‌ଗିଜିସାନିୱାଲେ ଉନ୍‌ଡ୍ରେ ମାଟା ଇନିଦେର୍‍, ମାରି ମି ଲୋଇ ଏର୍‌ପିସିସାନିକା ଆଏତ୍‍ । ମାତର୍‌ ମିର୍‌ ଉନ୍‌ଡ୍ରି ମୋନ୍‌ତାନ୍‌ ମାରି ଉନ୍‌ଡ୍ରି ବିଚାର୍‌ତାନ୍‌ ଉନ୍‌ଡ୍ରେମାନୁ ଆଦୁ ।

1కొరింతి 14:20

ଏ ତଡ଼ାନ୍‌କୁ, ବୁଦିଦୁ ଇସ୍ରିକଡ଼ରି ୱାଜା ଆମାଟ୍, ମାତର୍‌ ତାଗ୍‌ଇ ବିସୟ୍‌ତିଙ୍ଗ୍ ଇସ୍ରିକଡ଼ରି ୱାଜା ଆଦୁ; ମାତର୍‌ ବୁଦିଦୁ ମିର୍‌ ପୁରା ବୟସ୍‌ତି ଲୋକା ୱାଜା ଆନିକା ମାନାତ୍‌ ।

1కొరింతి 2:6

ମାରିବା ମାଡୁ ଆତ୍ମିକ ଜିବନ୍‌ତୁ ପିର୍‌ନି ଲୋକା ମାନୁ ବୁଦିଦି ମାଟା ୱେର୍‌ସିନା, ମାତର୍‌ ଆକା ଇୟା ଜୁଗ୍‌ତି ବୁଦି ଆଏତ୍‍ ମାରି ଇୟା ଦୁନିଆଦୁ ସାସନ୍‌ କିଜିମାନି ନେତାରି ଜ୍ଞାନ୍‌ ଆଏତ୍‍ ।

2కొరింతి 4:6

ଇରିଙ୍ଗ୍‌ ଆମା ମାପୁରୁ ଇର୍‌ଆମାନାନ୍‌, “ସିକାଟିଦି ଲୋଇରାନ୍‌ ଜାୟ୍‌ତିକା ଆନିକା,” ଆୟା ମାପୁରୁ କ୍ରିସ୍ତଦି ମୋକମ୍‌ତାନ୍ ସାକ୍ତିଦି ମହିମା ସୁଡ଼ୁନି ଉଣ୍ତିଙ୍ଗ୍‌ ମା ଜିବନ୍‌ତୁ ଜାୟ୍‌ କିତାମାନାନ୍ ।

ଗାଲାତିୟ 4:19

ଏ ନା ଲାଡ଼୍‍ତି କଡ଼ର୍‍, ମିଙ୍ଗିଁ କ୍ରିସ୍ତଦି ୱାଜା କିଜି ତିଆର୍‍ କିଦେଙ୍ଗ୍‍ଁ ନାନୁ ମାରିଡ଼େସି ଜନମ୍‍ କିନି ୱିସାମ୍‍ କାସ୍ଟୁ ଏତ୍‌ କିଜିନା ।

ଏପିସିୟ 1:17

ନାନୁ ନା ଗୌରବ୍‍ତି ବୁବା, ମା ପ୍ରବୁ ଜିସୁ କ୍ରିସ୍ତଦି ମାପୁରୁଙ୍ଗୁଁ ପାର୍‍ତନା କିନା, ଏଣ୍ତେସ୍‌ ୱାନ୍‌ ମିଙ୍ଗିଁ ପବିତ୍ର ଆତ୍ମା ସିନାନ୍‍, ଆୟା ଆତ୍ମା ମିଙ୍ଗିଁ ବୁଦି ସିନାତ୍‍ ମାରି ମାପୁରୁଙ୍ଗୁଁ ମି ଲାକ୍‍ତୁ ତର୍‍ନାତ୍‍ । ଆତିଙ୍ଗ୍‌, ମିର୍‌ ୱାନିଙ୍ଗ୍‌ ନେସ୍‍ତେଙ୍ଗ୍‍ ଆଟ୍‍ନିଦେର୍‍ ।

