ଏପିସିୟ 2:18 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹⁸ କ୍ରିସ୍ତଦି ମାଣ୍‌କୁ ନେ ଜିହୁଦି ମାରି ଅଣଜିହୁଦି ୱିଜେରେ ଉନ୍‌ଡ୍ରେ ଆତ୍ମାଦୁ ବୁବାଦି ଆଗ୍‌ଡ଼ି ୱାଦେଙ୍ଗ୍‌ ଆଟ୍‌ତା ମାନାପ୍‌ ।

Konda: కొండ బాసదు నెగ్గి కబ్రు

¹⁸ వన్ని వెట మఙి రిఎరిఙ్, ఇహిఙ యూదురు ఆఇ మిఙి, యూదురు ఆతి మఙి, బుబ్బ ఆతి దేవుణు ముఙాల దయ్‌రమ్‌దాన్‌ సొండ్రెఙ్‌ వన్నిఙ్‌ లొస్తెఙ్‌ అక్కు దొహ్‌క్తాద్. యాక దేవుణు ఆత్మ వెట మఙి దొహ్‌క్తాద్.

ଏପିସିୟ 2:18 ပူးပေါင်းရင်းမြစ်များ

మత్తయి 28:19

ମିର୍‌ ୱିଜୁ ବାସାଦି ଲୋକା ଲାକ୍‌ତୁ ସୋଲ୍‌ସି ୱାରିଙ୍ଗ୍‌ ନା ସିସୁ କିଦୁ । ମାରି ବୁବା, ମାରିନ୍‌ ମାରି ପବିତ୍ର ଆତ୍ମାଦି ଦର୍‌ତାନ୍‌ ୱାରିଙ୍ଗ୍‌ ଡୁବନ୍‌ ସିଦୁ,

యోహాను 10:7

ଜିସୁ ମାରିଡ଼େସି ୱେର୍‌ତାନ୍‌, ସତ୍‌ ସତ୍‍ନେ ନାନ୍ ମିଙ୍ଗିଁ ଇଜିନା, ନାନ୍ ଆଜିନା ମେଣ୍ତେଆଙ୍ଗ୍‌ ସେର୍‍ଲା ।

యోహాను 10:9

ନାନ୍ ସେର୍‍ଲା, ଏନ୍‌ ନା ସାରି ସିଜି ଡ଼ୁଗ୍‌ନାନ୍‌, ୱାନ୍‌ ରକିୟା ପୟ୍‌ନାନ୍‌ ମାରି ଲୋଇ ୱାଜି ମାରି ଆତେରେ ସଲ୍‌ସି ସାରାଦେଙ୍ଗ୍‌ ଆଟ୍‍ନାନ୍‍ ।

యోహాను 14:6

ଜିସୁ ୱାନିଙ୍ଗ୍‌ ଇର୍ହାନ୍‌, ନାନ୍ ସାରି, ସତ୍‌ ମାରି ଜିବନ୍‌; ନାଙ୍ଗିଁ ସିଜି ସଲ୍‌ଇତିଙ୍ଗ୍‌ ଏନ୍‌ ବୁବାଦି ଲାକ୍‌ତୁ ସନ୍‌ଡ଼୍ରେଙ୍ଗ୍‌ ଆଟ୍‍ଏନ୍‍ ।

ରୋମିୟ 5:2

ଆୟା ଜିସୁ ମା ବିସ୍‍ବାସ୍‍ ଉଣ୍ତିଙ୍ଗ୍‌ ଇଲେଇ ମା ଜିବନ୍‍ତୁ ମାପୁରୁଦି ଦୟାଦୁ ମାନାଟ୍ । ଆଦେଙ୍ଗ୍‌ ମାପୁରୁଦି ଗୌରବ୍‍ତୁ ମିସାଦେଙ୍ଗ୍‍ ଆସା ମାଙ୍ଗିଁ ୱେଡ଼ିକାଦାନ୍‌ ଇଟ୍‍ତାମାନାତ୍‍ ।

ରୋମିୟ 8:15

ଇରିଙ୍ଗ୍‌ ମାପୁରୁ ସିତି ଆୟା ଆତ୍ମା ମିଙ୍ଗିଁ ଦାସ୍‍ତିମାଣାନ୍‍ ମୁକ୍‍ଡ଼ା କିତାମାନାନ୍‌, ମିର୍‌ ମାରି ତିଲାନିକା ଇନିକା ସିଲେତ୍‍ । ମାତର୍‌ ଆତ୍ମା ମିଙ୍ଗିଁ ମାପୁରୁଦି କଡ଼ର୍‍ ଆନି ସାରି ସିତାମାନାତ୍‍ । ୱାନି ସାକ୍ତି ନେସ୍‍ସି ମାଡ୍‌ ଇଲେଇ ମାପୁରୁଙ୍ଗ୍‍ଁ “ବୁବା” ଇଜି କୁକ୍‍ସିନିକା ।

