అపొస్తు 9:2 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

² ମାରି ଦାମାସ୍‍କସ୍‍ତି ପାର୍‍ତନାକିନି ଇଲ୍‌କାଙ୍ଗ୍‌ ପ୍ରବୁଦି ୱାଲେ ବୁଲାନିୱାରିଙ୍ଗ୍‍ ପୟ୍‌ତିଙ୍ଗ୍‌ ତର୍‌ସି ଜିରୁସାଲାମ୍‍ତୁ ଆସ୍‌ସି ତାତେଙ୍ଗ୍‌ ଇଜି ପେରି ଜାଜକରି ମାଣାନ୍‌ ସାରି ସିନି ଆକୁ ଲୋସ୍‍ତାନ୍‍ ।

అపొస్తు 9:2 ပူးပေါင်းရင်းမြစ်များ

మత్తయి 10:17

ଜାଗାର୍‌ତା ମାନ୍‌ଡ଼୍ରୁ, ଇରିଙ୍ଗ୍‌ ଲୋକୁ ମିଙ୍ଗିଁ ତର୍‌ସି ବିସାର୍‌ କିନି ସଭାଦୁ ଅନାର୍‍ର ସର୍ପେ କିନାର୍‌ । ପାର୍‍ତନାକିନି ଇଲ୍‌କାଙ୍ଗ୍‌ ୱାର୍‌ ମିଙ୍ଗିଁ କର୍‍ଡା ଡାକ୍‌ନାର୍‌ ।

యోహాను 14:6

ଜିସୁ ୱାନିଙ୍ଗ୍‌ ଇର୍ହାନ୍‌, ନାନ୍ ସାରି, ସତ୍‌ ମାରି ଜିବନ୍‌; ନାଙ୍ଗିଁ ସିଜି ସଲ୍‌ଇତିଙ୍ଗ୍‌ ଏନ୍‌ ବୁବାଦି ଲାକ୍‌ତୁ ସନ୍‌ଡ଼୍ରେଙ୍ଗ୍‌ ଆଟ୍‍ଏନ୍‍ ।

అపొస్తు 18:25

ୱାନ୍‌ ପ୍ରବୁଦି ସାରି ବିସୟ୍‌ତାନ୍‌ ସିକିୟା ପୟ୍‍ତାମାର୍ହାନ୍‍ ମାରି ଆତ୍ମାଦୁ ନାଣ୍ତ ୱେଡ଼ିକାଦାନ୍‌ ଜିସୁଦି ବିସୟ୍‌ତାନ୍‌ ସତ୍‌ ସିକିୟା ସିଜି ମାର୍ହାନ୍‍ । ମାତର୍‌ ଇୟା ବିସୟ୍‌ତାନ୍‌ ୱାନ୍‌ କେବଲ୍‌ ଜୋହନତି ଡୁବନ୍‌ ବିସୟ୍‌ ନେସ୍‍ତାମାର୍ହାନ୍‍ ।

అపొస్తు 19:23

ଇୟା ଲୋଇ ପ୍ରବୁ ତର୍‌ତିମାନି ସାରି ବିସୟ୍‌ତାନ୍‌ ଅସି ଏପିସସ୍‍ତୁ ନାଣ୍ତ ଜାଟିଜଗଡ଼ା ଆତାତ୍‌ ।

అపొస్తు 19:9

ମାତର୍‌ ଏସ୍ତିୱାଲେ ଏସ ଲୋକୁ ଆଟ୍‌ୱା ନି ବିସ୍‌ବାସ୍‌ କିଏନ୍‍ଣ୍ତା ଲୋକା ଆଗ୍‌ଡ଼ି ଆୟା ସାରି ବିସୟ୍‌ତାନ୍‌ ନିନ୍ଦା କିଦେଙ୍ଗ୍‍ଁ ଆସ୍‌ତାର୍‌, ନାସ୍ତିୱାଲେ ୱାନ୍‌ ୱାରିଙ୍ଗ୍‍ଁ ଡ଼ିସ୍‌ସି ସିସୁରିଙ୍ଗ୍‌ ୱେର୍‌ଏ କିତାନ୍‌, ମାରି ଦିନାମି ଟିରାନସ୍‌ ଇଲୁଦୁ ୱାର୍‌ଗିଜିସାଦେଙ୍ଗ୍‌ ଆସ୍‌ତାନ୍‌ ।