ଏପିସିୟ 1:23

ମଣ୍ତଲି କ୍ରିସ୍ତଦି ମେନ୍ଧଲ୍‍; ମଣ୍ତଲି ଦାନ୍‍ କ୍ରିସ୍ତଦି ପାଣିଦି ପୁରାଆନି ପାଣି ଆନାତ୍‌; ମାରି କ୍ରିସ୍ତ ୱିଜୁ ବିସୟ ପୁରା କିନାନ୍‍ ।

ଏପିସିୟ 2:15

ୱାନ୍‌ ଜିହୁଦିରି ୱିଜୁ ବିଧିବିଧାନ୍‌ ମାଟାଦି ନିୟମ୍‌ତିଙ୍ଗ୍‌ ନିଜେଦି ମେନ୍ଦଲତାନ୍‌ ଗୁସା କିତାମାନାନ୍‌, ଏଣ୍ତେସ୍‌ ୱାନ୍‌ ସାନ୍ତି ତିଆର୍‌ କିଜି ରୁଣ୍ତିୱାନିକାଙ୍ଗ୍‌ବା ନିଜେଦିମାନୁ ଅରେନ୍‍ ପୁନି ଲୋକ୍‌ ୱାଜା ତିଆର୍‌ କିନାନ୍‌,

ଏପିସିୟ 4:12

କ୍ରିସ୍ତଦି ଆୟା ମେନ୍ଦଲ୍‌ ରସ୍‌ନି ଉଦେସ୍‌ତାନ୍‌ କ୍ରିସ୍ଟିୟାନ୍‌ ସେବା ପାଣି ଉଣ୍ତିଙ୍ଗ୍‌ ମାପୁରୁଦି ଲୋକାଙ୍ଗ୍‌ ତିଆର୍‌ କିଦେଙ୍ଗ୍‌ ୱାନ୍‌ ଇକା କିତାମାନାନ୍‌ ।

ଏପିସିୟ 4:3

ପବିତ୍ରଆତ୍ମାଦି ସାହାଜ୍ୟଦାନ୍‌ ସାନ୍ତିଦାନ୍‌ ବାସାନି ଉଣ୍ତିଙ୍ଗ୍‌ ମି ମାନୁ ଆମାକା ଉନ୍‌ଡ୍ରେ ତିଆର୍‌ ଆତାମାନାତ୍‌, ତାନିଙ୍ଗ୍‌ ରକ୍‌ୟା କିନି ଉଣ୍ତିଙ୍ଗ୍‌ ଜାତୁନ୍‍ ଆଦୁ ।

ଏପିସିୟ 4:5

ଅରେନ୍‍ ପ୍ରବୁ, ଉନ୍‌ଡ୍ରେ ବିସ୍‌ବାସ୍‌, ଉନ୍‌ଡ୍ରେ ଡୁବନ୍‌;

ପିଲିପିୟ 3:10

ଏଣ୍ତେସ୍‌ ନାନ୍‌ କ୍ରିସ୍ତଙ୍ଗ୍‌ ନେସ୍‌ନା ମାରି ୱାନି ମାରିଡ଼େସିଜିବନ୍‌ଆଜିନିଙ୍ଗିଁନି ସାକ୍ତି ଏତ୍‌କିନା; ୱାନି କାସ୍ଟୁ ବୋଗ୍‌ତି ଦଣ୍ତ୍‌ ଏତ୍‌କିଜି ସାନିମାନୁ ବା ୱାନି ୱାଜା ଆନା,

ପିଲିପିୟ 3:8

କେବଲ୍‌ ନାସ ସିଲେ; ନା ପ୍ରବୁ ଜିସୁ କ୍ରିସ୍ତଙ୍ଗ୍‌ ନେସ୍‌ନି ମାଣ୍‌କୁ ଆମା ନାଣ୍ତ ବୁଦି ପୟ୍‌ତାମାନା, ତାନି ବାଦ୍‌ଲୁ ୱିଜୁ ବିସୟ୍‌ତିଙ୍ଗ୍‌ ତାଗ୍‌ଇକା ଇଜି ଏତ୍‌କିନା; ୱାନି ଉଣ୍ତିଙ୍ଗ୍‌ ନାନ୍‌ ୱିଜୁ ବିସୟ୍‌ତିଙ୍ଗ୍‌ ଡ଼ିସ୍‍ତାମାନା, ଏଣ୍ତେସ୍‌ ନାନ୍‌ କ୍ରିସ୍ତଙ୍ଗ୍‌ ପୟ୍‌ଦେଙ୍ଗ୍‌ ଆଟ୍‌ନାନ୍‌ ।