1కొరింతి 12:13

ଆୟାୱାଜା ଜିହୁଦି, ଅଣଜିହୁଦି, କଟିସାକର୍‌ ମାରି ଅଦିକାର୍‌ରି ଲୋକୁ ଆପିନ୍‌, ୱିଜେରେ ଉନ୍‌ଡ୍ରି ଆତ୍ମାଦି ମାଣ୍‌କୁ ଉନ୍‌ଡ୍ରେ ମେନ୍ଧଲ୍‍ ଆନି ଉଦେସ୍‌ତାନ୍‌ ଡୁବନ୍‌ ଅତିମାନିକା, ମାରି ୱିଜେରେ ଉନ୍‌ଡ୍ରେ ଆତ୍ମାଦାନ୍‌ ଉଟି ମାନିକା ।

1కొరింతి 8:6

ମାତର୍‌ ମା ଅରେନ୍‌ମାତର୍‌ ମାପୁରୁ, ଆମା ବୁବାଦିମାଣୁକୁ ୱିଜୁ ବିସୟ୍‌ ତିଆର୍‌ ଆତାମାନାତ୍‌, ମାରି ମାଡୁ ୱାନି ଉଣ୍ତିଙ୍ଗ୍‌ ଜିତିମାନିକା, ମାରି ଅରେନ୍‌ମାତର୍‌ ପ୍ରବୁ, ଜିସୁ କ୍ରିସ୍ତ, ୱାନି ମାଣ୍‌କୁ ୱିଜୁ ବିସୟ୍‌ ତିଆର୍‌ ଆତାମାନାତ୍‌ ମାରି ୱାନିମାଣୁକୁ ମାଡୁ ଜିତିମାନିକା ।

ଗାଲାତିୟ 4:6

ମିର୍‍ ଜେ ମାପୁରୁଦି ମାରିସି, ଇକା ପାର୍‌ମାଣ୍‌ କିଦେଙ୍ଗ୍‍ ଇଜି, ମାପୁରୁ ୱାନି ମାରିସିଦି ପବିତ୍ର ଆତ୍ମାଦିଙ୍ଗ୍‍ଁ ମା ଜିବନ୍‍ତୁ ପକ୍‍ତାମାନାନ୍‍ । ଆୟା ପବିତ୍ର ଆତ୍ମା ଆଉଲିଦାନ୍‍ ଇଜିନାତ୍, “ବୁବା ! ଏ ନା ବୁବା !”

ଏପିସିୟ 3:12

ଆୟା କ୍ରିସ୍ତଦି ୱାଲେ ମିସାତି ମାନିଙ୍ଗ୍‌ ୱାନିମାନୁ ବିସ୍‌ବାସ୍‌ କିତିମାନିଙ୍ଗ୍‌ ଆସାଦାନ୍‍ ମାପୁରୁଦି ଆଗ୍‌ଡ଼ି ସନି ଉଣ୍ତିଙ୍ଗ୍‌ ମା ସାହାସ୍‌ ମାନାତ୍‌ ।

ଏପିସିୟ 3:14

ଆୟା ବୁବା ମାପୁରୁଦି ଆଗ୍‌ଡ଼ି ନାନ୍‌ ମେଣ୍ତେଙ୍ଗ୍‌ ଗଟ୍‌କିଜି ପାର୍‌ତାନା କିଜିନା ।

ଏପିସିୟ 4:4

ମା ମେନ୍ଦଲ୍‌ ଉନ୍‌ଡ୍ରେ, ଆତ୍ମା ବା ଉନ୍‌ଡ୍ରେ ମାରି ଉନ୍‌ଡ୍ରେ ଆସା ସିଜି ମାପୁରୁ ମାଙ୍ଗିଁ କୁକ୍‌ତାମାନାନ୍‌ ।

ଏପିସିୟ 6:18

ମାପୁରୁଦି ସାକା ଲସ୍‍ସି ପାର୍‌ତାନାଦି ୱାଲେ ଇୟାୱିଜୁ କିଦୁ । ୱିଜୁ ୱେଡ଼ାଦୁ ପବିତ୍ର ଆତ୍ମାଦି ସାଲାକିନି ଇସାବ୍‍ତାନ୍‍ ପାର୍‍ତନା କିଦୁ । ଜାଗାର୍‌ତା ମାନ୍‍ଡ୍ରୁ; ଏସାଙ୍ଗ୍‍ ୱାନ୍ଦ୍‍ମାଟ୍‍ । ମାପୁରୁଦି ଲୋକା ଉଣ୍ତିଙ୍ଗ୍‌ ୱିଜୁୱାଲେ ପାର୍‍ତନାଦୁ ଏତ୍‌ କିଦୁ ।

కొలొసి 1:12

ମାରି ଆମା ବୁବା ମାପୁରୁ ଜାୟ୍‌ତି ରାଜିଦୁ ୱାନି ଲୋକା ଉଣ୍ତିଙ୍ଗ୍‌ ଆମାକା ରକିୟାକିଜି ଇଟ୍‌ତାମାନାନ୍‌, ୱାନି ମିସାନି ଉଣ୍ତିଙ୍ଗ୍‌ ୱାନ୍‌ ଜେ ମିଙ୍ଗିଁ ଆସ୍‌କିତାମାନାନ୍‌, ଇୟାଉଣ୍ତିଙ୍ଗ୍‌ ୱାନିଙ୍ଗ୍‌ ୱେଡ଼ିକାଦି ୱାଲେ ଦନ୍ୟବାଦ୍‌ ସିଦୁ ।