అపొస్తు 24:14

ନାନୁ ନି ଲାକ୍‌ତୁ ମାନାଜିନା ଜେ, ଏମେ ସାରିଦିଙ୍ଗ୍‍ଁ ୱାର୍‌ ମିଚ୍‌ ଇଜି ଇଜିନାର୍‍, ଆୟା ସାରିଦିଙ୍ଗ୍‍ଁ ବୁଲାଜି ନାନୁ ମା ପୁର୍ବେଦିଡକ୍‌ରାଦାଦାରି ମାପୁରୁଙ୍ଗ୍‍ଁ ସେବା କିଜିନା । ମାତର୍‌ ନାନୁ ବା ମସାଦି ନିୟମ୍‌ ନି ବାବବାଦିରି ବଇଦୁ ରାସାତି ୱିଜୁ ମାଟା ବିସ୍‌ବାସ୍‌ କିନା ।

అపొస్తు 24:22

ପେଲିକସ୍‍ ନେଗି ସାରିଦି ବିସୟ୍‌ତାନ୍‌ ନେଗେନ୍‌ କିଜି ନେସ୍‍ତିମାନିଙ୍ଗ୍‍ଁ ୱେନିସ୍‍କିନିକା ତେବା କିଜି ଇର୍ହାନ୍‌, “ସନ୍ୟରି ନେତା ଲୁସିୟା ୱାତି ୱେନ୍‌କା ନାନୁ ନି କେସ୍‍ ପୁରା କିନା ।”

అపొస్తు 26:10

ଜିରୁସାଲମ୍‌ତୁ ନାନ୍‌ ଆୟାୱାଜା କିତା । ୱିଜେରିଙ୍ଗ୍‌ ପେରିଜାଜକରିମାଣ୍‌କୁ ଅଦିକାର୍‌ତି ଆକୁ ଅସି ବିସ୍‍ବାସିରି ଲୋକା ଲୋଇରାନ୍‌ ନାଣ୍ତ ଲୋକାଙ୍ଗ୍‌ ଜଇଲ୍‌ତୁ ନିର୍‌ତାମାର୍‌ଆ ମାରି, ୱାରିଙ୍ଗ୍‌ ସାନିଦଣ୍ତ ସିଆୟ୍‌ଆନିୱାଲେ ନାନ୍‌ ବା ୱାରି ବିରୁଦ୍‌ତାନ୍‌ ମାର୍‌ଆ ।

అపొస్తు 26:12

ଇୟା ଉଦେସ୍‌ତାନ୍‌ ୱିଜେରିଙ୍ଗ୍‌ ପେରି ଜାଜକରି ମାଣ୍‌କୁ ଅଦିକାର୍‌ତି ଆକୁ ମାରି ଆଦେସ୍‌ ଅସିନାନ୍‌ ଦାମାସ୍‍କସ୍‍ତୁ ସର୍‌ଆମାର୍‌ଆ ।

అపొస్తు 6:9

ମାତର୍‌ କୁରିଣି ମାରି ଆଲେକ୍‍ଜାଣ୍ତ୍ରିଆ ତ୍ରିଆଦି ଦାସ୍‍ପାଣିଦାନ୍‍ ମୁକ୍‍ଡ଼ାତି ମାର୍‍ଇ ଜିହୁଦିରିଙ୍ଗ୍‍ଁ ଅସି ତିଆର୍‌ଆତି ପାର୍‌ତନା ଇଲୁଦୁ ମାନି ଏସଲୋକ୍‌ ସ୍ତିପାନତି ବିରୁଦ୍‍କିତାର୍‍ । ୱାର୍‌ ମାରି କିଲିକିୟା ନି ଆସିଆ ଦେସ୍‌ତି ଆଇ ଜିହୁଦିର୍‌ ସ୍ତିପାନତି ୱାଲେ ଜାଟି କିଦେଙ୍ଗ୍‌ ଆସ୍‌ତାର୍‌ ।

