2కొరింతి 8:19 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹⁹ ମାରି ନାସ ସିଲେ, ପ୍ରବୁଦି ଗୌରବ୍‍ ମାରି ମା ନମସ୍କାର୍‌ ୱିକ୍‌ନି ଉଣ୍ତିଙ୍ଗ୍‌ ଆମା ଉଣ୍ତାକିତି ଦାନ୍‍ତି ଅନି ସେବା ପାଣି ମାପ୍‌ ପୟ୍‍ତାମାନାତ୍‍, ଆବେନ୍‌ ମା ଅର୍‌ସେସନି ଉଣ୍ତିଙ୍ଗ୍‌ ଆଇଆଇ ମଣ୍ତଲି ୱାନିଙ୍ଗ୍‌ ଆସ୍‍ କିତାମାନାର୍‌ ।

Konda: కొండ బాసదు నెగ్గి కబ్రు

¹⁹ అక్కాదె ఆఏండ, ప్రబుఙ్‌ పేరు వాదెఙ్‌ ఇజిని మహి వరిఙ్‌ సాయం కిదెఙ్‌ మా మన్సుదు మన్ని ఆస తోరిస్తెఙ్‌ ఇజినె మాపు కనికారమ్‌దాన్‌ కిజిని యా పణి కిజినాప్. యా సంత అసి మాపు సొనివలె, మా వెట వాదెఙ్‌ ఇజి విజు సఙమ్‌కు కూడ్ఃజి యా తంబెరిఙ్‌నె ఎర్లిస్త మనార్.

2కొరింతి 8:19 ပူးပေါင်းရင်းမြစ်များ

అపొస్తు 14:23

ୱିଜୁ ମଣ୍ତଲିଦୁ ୱାର୍‌ କିକୁ ଇଡ୍‌ଜି ମଣ୍ତଲିଦି ପେରି ନେତାର୍‍ରିଙ୍ଗ୍‌ ବାସେ କିତାର୍‍ ମାରି ଏମେ ପ୍ରବୁଦିମାନୁ ୱାର୍‌ ବିସ୍‌ବାସ୍‌ କିତାମାର୍ହାର୍‍, ପାର୍‌ତନା ନି ଉପବାସତି ୱାଲେ ୱାରିଙ୍ଗ୍‍ଁ ଆୟା ପ୍ରବୁଦି ଲାକ୍‌ତୁ ସର୍ପେ କିତାର୍‍ ।

అపొస్తు 15:22

ୱେନ୍‌କା ପ୍ରେରିତ ସିସୁର୍‍ ନି ମଣ୍ତଲିଦି ନେତାର୍‍ ମାରି ମଣ୍ତଲିଦି ୱିଜେରେ, ଦଲତି ଏସ ଲୋକାଙ୍ଗ୍‌ ବାସେକିଜି ପାଉଲ ନି ବର୍ଣ୍ଣବାଦି ୱାଲେ ୱାରିଙ୍ଗ୍‍ଁ ଆଣ୍ଟିୟକଦୁ ପକ୍‍ତେଙ୍ଗ୍‍ଁ ଇଜି ତିର୍‌ କିତାର୍‍ । ବର୍ସବା ଦର୍‌ତି ଜିହୁଦା ନି ସିଲା ବିସ୍‍ବାସ୍‌ତି ତଡ଼ାନ୍‌କା ଲୋଇ ସନ୍‍ମାନ୍‍ ପୟ୍‍ତାର୍‌ ।

అపొస్తు 15:25

ଆଦେଙ୍ଗ୍‌ ମାପ୍‌ ୱିଜେପେ ଉନ୍‍ଣ୍ତ୍ରି ମାଟା ଆଜି ଏସ ଲୋକ କାବୁର୍‌ ସିନିୱାରିଙ୍ଗ୍‍ଁ ବାସେ କିଜି ମି ଲାକ୍‌ତୁ ପକ୍‍ତେଙ୍ଗ୍‍ଁ ଇଜି ଆସ୍‍କିତାମାନାପ୍‍ । ୱାର୍‌ ମା ଲାଡ୍‍ତି ତଡ଼ାନ୍‌ ବର୍ଣ୍ଣବା ନି ପାଉଲତି ୱାଲେ ସନାର୍‌ ।

అపొస్తు 19:22

ଆଦେଙ୍ଗ୍‌ ୱାନ୍‌ ୱାନି ସେବାକିନି ରିଏର୍‌ ତଡ଼୍‍ ତିମତି ନି ଏରାଷ୍ଟତିଙ୍ଗ୍‌ ମାସିଦନିଆଦୁ ପକ୍‌ତାନ୍‌, ମାତର୍‌ ନିଜେ ଆସିଆ ଦେସ୍‌ତୁ ମାରି ଏସ ସମୟ ତେବାତାନ୍‌ ।

అపొస్తు 19:29

ଇୟା ଜାଟିଜଗଡ଼ା ୱିଜୁ ଗାଡ଼୍‌ତୁ ୱେଙ୍ଗିଁତାସର୍ହାତ୍‍ । ରିସାଆତିମାର୍ହି ଲୋକୁ ପାଉଲ୍‍ତି ୱାଲେମାର୍ହି ମାସିଦୋନିଆଦି ଗାୟସ୍‍ ନି ଆରିସ୍ଟାର୍କସ୍‍ତିଙ୍ଗ୍‍ଁ ଆସ୍‌ସି ୱାରି ଜୁଜ୍‍କିନିବାଡିଦୁ ତର୍‍ତା ଅତାର୍‌ ।

