ଏପିସିୟ 1:14 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹⁴ ମାପୁରୁ ୱାନି ଲୋକାଙ୍ଗ୍‍ଁ ଏମେ ୱିଜୁ ବିସୟ୍‍ ସିଦେଙ୍ଗ୍‍ ଇଜି ପାର୍‍ମାଣ୍‍ କିତାମାନାନ୍‌, ଆୟାୱିଜୁ ଜେ ମାଡ୍‌ ପୟ୍‍ନିକା, ପବିତ୍ର ଆତ୍ମା ତାନି ସତ୍‌ ୱାଜା । ମାପୁରୁ ୱାନି ଲୋକାଙ୍ଗ୍‍ ମୁକ୍‍ଡ଼ାନି ପୁରାଆନିକା ସିନାନ୍‍, ଇୟା ସତ୍‍ ନେସ୍‍ସି, ରାଦୁ ମାପୁରୁଦି ଦନ୍ୟବାଦ କିନାଟ୍‍ ।

Konda: కొండ బాసదు నెగ్గి కబ్రు

¹⁴ మరి దేవుణు వన్ని లోకురిఙ్‌ ఒట్టు కిత్తి విజు మఙి దొహ్‌క్నెఇని దనిఙ్‌ ఉండ్రి ఆదారమ్‌నె యా దేవుణు ఆత్మ. వాండ్రు వన్ని లోకురిఙ్‌ పూర్తి విడుఃదల కినివలె అయాకెఙ్‌ మిఙి దొహ్‌క్నె. దేవుణు గొప్ప పెరికాన్‌ ఇజి దినితాన్‌ లోకుర్‌ పొగిడిఃనార్.

ଏପିସିୟ 1:14 ပူးပေါင်းရင်းမြစ်များ

లూకా 21:28

ମାତର୍‌ ଇୟାୱିଜୁ ଗଟେନେଙ୍ଗ୍‍ ଆରାମ୍ଆତିଙ୍ଗ୍‍ ମିର୍‌ ମୁସ୍‌କୁ ସୁଡ଼ୁଦୁ ମାରି ତାଲା ପେର୍‍ଦୁ, ଏଣ୍ତେସ୍‍କି ମି ରକିୟା ପଇନିକା ଲାକ୍‌ତୁ ଇଗା ୱାତାତ୍‌ନି ।”

అపొస్తు 20:28

ମାରି ମିର୍‌ ନେତା ୱାଜା ନିଜେଦି ବିସୟ୍‌ତାନ୍‌ ମାରି ପବିତ୍ର ଆତ୍ମା ମି ଜାତୁନ୍‍ ଅତେଙ୍ଗ୍‌ ଏମେ ବିସ୍‍ବାସି ମାନ୍ଦାଦିଙ୍ଗ୍‍ ଡ଼ିସ୍‍ତା ସିତାମାନାନ୍‌, ଆୟା ୱିଜେରି ବିସୟ୍‌ତାନ୍‌ ଜାତୁନ୍‍ ଆଆ । ମେଣ୍ତା ଗାଉଡ଼ୁ ୱାଜା ମାପୁରୁଦି ମଣ୍ତଲିଦି ଜାତୁନ୍‍ ଅଆ । ଆୟା ମଣ୍ତଲିଦିଙ୍ଗ୍‍ ୱାନ୍‌ ୱାନି ମାରିସିଦି ନେତେର୍‌ତି ମାଣାନ୍‌ ନିଜେଦିକା କିତାମାନାନ୍‍ ।

అపొస్తు 20:32

“ଇଲେଇ ନାନୁ ମିଙ୍ଗିଁ ମାପୁରୁଦି କିୟୁଦୁ ମାରି ୱାନି ଦୟାଦୁ ପୁରାତି ବାକ୍ୟଦୁ ସର୍ପେ କିଜିନା, ଆୟା ବାକ୍ୟ ମିଙ୍ଗିଁ ବପୁ କିଦେଙ୍ଗ୍‌ ଇଜି ମାପୁରୁଦି ଲୋକା ଉଣ୍ତିଙ୍ଗ୍‌ ମାନି ୱିଜୁ ଆର୍ସିବାଦ୍‌ ମିଙ୍ଗିଁ ସିଦେଙ୍ଗ୍‍ ଇଜି ଆଟ୍‍ନା ।

ରୋମିୟ 8:23

ମାଡ୍‌ ମାପୁରୁଦି ପାର୍‍ତୁମ୍‍ ଦାନ୍‍ ୱାଜା ପବିତ୍ରଆତ୍ମାଦିଙ୍ଗ୍‍ଁ ପୟ୍‍ତିମାନିକା; ଆତିଙ୍ଗ୍‌ବା ମାପୁରୁଦି ଇଲୁଦିଲୋକ୍ ୱାଜା ଆଜି ପୁରାଦାନ୍‌ ମେନ୍ଦଲ୍‌ତି ମୁକ୍‍ଡ଼ାଦେଙ୍ଗ୍‍ଁ ଇଜି ମାଡ୍‌ ବା କାପ୍‌କିଜି ଜିବନ୍‍ତୁ ଆଡ଼ାବାଜିନାପ୍ ।