ఎబ్రి 7:19

ଇରିଙ୍ଗ୍‌ ମୋସା ସିତିମାନି ନିୟମ୍‍ତାନ୍‍ ଇନି ବିସୟ୍‌ ପୁରା ପୋଇଦେଙ୍ଗ୍ ଆଟ୍ଏତାର୍‌ । ଇଲେଇ ମାଙ୍ଗିଁ ଉନ୍‍ଡ୍ରି ସାହାସ୍‍ତି ଆସା ସିତାମାନାନ୍‌; ଆୟାମାଡ଼ାନ୍ ମାପୁ ମାପୁରୁଦି ଲାକୁତୁଆନି ଉଣ୍ତିଙ୍ଗ୍‌ ଆଟ୍‌ତାମାନାନ୍ ।

యాకోబు 3:9

ମାଡୁ ୱେତଲ୍‌ତାନ୍‌ ପ୍ରବୁ ବୁବା ମାପୁରୁଙ୍ଗୁ ଦନ୍ୟବାଦ୍‌ ସିନାପ୍‌ । ମାରି ଇୟା ୱେତଲ୍‌ତାନ୍‌ ମାପୁରୁଦି ରୁପ୍‍ତାନ୍‍ ତିଆର୍‌ଆତି ଲୋକ୍‌ତିଙ୍ଗ୍‌ ଆନାଦୁରିଆ ବା ସିନିକା ।

୧ ପିତର 1:17

ମାରି ମାପୁରୁ ମକମ୍‌ ସୁଡ଼ୁଏଣ୍‌ଗା ୱିଜୁ ଲୋକାଦି ପାଣିକିତିମାନି ଇସାବ୍‌ତାନ୍‌ ବିଚାର୍‌ କିନାନ୍‌, ମିର୍‌ ୱାନି ଲାକ୍‌ତୁ ପାର୍‌ତାନା କିନିୱାଲେ ୱାନିଙ୍ଗ୍‌ ବୁବା ଇଜି ସନ୍‌ମାନ୍‌ କିଜିମାନିଦେର୍‌, ମାରି, ଇୟା ଦୁନିଆଦୁ ମି ଜିବନ୍‌ତି ନେଗି ବେଡ଼ା ୱାନିଙ୍ଗ୍‌ ମାନାଜି ତିଲାଜି ଜିଜିମାଡ଼ିଦୁ ।

୧ ପିତର 1:21

ଆମା ମାପୁରୁ ୱାନିଙ୍ଗ୍‌ ସାତିଲୋକାମାଣୁକୁ ନିକ୍‍ସି ଗୌରବ୍‍ନିତ କିତାମାନାନ୍‌, ଆୟା ମାପୁରୁମାନୁ ମିର୍‌ ୱାନି ମାଣୁକୁ ବିସ୍‌ବାସ୍‌ କିତିମାନିଦେର୍‌, ଆଦେଙ୍ଗ୍‌ ମାପୁରୁ ମି ବିସ୍‌ବାସ୍‌ ମାରି ଆସା ଡାଟ୍‌ ଆତାମାନାନ୍‌ ।

୧ ପିତର 3:18

ମିଙ୍ଗିଁ ମାପୁରୁଦି ଲାକ୍‌ତୁ ତାନି ଉଣ୍ତିଙ୍ଗ୍‌ କ୍ରିସ୍ତ ନିଜେ ଦାର୍ମୁଦିକାନ୍‌ ଆଜି ଅଦାର୍ମୁ ଲୋକୁ ପାପ୍‌ ଉଣ୍ତିଙ୍ଗ୍‌ ନିଜେଦି ଜିବନ୍‌ ସିତାନ୍‌ । ଇୟା ପାଣି ୱାନ୍‌ ପୁରାଅର୍‌ସେ ୱିଜୁଦିନ୍‌ତି ଉଣ୍ତିଙ୍ଗ୍‌ ପୁରା କିତାମାନାନ୍‌ । ୱାନ୍‌ ମେନ୍ଦଲ୍‌ତାନ୍‌ ସାତାନ୍‌, ମାତର୍‌ ଆତ୍ମାଦାନ୍‌ ଜିବନ୍‌ ଆତାନ୍‌;

ଜିହୁଦା 1:20

ମାତର୍‌, ଏ ନା ତଡ଼୍‍କୁ, ମିର୍‌ ପବିତ୍ର ଦାର୍ମୁବିସ୍‌ବାସ୍‌ ମୁସ୍‌କୁ ନିଜେ ନିଜେଦି ଦାର୍ମୁ ଜିବନ୍‌ ୱାଜା ଇଲୁକୁ ତିଆର୍‌ କିନିଦେର୍‌, ପବିତ୍ର ଆତ୍ମାଦି ସାକ୍ତିଦାନ୍‌ ପାର୍‌ତାନା କିଦୁ ।