ରୋମିୟ 5:11

କେବଲ ଆକାନେ ସିଲେ, ପ୍ରବୁ ଜିସୁ କ୍ରିସ୍ତଦି ମାଣାନ୍‌ ମାପୁରୁ ଏମେ ୱିଜୁ ପାଣି କିତାମାନାନ୍‌, ଆୟାଉଣ୍ତିଙ୍ଗ୍‌ ମା ଜିବନ୍‌ ୱେଡ଼ିକାଦି ପୁରା ଆତାମାନାତ୍‌ । ଆୟା ଜିସୁ ମାପୁରୁଦି ୱାଲେ ମା ମିସାନିକା କିତାମାନାନ୍ ।

ରୋମିୟ 5:3

ୱିଜୁ ରକମ୍‍ତି ଦୁକ୍‍ କାସ୍ଟୁଦୁ ବା ମାଡ୍‌ ୱେଡ଼ିକା କିଜିନିକା, ଇରିଙ୍ଗ୍‌ ତରବର୍‍ ଆଏଣ୍ତା କାସ୍ଟୁ ବଗାନି ମାଣାନ୍‌ ମନ୍‍ତୁ ସାସ୍‌ ୱାନାତ୍ ।

2కొరింతి 4:15

ମି ନେଗି ଉଣ୍ତିଙ୍ଗ୍‌ ଇୟାୱିଜୁ ଗଟାଜିନାତ୍ । ମାପୁରୁଦି ଦୟା ମାରି ନାଣ୍ତଦାନ୍ ନାଣ୍ତ ପିର୍‌ଜି ଲୋକାଙ୍ଗ୍‌ ମୁଟୁତାତ୍‌, ମାରି ଗାଦିଲୋକ୍‌ ନେଗି ମୋନ୍‌ତାନ୍‌ ମାପୁରୁଦି ଗୌରବ୍‍ କିନାର୍ ।

2కొరింతి 8:11

ଇଲେଇ ପାଣିକିଜି ସାଡ୍ରୁ ମାରି ମି ସୁଜଗ୍‌ତାନ୍ ଆକା ୱିସ୍‌ତୁ । ନେଗିକାଆସିନି ବେଡ଼ାଦୁ ମି ଏମେ ୱେଡ଼ିକା ମାରାତ୍, ପାଣି ୱିଜିନିସାନ୍ଦି ଆକା ଆସ୍‍ସ ଇଡ୍‍ଦୁ ।

2కొరింతి 8:12

ମାତର୍‌ ଦାନ ସିଦେଙ୍ଗ୍‌ ୱେଡ଼ିକା ମାରିଙ୍ଗ୍, ଲୋକୁ ୱାନି ବଦା ଇସାବ୍‍ତାନ୍ ଆମାକା ଦାନ୍ କିନାନ୍, ମାପୁରୁ ଆସ୍‍ନାନ୍‍ । ୱାନି ସିଦେଙ୍ଗ୍‍ଆଟ୍‍ନି ଆତ୍‌ରେ ୱାନ୍‌ ଇନିକା ସିପିନ୍ ଇଜି ମାପୁରୁ ବଦା କିଏନ୍‌ ।

2కొరింతి 8:20

ନିଜେଦି ବଦାଦାନ୍ ସିଆୟ୍‌ଆତିମାନି ଇୟା ଦାନଦିଙ୍ଗ୍ ନାଣ୍ତ ଜାଗାର୍‌ତାଦାନ୍‌ ମାପ୍‌ ବ୍ୟବହାର୍ କିଜିନାପ୍, ଏଣ୍ତେସ୍‌ ମା ମୁସ୍‌କୁ ଏନ୍‌ ଦୋସ୍‍ତିଗିଦେଙ୍ଗ୍ ଆଟ୍‌ଏନ୍ ।

2కొరింతి 9:2

ନାନୁ ନେସେନା, ମିର୍‌ ୱିଜୁଦିନ୍ ସାହାଜ୍ୟ କିଦେଙ୍ଗ୍ ତିଆର୍ ମାରି ମାସିଦୋନିଆଦି ଲୋକାଦି ଲାକୁତୁ ମି ବିସୟତାନ୍ ନାନୁ ଗର୍ବ କିତାମାନା । ନାନୁ ଇର୍ହାମାର୍ହାନ୍, “ଆକାୟାଦି ତୋଡ଼ାନକୁ ସାହାଜ୍ୟକିନି ଉଣ୍ତିଙ୍ଗ୍‌ ଦରଟାନ୍ ତିଆରଆତାମାନାର୍ ।” ମି ୱେଡ଼ିକା ୱାରି ମାଡ଼ାନ୍‍କୁ ବା ଏସ ଲୋକାଙ୍ଗ୍‌ ଜାଗାର୍‌ତା କିତାମାନାତ୍‌ ।

2కొరింతి 9:8

ୱିଜୁ ରକମ୍‍ତି ଦାନତୁ ମିଙ୍ଗିଁ ପିରିସ୍‍କିଦେଙ୍ଗ୍ ମାପୁରୁ ଆଟ୍‍ନାନ୍‍; ଆବେଣାନ୍ ମିର୍‌ ୱିଜୁଦିନ୍ ନାଣ୍ତଦାନ୍ ବାସାଦେଙ୍ଗ୍‌ ଆଟିନିଦେର୍‌ ମାରି ୱିଜୁ ରକମ୍‍ତି ନେଗି ପାଣି ଉଣ୍ତିଙ୍ଗ୍‌ ନାଣ୍ତଦାନ୍ ସିଦେଙ୍ଗ୍‍ ଆଟିନିଦେର୍‌ ।