అపొస్తు 7:19

ୱାନ୍‌ ମା ଡକ୍ରାଦାଦାରିଙ୍ଗ୍‍ ନାଣ୍ତ କାସ୍ଟୁ ସିତାନ୍‌, ୱାରି ଜନମ୍‍ଆତି ଇସ୍ରି କଡ଼ରିଙ୍ଗ୍‌ କାତ୍‍ତେଙ୍ଗ୍‍ ଇଜି ୱାରିଙ୍ଗ୍‌ ଆତ୍‌ରେ ପକ୍‍ତେଙ୍ଗ୍‍ ଇଜି ଆଦେସ୍‌ କିତାନ୍‌ ।

అపొస్తు 9:14

ମାରି ୱାନ୍‌ ପେରି ଜାଜକରି ମାଣ୍‌କୁ ଅଦିକାର୍‌ ଆକୁ ତାସି, ଦାମାସ୍‍କସ୍‍ତୁ ନି ପାର୍‌ତନା କିନିୱାରିଙ୍ଗ୍‍ ଆସ୍‌ସି ଅତେଙ୍ଗ୍‌ ଇଜି ୱାତାମାନାନ୍‍ ।”

అపొస్తు 9:21

ଏମେକାର୍‌ ୱାନି ମାଟା ୱେର୍‌ଆର୍‌, ୱାର୍‌ କାବାଆଜି ୱେନ୍‌ବାତାର୍‌, “ଜିରୁସାଲାମ୍‍ତୁ ଜିସୁ ଦର୍‌ତି ଲୋକ୍‌ତି ପାର୍‌ତନା କିନିୱାରିଙ୍ଗ୍‍ ଏମେ ଲୋକୁ କାତ୍‍ସି ମାର୍ହାନ୍‍, ଇକାନ୍‌ ଇନିକା ଆକାନ୍‍ ଆଏନ୍‌ ନୋ ? ୱାରିଙ୍ଗ୍‌ ପେରି ଜାଜକରି ଲାକ୍‌ତୁ ଆସ୍‌ସି ଅନି ଉଦେସ୍‍ତାନ୍‍ ୱାନ୍‌ ଇନିକା ଇବେ ରେଏନ୍‌ ମାର୍ହାନ୍‍ ନୋ ?”

2కొరింతి 11:32

ନାନ୍‌ ଦାମାସ୍‍କସ୍‍ଦୁ ମାର୍‌ଇୱାଲେ ରାଜା ଆରେଟସ୍‌ଦି ଅଦିକାରତାନ୍‌ ସାସନ୍‌କିନିକାନ୍‌ ନାଙ୍ଗିଁ ଆସ୍‌ନି ଉଣ୍ତିଙ୍ଗ୍‌ ଗାଡ଼୍‌ତି ୱିଜୁତରିନ୍‌ ସନ୍ୟରିଙ୍ଗ୍ କାପ୍‌କିବିସ୍‌ କିତାମାର୍ହାନ୍‌ ।

ଗାଲାତିୟ 1:17

ଇୟାୱାଜାକି ନା ଆଗ୍‍ଡ଼ିରାନ୍‍ ଏମେକାର୍‍ ପେରିତ ସିସୁ ଆତାମାର୍ହାର୍‍, ୱାରି ୱାଲେ ବା ବେଟ୍‌ବୁଡ଼ାଦେଙ୍ଗ୍‍ଁ ଇଜି ଜିରୁସାଲାମ୍‍ତୁ ସଲ୍‍ଏମାର୍ହା । ମାତର୍‍ ନାନୁ ଦାପ୍ରେ ଦାପ୍ରେ ଆରବ ଦେସ୍‍ତୁ ସର୍ହାମାର୍ହା ମାରି ୱେନ୍‍କା ଦାମାସ୍‍କସ୍‍ତୁ ଡ଼େସି ୱାତା ।