కొలొసి 1:28

ଆୟାଉଣ୍ତିଙ୍ଗ୍‌ ମାପୁ ୱିଜେରି ଲାକ୍‌ତୁ କ୍ରିସ୍ତଙ୍ଗ୍‌ ପ୍ରଚାର୍‌ କିଜିନାପ୍‌, ମାରି ୱିଜୁ ଲୋକାଙ୍ଗ୍‌ ସେତେନା ମାରି ପୁରା ବୁଦି ୱାଲେ ସିକିୟା ସିଜିନାପ୍‌, ଏଣ୍ତେସ୍‌ ମାପୁ ୱିଜୁ ଲୋକାଙ୍ଗ୍‌ କ୍ରିସ୍ତଦି ୱାଲେ ମିସା କିଜି ଅରେନ୍‍ ପୁରାନେଗି ଲୋକ୍‌ ୱାଜା ମାପୁରୁଦି ଆଗ୍‌ଡ଼ି ତାତେଙ୍ଗ୍‌ ଆଟ୍‍ନାପ୍‍ ।

కొలొసి 2:2

ନା ଉଦେସ୍‍ ଇକା, ଏଣ୍ତେସ୍‌ ମିର୍‌ ୱିଜୁଲୋକୁ ୱେଡ଼ିକା ଆନିଦେର୍‌, ମାରି ୱାର୍‌ ନିଜେନିଜେଦି ୱାଲେ ଜିବନ୍‌ନୋନିମାନୁ ମିସାନିଦେର୍‌ ମାରି ସତ୍‌ତି ବୁଦି ପୟ୍‌ଜି ସତ୍‌ତିୱାଜା ୱିଜୁ ଦନ୍‌ତି ପୁରା ଅଦିକାରି ଆନିଦେର୍‌, ଇୟାଉଣ୍ତିଙ୍ଗ୍‌ ମିର୍‌ ୱିଜିଦେର୍‌ ନେସ୍‌ନିଦେର୍‌ ଜେ, କ୍ରିସ୍ତନେ ମାପୁରୁଦି ଆୟା ମାର୍‌ଗିତିମାନି ମାଟା ।

ఎబ్రి 5:14

ଆଇ ତରିଟାନ୍‍ ଆଟ୍‍ୱା କାଦି ପେରିବୟସ୍‌ତି ଲୋକା ଉଣ୍ତିଙ୍ଗ୍‌; ୱାର୍‌ ଜିବନ୍‌ତି ଆଇଆଇ ବୁଦିଦାନ୍ ନେଗିକା ନି ତାଗ୍‍ଇ ବିସୟ୍‌ତାନ୍‌ ନେସ୍‍ନାର୍‍ ।

୧ ଜୋହନ 5:20

ମାରି ବା ମାପୁ ନେସ୍‌ନାପ୍‌ ଜେ, ମାପୁରୁଦି ମାରିନ୍‌ ୱାତାମାନାନ୍‌ ମାରି ସତ୍‌ତିଙ୍ଗ୍‌ ନେସ୍‌ନି ଉଣ୍ତିଙ୍ଗ୍‌ ମାଙ୍ଗିଁ ବୁଦି ସିତାମାନାନ୍‌; ମାରି ମାଡୁ ଆୟା ସତ୍‌ତି ମାପୁରୁଦିମାନୁ ମାରି ୱାନି ମାରିନ୍‌ ଜିସୁ କ୍ରିସ୍ତଦି ୱାଲେ ମାନାତ୍‌ । ୱାନ୍‌ ନେ ସତ୍‌ତି ମାପୁରୁ ମାରି ଏସ୍‌କାଙ୍ଗ୍‌ୱିଜ୍‌ଇ ଜିବନ୍‌ ।