1కొరింతి 1:30

ମାତର୍‌ ମାପୁରୁ ମିଙ୍ଗିଁ କ୍ରିସ୍ତ ଜିସୁଦି ୱାଲେ ମିସାକିତା ମାନାନ୍‌ ମାରି ୱାନ୍‌ ମାପୁରୁଦିମାଣୁକୁ ମା ଉଣ୍ତିଙ୍ଗ୍‌ ଜ୍ଞାନ୍‌ଦିୱାଜା କିତାମାନାନ୍‌, ୱାନି ମାଣ୍‌କୁ ମାପୁରୁଦି ଆଗ୍‌ଡ଼ି ମା ଜତାର୍ଥ ମିସାଜି ପୁନା ତିଆର୍‌ ଆଜି, ମାଡୁ ଦାର୍ମିକ ମାରି ପବିତ୍ର ଲୋକ୍‌ ଆଜି ରକିୟା ପୟ୍‌ତିମାନିକା ।

2కొరింతి 1:22

ୱାନ୍‌ ମାଙ୍ଗିଁ ୱେରେଏ କିତାମାନାନ୍ ମାରି ମା ଜିବନ୍‌ତୁ ୱାନି ପବିତ୍ରଆତ୍ମାଦିଙ୍ଗ୍ ଇଟିତାମାନାନ୍ । ପବିତ୍ରଆତ୍ମା ଆଜିନାତ୍, ମା ମୁସ୍‌କୁ ମାପୁରୁଦି ଅଦିକାର୍‍ତି ସିନା ମାରି ବବିସତ୍‌ଦୁ ମାଡୁ ଆମାକା ପୟ୍‌ନିକା, ୱାନି ୱିଜୁ ୱାଜା ।

2కొరింతి 5:5

ମାପୁରୁ ମାଙ୍ଗିଁ ଇୟା ବାଦ୍‌ଲେଆନି ଉଣ୍ତିଙ୍ଗ୍‌ ତିଆର୍ କିତାମାନାନ୍ । ମାରି ଇୟାକା ମା ଉଣ୍ତିଙ୍ଗ୍‌ ୱାନି ପବିତ୍ରଆତ୍ମାଦିଙ୍ଗ୍ ୱାନ୍‌ ୱାନି ସିନା ୱାଜା ମାଙ୍ଗିଁ ଦାନ୍ କିତାମାନ୍ ।

ଗାଲାତିୟ 4:6

ମିର୍‍ ଜେ ମାପୁରୁଦି ମାରିସି, ଇକା ପାର୍‌ମାଣ୍‌ କିଦେଙ୍ଗ୍‍ ଇଜି, ମାପୁରୁ ୱାନି ମାରିସିଦି ପବିତ୍ର ଆତ୍ମାଦିଙ୍ଗ୍‍ଁ ମା ଜିବନ୍‍ତୁ ପକ୍‍ତାମାନାନ୍‍ । ଆୟା ପବିତ୍ର ଆତ୍ମା ଆଉଲିଦାନ୍‍ ଇଜିନାତ୍, “ବୁବା ! ଏ ନା ବୁବା !”

ଏପିସିୟ 1:11

ୱିଜୁ ବିସୟ୍‍ ମାପୁରୁଦି ଜୋଜନା ନି ରାଜିଆନି ଇସାବ୍‍ତାନ୍‍ ଆନାତ୍‍; ଆଗ୍‍ଡ଼ିରାନ୍‍ କିତିମାର୍ହି ନିଜେଦି ଉଦେସ୍‍ କିଦେଙ୍ଗ୍‌ ଇଜି, କ୍ରିସ୍ତଦି ମାଣାନ୍‌ ୱାନି ନିଜେ ଲୋକୁ ଆଦେଙ୍ଗ୍‌ ଇଜି ମାପୁରୁ ମାଙ୍ଗିଁ ଆସ୍‌କିତାମାନାନ୍‌ ।

ଏପିସିୟ 1:12

ରାଦୁ, ଏମେକାର୍‌ ୱିଜେରି ଆଗ୍‍ଡ଼ି କ୍ରିସ୍ତମାନୁ ଆସା ଇଟ୍‍ତାମାର୍‌ପା, ୱିଜେରେ ମାପୁରୁଦି ମହିମା କିନିକା ।

ଏପିସିୟ 4:30

ମାପୁରୁଦି ପବିତ୍ର ଆତ୍ମାଦିଙ୍ଗ୍‌ ଦୁଃକ୍‌ ସିମାଟ୍‌ । ଇରିଙ୍ଗ୍‌ ପବିତ୍ର ଆତ୍ମା ମି ମୁସ୍‌କୁ ମାପୁରୁଦି ନିଜେଦି ଅଦିକାର୍‌ତି ସିନାଦି ୱାଜା ମାରି ମାପୁରୁ ଜେ ଅର୍‍ଲେନ୍‍ ମିଙ୍ଗିଁ ରକିୟା କିନାନ୍‌, ଇୟାକା ଆନାତ୍‌ଆକା ।

୧ ପିତର 2:9

ମିର୍‌ ଉନ୍‌ଡ୍ରି ଆସ୍‌କିଆୟ୍‌ଆତିମାନି କୁଟୁମ୍‌, ରାଜାଦି ଜାଜକ ଇଲୁ, ଉନ୍‌ଡ୍ରି ପବିତ୍ର ଜାତି ମାରି ମାପୁରୁଦି ନିଜେଦି ଲୋକୁ ଆତିମାନିଦେର୍‌ । ମାପୁରୁ ମିଙ୍ଗିଁ ସିକାଟିଦାନ୍‌ ନିଜେଦି କାବାଆନି ଜାୟ୍‌ତୁ କୁକ୍‌ତାମାନାନ୍‌ । ମିର୍‍ ୱାନି କାବାଆନି ପାଣି ୱିଜୁ ୱେର୍‍ତେଙ୍ଗ୍‍ ଇଜି କୁକାତିମାନିଦେର୍‍ ।